Around the World 🌋🏝️📸🌍

Üsi erste paar Täg in Boracay sind scho düre und mir sind ez no die letste 2 Täg am gnüsse bevors denn witer uf El Nido gad. Üses Hotel isch direkt am Strand voll im Zentrum vode Insle. Wemer bim hotel usegönd simer scho am Strand und links und rechts chamer alles am Strand entlang laufe und es hed alles restis und Lädeli und zwüschegässli mit wiitere Lädeli und Restaurant. Es lauft aso immer chle öbis und es hed vill Lüüt was üs aber ned so stört wil mirs no gern hend wenn chle öbis lauft. Uf de Insle gids ned mega vill zum mache, da sie au ned so gross isch. Es isch vorallem cool zum am Strand chille und Bade und zum düreschländere und go esse ga. De Strand isch en Traum fast wisse Sand und mega klars türkisfarbigs Wasser.🌊😍 mir sind au no uf die ander site vode insle gloffe was öbe 10 minute gange isch😂 und det isch eher windig und sind ganz vill lüüt am kitesurfe gsi und isch ned so zum bade geignet wie uf üsere site.
was chle nervig isch sind die ufdringliche iheimische woder wend toure verkaufe und dich abzocke. Süsch sind philippinos aber sehr hilfsbereit und fründlich.🤪 mir hend en Bootstour um d Insle gmacht und hend chöne go schnorchle, sind aber bizli entüscht gsi vode tour, da mer ned würklich vill gse hend und bim schnorchle alli Koralle tod gsi sind. Es paar fischli hemmer trotzdem gsee🐠 Die restliche Täg hemmer chle Baded, gesse und s warme wetter gnosse. Isch au schön gsi mal chle nüd mache, für das isch die Insle perfekt🌞🥰 Mir freued üs ez aber au uf die nöchste Ort, wos au was toure agad chle asprechender usgsend und hoffed das det au zum schnorchle schöner isch wil s wasser isch en traum😍Baca lagi