Satellite
  • Day162

    Paracas

    January 12, 2019 in Peru ⋅ 🌬 26 °C

    Vo Lima bin ich mit ehm Bus wiiter uf Paracas. Es chlises Dörfli ah ehmene ned so schöne Strand aber defür ehmene wunderschöne Nationalpark näbe dra.

    Uf ehm Wäg det hii hämmer bi ehmene ehemalige Sklavehuus ghalte und händ nochli öbbis dröber erfahre wie Sklave früehner in Peru behandled worde sind und händ die unterirdische Gäng besuchtiged wo mer sie duregschmugled hed.

    In Paracas ahcho han ich denn nömme so viel gmacht. Ich ha s peruanische Ceviche probiert, chli Snacks kauft för die nöchste Täg und bi am Strand entlang gloffe.

    De nöchsti Tag esch sehr vollgstopft gsii! Am Morge am 8ti eschs Boot los zu de Islas Ballestas. Scho uf ehm Wäg det hii hämmer Delfin gseh und uf de Insle denn ganz viel Robbe so wie vereinzelti Pinguine. Nach ehm Boot heds grad so für es Kaffi glänged bevor mer i Nationalpark sind. Da ich kei Erwartige gha ha bin ich positiv überrascht worde :) De Nationalpark esch voll schön gsii die schiinbar ändlosi Wüesti, die steile Klippe und de roti Sandstrand händ mich beidruckt!
    Read more