Shelters ide Pampa🏡

Am Zischtig Morge hend Maud und ich üses Rucksäckli packt, wills ufem 4-tägige Arbeitsusflug mitem Tembani gange isch. Mir sind ca. 4-5 Stund us Capetown usegfahre. Ziel sind zwei Frauehüser gsi. Eini isch e Notfallsheltergsi, wo Fraue und Chind für maximal 2 Wuche chend blibe. Und de zweite Shelter isch für denoch, wo meh es paar Mönet cha überbrücke. Öpis was eifach immer super isch isch es Team, so herzigio Lüt☺️. Mir hend au no Dateerhebig gmacht mit de Fraue wo det vorübergehend Wohned, und dene sini Gschichte köre isch ned ohni. Vu Misshandlige zu Gwalt hets alles debi ka, und meistens über Jahre. Aber I cha dergi Schicksalsschläg zum Glück guet träge. Mir hend au no zwei SAFE-Plattform Meetings ka. MOSAIC versucht zum Plattforme schaffe, wo verschiedeni Interessegruppe vertrette sind, zum Opfer besser chene Zhelfe. Es het Polizist*inne, Führwehrmänner, Lüt vu Chirche, Bibliotheke und Community-arbeiter ka. Au Psychologinne, Awält, Radiomoderator und vieli Witeri. Es isch also wie es Meta-Netzwerk, wome versucht zum ufbaue.
I de Gegend womer gsi sind isch ned viel los. Generell simer inmitte vude Pampa gsi (was ja au Sinn macht do Location inkognito setti si). Dörfer det hend sich echt komisch agfühlt, wimer de koloniali Baustil no gseh, aber es fühlt sich a als obmeh ide 80er- Jahr stecke blibe wär.👀 Eis vude Highligh isch es Braai (also afrikanisches BBQ) gsi mit anschlüssendem Marshmellow brötle😌. Paar vum Team sowie paar Bewohner sind debi gsi.Read more