49 - 51: Victoriafalls

Ganzi drü Täg hämmer Ziit gha zum d Victoria falls ahluge, diversi Aktivitäte z mache und chli z entspanne. Da de Ort sehr touristisch esch heds au es paar gueti Restaurant und Bare gha.

Ich bi ih minere Ziit dete ih Park goh d Falls ahluege, bi zu de Brug wo Lüüt Bungee jumped go abe luege, bi ih verschiednigi Restaurants go käffele, zmörgele und Znacht ässe und bi als absoluts Highlight id Devils Pools diräkt am Egge vo de Falls go bade. Det über d Kante z luege und d Strömig z gspöre esch eifach unglaublich gsii!

Au Ziite wo mer eifach uf ehm Campingplatz verbrocht händ hani sehr gnosse. Es hed üs mol chli Ziit gäh ehnand no besser känne z lehre ohni immer Ziit mit de ganze Gruppe z verbringe.Read more