Reimposta ricerca
Mittelamerika
  • Lord Globi

Mittelamerika

Meine erste Reise Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Lord GlobiMittelamerikaViaggiatore

    Rio Beachday

    12 novembre 2021, Brasile ⋅ 🌧 20 °C

    I globe das isch wenn nöd de bekanntisti Strand vode Welt: Copacabana.

    Erlichgseit ischer schön, aber ned besser wied Stränd vo Belize oder Kolumbie. Guet i muess dezue sege, i han Pech gha mitm Wetter. Leider bini nur ein Tag am Strand gsi. Es isch bewölkt gsi und s Wasser chalt. So bini amel nur churzi Wachmacher im Wasser go mache. Mer sind mega vil Lüt vom Hostel gsi, was d Stimmig no coll gmacht het.

    Nichts desto trotz: i bi go bade!😅    Leggi altro

    Guarda la traduzione
  • Lord GlobiMittelamerikaViaggiatore

    Rio Christus Statue

    14 novembre 2021, Brasile ⋅ ⛅ 23 °C

    I bin elei unterwegs gsi zude Christus Statue.✝️ Alli hend gseit, ja da muemer umbedingt gse.
    Drum hani chli Geld und mit Buech mitgno und bi abgloffe.
    Woni döte acho bin aber hets gheisst de Transport chostet 100 Real pro Fahrt und Itritt döt ane auno 60. I han leider nur 150 Real debi gha und hani drum spontan öpis anders möse ifalle lo.😅

    Uelaufe het mer ned chöne, wel de Weg durch zwei Favelas düreführt und seb z gfährlich gsi wär. I bin aber am afang chli uegloffe und han den paar Töfffahrer gfroget obs mi wöret uefahre. Für 50 Real (kei 10 CHF) heter mi uegfahre. 🏍️
    I han aber ned gwüsst, dass mer mit Auto oder Töff döt gar ned uechunt. Mer mue s Zahradbähnli ne. So heter mi a zwei Ussichtspünkt anebrocht, womer super Sicht ane gha het, aber ned druf gsi sind.⛰️
    Für mi hets glanget, au wenns nöd s ganz Orginal isch.

    D Fotene vode Ussicht sind aber glich traumhaft und zeigt d Schönheit vo Rio de Janeiro.🏖️🏰🌄🏙️    Leggi altro

    Guarda la traduzione
  • Lord GlobiMittelamerikaViaggiatore

    Salvador City 1

    16 novembre 2021, Brasile ⋅ 🌧 24 °C

    Vo Brasilie isch das mini Lieblingsstadt gsi. Scho direkt woni acho bin, hani e gwüssi Verbindig doane gspürrt. 🏖️😘
    Di meiste würdet Salvador ned als schön empfinde. Vil Obdachlosi und Bättler uf de Strosse, d Hüser kaputt, und d Strossene chöntet ihri eigene Gschichte vazelle.
    Aber gnau das hets bi mer usgmacht. Es isch mer vorcho wie d Beschriebig vomene Buech vor 50 Jahre. Ich han mich di ganzi Zit sehr sicher gfühhlt. Ich bin au 2-3 Mol a Stellene gsi, wo en Tourist ned sötti si, aber au döte sind d Lüt höfflich gsi.😅
    Das isch au en wichtige Punkt wieso dasi die Stadt ase mag: Fründlichkeit. Egal ob Verkäufer, Strassemousiker oder Iheimischi; si sind fründlich gsi und hend guete Tag gwünscht. Das hani ide Grossstadt mega vermisst und Salvador het den au fast 3 Millione Iwohner!🏰

    Usserdem isch Salvador au de Ursprung vode Kolonialisierig und au vom Salsa. 🧑🏿💃🏾🕺🏼Vo do us sind d Afrikaner nach Amerika verschifft worde. Darum isch d Hutfarb au einiges dünkler im Durschnitt wie in Sao Paulo, guet döte findsch eh alles. 😂
    Aber das hani den mit de Franzose vil gmacht. Mer hend vili Muesee und Chirchene bsuecht.
    Was mer ufgfalle isch bide Krichene: kei einzigi Kirche het Cherzli zum azünde gha. 🕯️Für 50 Rappe het mer aber es LED-Kerzli chöne "azünde"... I weiss nonig wasi vo dem söll halte, aber i denke ide Schwiz wirds scho nonig so schnell cho.
    Im Februar wärs do genial!‼️💃🏾🕺🏼 ali meinet das Rio de Janeiro d Hochburg vom Karneval isch, aber das stimmt nicht. In Salvador isch di grössti "Fasnacht" und da stoht uf minere Bucketlist fürd Zuekunft jetzte haha.

    Zemegfasst isch Salvador arm a Geld aber rich a Höfflichkeit. I würs vor Rio vorzüche!🌄    Leggi altro

    Guarda la traduzione
  • Lord GlobiMittelamerikaViaggiatore

    Morra de Sao Paolo

    18 novembre 2021, Brasile ⋅ ⛅ 26 °C

    D Entscheidig dasi glich do ane gang, isch recht spontan gsi. Es isch ursprünglich nur min Uswichplan gsi, weli nomel go tauche han wölle. Leider isch das id Hose gange, weli nur s Open Water han und ned s Advanced (s höcher Level). 😭
    So hani mi am Obig bim Bier vom Ricky vo England überrede lo, dasmer zeme döt ane gönd. 🏖️
    Er isch aber am morge chli schneller gange und hets uf ein früehner probiert, ohni Erfolg.
    Bide Fähre het er e Stund lang gwartet, i däre Zit hani alles packt gha, en Tauchgang im Pool gmacht und gemütlich zmörgelet.

    De Transfer selber isch entüschend gsi. Es git 3 verschideni Transferarte (sovilis verstande han). ‼️
    - Fähre für Autos (langsamsti)
    - Fähre für Persone (mit umstige und Busfahrt)
    - Katamaran (schnellsti und direkti Fahrt zude Insle)⬅️🛥️
    Prislich liget ali öpe glich. Vo 100 bis 120 Reals (18 CHF) het ein Weg kostet. Jenochdem wie fest das "Gringo" bisch.
    Leider bini mit de zweite Option gfahre, obwohl mir s dritte versproche worde isch. Us versprochene 2 h Weg sind 3 h worde.
    am 12:30 bini gots Ticket hole, 13:15 isch d Fähre abgfahre, aschlüssend simmer Bus gfahre und zum Abschluss mitm Speedboat den zu üsere Insle cho.

    D Insle selber isch absolut genial und empfehlenswert. 🏖️Min grösste Fehler isch nur gsi, dasi so knapp kalkuliert han. Am geilste wäret minimum 3 Täg.‼️ Do isch Baderferiemodus au ufcho. Super schöns Wetter, ganzi Strand volle Bars und Glaceläde und am obig wird tanzet.😍Mis ding.
    Zersch simmer fein go zNacht esse, aschlüssend mis obligatorische Glace go schnabuliere und den energieglade d Bei go vertrample.🦵🏼
    Öpe am 12:00 het den d Musik abgschalte und d Party wär bimene andere Ort witer gange. Besser gseit wär si ufere chline Insle namens Mama Africa witergange, weli aber z müed gsi bin, hets für mich nüme glanget. Di ganzi Gruppe isch aber vorher no eifoh an Strand angeghögglet, wie im Kindergarte schön im Kreis ine, und hend eifoh mitenand chli gschnörret.👶🏼
    De Blick ufs Meer mitm Rusche und d Sterne am Himmel isch scho was unbezahlbars gsi und nurscho desswege isch die Reis wert gsi.
    🏖️🌌⛱️🌊    Leggi altro

    Guarda la traduzione
  • Lord GlobiMittelamerikaViaggiatore

    Morra Seilbahn

    19 novembre 2021, Brasile ⋅ ⛅ 29 °C

    De zweiti Tag döte isch no spezieller für mi gsi. Zersch bini mit 3ne vom Hostel go Zipline fahre. Leider fallt mer das Wort uf dütsch nüme ih: Mer rutscht s Seil abe, wo du übere Rolle döt dra befestigt bisch. Spezielle isch, dasmer so über de ganzi Strand flitzt.🏖️😛 S Video zeigt scho alles...
    Userdem isches di längsti Seilbahn vo Brasilie. I nime aber aunöd ah, dasses vili devo het.😂

    Aber s nächste Hightlilght isch naher cho. I bin den elei zruckgloffe und ha en spezielle Glacelade entdeckt. Döt hani nöd wie üblich pro Kugle zahlt, sondern pro Kilogramm...😍🤩
    Jaaa wie söllis sege:
    Innerhalb vo 20 min hani halt 18 verschiedeni Kugle Glace probiert. So bini den miteme volle Glacebuch ufd Zruckreis nach Salvador gange.🐒🍨🍧🍦    Leggi altro

    Guarda la traduzione
  • Lord GlobiMittelamerikaViaggiatore

    Sao Paulo Museumstag

    21 novembre 2021, Brasile ⋅ ⛅ 21 °C

    Vo Salvador hanni nachem Flug den extra es eiges Hotel buechet in Sao Paulo. Nach gnueg Stunde Casa de Papel, paar Stunde schlofe undeme usgwogne Zmorge bini den los gange uf mini Museumstour. 🏦🏃🏼‍♂️🏣A eim Tag bin ich 3 verschiedene Museums gsi.
    Museum Nummer eis isch e Christetummuseum gsi. Do alles uf Portugiesisch gsi isch, hani ned ase vil verstande und han eifoh chli umeglueget. 😅Ich mues sege de Itrit isch au nur 6 Reals gsi, also 1 CHF. Für de Pris muemer ned vil erwarte.
    S zweite isch "Pinacoteca do Estado de Sao Paulo" gsi. Das isch e Kunstmuseum gsi und isch s beste gsi vo allne. Itritt het do 20 Reals kostet, het sich aber glohnt. ‼️Leider hani naher möse an Checkout vom Hotel go, süss heti döt no paar Stunde me verbrocht.
    Museum Nummer 3 isch s bekannteste gsi: "Museu de Arte de Sao Paulo" oder au eifoh MASP. Das isch moderni Kunst und isch i dere Thematik weltwit das Vorzeigemuseum. Leider isch min Ufenthalt im Museum nur 2 min gsi...Weli kei Ticket gha han, hends mi den wieder direkt usegschickt. 🙄Wegem Corona mues mer Ticket online vorreserviere und leider hani das ned gmacht.
    Goni halt nägstmol döt ane.🤙🏼

    Nachdem ich im erste Hostel vo SP wieder zruckcho bin hani den mini Glaceliebi und mis neuglernte den no kombiniert. Viva los helados!🙏🏽💕🍨    Leggi altro

    Guarda la traduzione
  • Lord GlobiMittelamerikaViaggiatore

    Sao Paulo Shopping

    22 novembre 2021, Brasile ⋅ ⛅ 25 °C

    Di letzte zwei Täg hani den nüme all zu vil vorgno. Hauptsächlich chli go pöstele. Am erste Tag bini nach 25 de Marco. ‼️Döt isches relativ günstig zum poste und mer findet vili schöni Sache. I werdes den eu dehei präsentiere haha.
    Au e superschöni Kathedrale hani gfunde. Nur schad das nebetzue d Crackrauchers am lebe sind... ⛪

    Am zweite (und min letzte) Tag bini nach Campinas, das isch 1.5 Stunde Busfahrt vo SP Busbahnhof. Es isch mer gseit worde dases es mega schös Ikaufszentrum sötti si und lohnenswert segi...🙄Leider isches aber nöd gsi und d Prise sind relativ höch gsi für Brasilie!🤔
    Guet i mues sege en McFlurry Kitkat het immerno 12 Reals kostet, also 2 CHF, aber da isch de ersti "schlechti McFlurry gsi...😬 S Glace selber, wasi normalerwis liebe, isch wie ned gmischt gsi und het den komischi konsistenz gha, gelblichi Farb und au ein Teil schneller gschmolze. Ja da gset mer wasi füren Glaceanalyst bin...🤓🧐    Leggi altro

    Guarda la traduzione
  • Lord GlobiMittelamerikaViaggiatore

    Heimflug

    23 novembre 2021, Brasile ⋅ ⛅ 25 °C

    De Haiwäg isch den recht stressig worde. I han 2 h Reserve planet am Flughafe dasin sicher ned verpass und 45 min Weg mitm Uber anstatt 35min. 🚗Wels aber ase en huere verkehr gha het, hani am Flughafe nurno 45min gha. Und Gepäckabgob isch gnau 45min vorher. 🙈Aber natüterli hanis anebrocht, miteme guete Puls durch Kontrollene cho und dezue schön warm agleit.🤓
    Heigfloge bini den mitere Boeing 787. Da Flugzüg isch riesig! Es het au zwei Stöck, wani mega geil finde.
    Woni gfroget han, obi mue chönti go luege hends mi problemlos fürelo. Leider isch First Class unedra gsi ned .😅

    Am Frankfurt Flughafe hani den easy vil Zit gha. Bin aber glich en Moment is schwitze cho, weli ned peilt han, das Zitverschiebig wieder stattgfunde het... 😂🤓

    Schwiz i bin ready für dini Chälti! (i hoffe i bereue de Satz nöd)😅🇨🇭    Leggi altro

    Fine del viaggio
    24 novembre 2021