Byron Bay🏄🏽‍♀️🌧️

A üsne Täg in Byron Bay heds eigentlich ziemlich nur grägnet, bis uf hüt womer leider hend müsse wiiter fahre. 🌧️ Mir hends trotzdem gnosse und es isch es mega cools Örtli mit ganz villne Läde und Restis. 😍 Ide einte Nacht heds sooo fest grägnet dases üsi alt chiste leider nümme hed möge verhebe und d Anina zmizt ide Nacht am 3 ufgwacht isch wil Decki und Matratze voll Nass gsi sind wils dür ne lüfter am Dach obe ine tropft hed💦🙄 De Remo hed zum glück denn provisorisch chöne es lärs Yogurt bächerli ufe spanne zum das ganze Wasser ufzfange😝 am nöchste Tag hemmer denn einmal alles gwäsche und tumblered damits nüme so füecht gsi isch im Camper 😅 Mir sind froh dasmer süsch immer sehr glück gha hend mitem Wetter und dass das erst geg endi vo üsere Reis in Australie passiert ish. Jäno ez hemmer hald en schöni yogurt Bächer deko im Camper🤷🏽‍♀️😂 Bevor mer hüt 4.5 h gfahre sind, hemmer am moege no en chline walk gmacht am Meer entlang zum Lüchtturm vo Byron Bay. Ez simmer am nöchste Campingplatz acho womer ei Nacht schlafed und morn gaz de wiiter richtig Sydney🤪🚘 Hüt hemmer wieder meega heiss und sinds am gnüsse miteme Bierli ufem Camping direkt am Fluss🍺En savoir plus