Viel z spot aber immerno pünktlich uf Wiehnachte simmer denn in Cartagena ahcho. Leider hed mis Handy ah dem Tag entschiede nümme wiiter z laufe und ich ha nor öber d Handys vo mine Bootsgspändli chönne Hei schriibe. Das esch au de Grund dass ich scho so lang nüt meh gschriebe han. Inzwösche han ich aber weder eis kauft und ha jetzt ehn neui kolumbianischi Nummere. Falls die öbber brucht chönnd ehr mich ja über Facebook oder bi minere Familie noche froge :).
Uf jede Fall han ich denn de 24.12 mit mine neue Frönde in Cartagena verbrocht. Ich ha leider ned viel vo de Stadt gseh. Insgesamt eschs es sehr es komischs Wiehnachte gsii aber immerhin bin ich is Meer go bade was ja au zimlich toll esch. Am Obig vom 24.12 bin ich denn ah lääri Flughafe zum no rächtziitig uf Bogota z cho wo mich am 25 mis gröschte Wiehnachtsgschänkli - de Bsuech vom Luca - erwarted hed.Read more
Traveler Geniessets 🤗