Reinicializar a pesquisa
Kanada 2025
  • Naat Gäumann
  • Lukas Gäumann
  • Naat Gäumann
  • Lukas Gäumann

Kanada 2025

Uma 37aventura de um dia na Naat & Lukas Leia mais
SeguirResumoResumoCalendárioCalendárioFotosFotosCompartilharCompartilharLista de metas
ResumoCalendárioFotos
  • Kanada 2025

    Squamish Lil'wat Cultural Center

    14 de setembro de 2025, Canadá ⋅ 🌧 12 °C

    Kultur hutnah erläbe✨

    Hüt heimr z'erschte mal nid schöns Wätter... Räge u zwar dr ganz Tag.☔️
    Also heimr üs mitm Velo uf d'Socke gmacht u si ids Squamish Lil'wat Museum gfahre.

    Im Squamish Lil'wat Cultural Center träffe d'Traditione vo de Squamish Natione & Lil'wat Natione ufenang. Ihdrucksvolli Schnitzereie, Kanus, Textilie u Gschichte heimr dörfe entdecke.

    Ahschliessend simer zrügg ufe Campingplatz &hei beschlosse mal eifach e lazy-day z'mache. Chli Apéröle & Yatzy spiele u am abe öpis feins chöcherle. 🎲    Leia mais

    Ver tradução
  • Kanada 2025
    23

    Ungerwägs nach Harrison Hot Springs

    15 de setembro de 2025, Canadá ⋅ ☀️ 16 °C

    Hüt simer dr ganz Nami ungerwägs gsi - dürd Bärge, Wälder und ä chli dür d'Strasse vo Vancouver. 🚌💨
    Iz simer ufmne mega idyllische Campingplatz mit Pool, gniesse d'Abestimmig mitemne Apéro - und es Yatzy ghört da sälbschtverständlich oh drzue.
    Ä perfekte Abschluss für dä Tag.☀️    Leia mais

    Ver tradução
  • Kanada 2025
    12

    Hüt im District 1881 in Chilliwack 🏘️

    16 de setembro de 2025, Canadá ⋅ ☀️ 30 °C

    Äs neus Viertu mit historischen Flair.
    Zwüsche restaurierte Fassade, chline härzige Gasse und gmüetliche Cafés füehltsechs fasch ah wiene chlini Zytreis - nume mit modärnem Twist. 🏛️✨

    Bsundrigs schön die chline Fuesswäge, Liechterchettine und d'Mischig us Boutique, Restaurants u Wohnhüser. Perfekt zum schlendere und öpis guets ässe. 🌿☕️🍴

    Zum krönende Abschluss no i warm Topf ghocket🛁    Leia mais

    Ver tradução
  • Kanada 2025
    11

    Harrison Hot Springs

    17 de setembro de 2025, Canadá ⋅ ☀️ 28 °C

    Hüt simer mal ids Dörfli füre gloffe &hei das erkundigt.
    Rächt usgstorbe gsi, es paar Büetzer u Gäns... Viel isch also nid gloffe.😅
    Mir si när imne härzige Café öpis chlins ga ässe und hei d Usicht ufe See gnosse.

    När heimr uf Google Maps dr Spirit Trail gseh wo mega globt worde isch.
    De heimr dänkt, gömr doch oh mal ga luege.
    Ä chli mystisch gsi....A de Zedernböim si diversi Ton-/Claymaske ufghänkt.👺
    D'Maske si vomne lokale Künschtler Namens Ernie Eaves gmacht worde.

    Dr Wald sälber isch aber sehr schön gsi - Mischwälder und riesigi Farne hets ka.

    Zrügg ufem Campingplatz heimr üs e Schwumm gönnt & d'Bei ufeha bim Liegestuehl.☀️    Leia mais

    Ver tradução
  • Kanada 2025

    Halsschmärze statt Höhemeter

    18 de setembro de 2025, Canadá ⋅ ☀️ 16 °C

    Mängisch schribt z'läbe dr Plan um:
    Plant isch e Wanderig a Lindemann Lake gsi, es isch aber de d "Halsschmärz-Edition" worde. (d'Naat isch ercheutet🤧)
    Also heimr d Wanderig nume bis zur halbe Strecki gmacht (lieber halb gwanderet als ganz flachgleit).
    Oh wenn mir dr See verpasst hei, blibt dr Wäg es luschtigs Erläbnis.
    Mängisch isch z'gröschte Abentür, eifach rächtzitig umzdreihe.

    Ahschliessend simer uf Vancouver gfahre womr e Nacht bliebe für morn uf d'Fähre.⛴️

    Idäm Sinn, guet Nacht.✨    Leia mais

    Ver tradução
  • Kanada 2025

    Vancouver - Vancouver Island ⛴️

    19 de setembro de 2025, Canadá ⋅ ⛅ 16 °C

    Am Vormittag simer mitm Camper zum Fähreterminal Horseshoe Bay gfahre.
    Dä chlin Hafe liegt zwüsche Bärge u Meer, e schönä Startpunkt gsi.

    D'Überfahrt duret öppe 1h 40min mit dr BC Fähre. Meh het guet chönne beobachte wie d'Skyline vo Vancouver langsam ir färni verschwindet. När simer aber ine, es isch früsch worde u hei öpis gässe. 🍔🍟

    När simer houptsächlich gradus dür dichti Wälder u zwüschdüre e Blick uf ds Meer nach Campbell River gfahre. 🚌💨    Leia mais

    Ver tradução
  • Kanada 2025
    1211211

    Whale Watching 🐋

    20 de setembro de 2025, Canadá ⋅ ☁️ 15 °C

    hüt am morge heimr üs ufd Socke gmacht für üsi buechti Whale Watching Tour. 🐋
    Ungloublich, keni 5 Minute ufem Meer und scho heimer die erschte Orcas gseh. Churzum isch ä Funk zum Josh (Tour-Leiter) es gäb ä Buckelwal wiiter vore. Sofort het sich dr Josh ufe Wäg gmacht. Zersch heimerne nume vo witer furt chönne betrachte & plötzlich isch dä cheib vor üsem Boot zum Wasser us gsprunge - Gänsehut heimr ka.✨

    Churze Abstächer ar Küschte mitmne z'Mittag mit e huufe Chrebsli wo umedüüset si u scho simer witer ufd Suechi nach Orcas...Tatsächlich heisech nomal ganzi 5 (inkl. Baby-Orca) zeigt wosech elegant dür d Wälle gschwunge hei.🌊🐋

    Ufem heiwäg simer chli de Felse nache gfahre & plötzlich seit dr eint wo mit üs ufem Boot isch gsi: "Stopp da obe sitzte zwei Wißchopfseeadler" - wunderschöne ahblick gsi wie die zwe da ir Tanne ghocket si u usschou ghaute hei. 🦅    Leia mais

    Ver tradução
  • Kanada 2025
    112

    Elk Falls

    21 de setembro de 2025, Canadá ⋅ ☀️ 17 °C

    Hüt isch dr Canyon View Trail ufem Program gstande. Dr Wäg füehrt über es paar Wurzle, es paar huufe Stäge und immer wieder gits e Blick ufd Schlucht u das ganzi 8.5km lang.

    Uf dr haube Strecki chunt die grossi Hängebrügg übere Canyon mit usicht uf d Elk Falls. Es bizli waggelig aber grandios wie d Elk Falls id Tiefi stürze.

    Ufm Rückwäg heimr no es neus Model gfunde ar Stell vo Lukas.
    Es Eichörndli - het ziemlich mitgmacht.🐿️

    Zrügg ufem Campingplatz heimr üs es Apéro gönnt & iz wird no fein kochet.👨🏻‍🍳    Leia mais

    Ver tradução
  • Kanada 2025
    Qualicum Falls
    Qualicum FallsHole in Wall1Outowrack ufem wäg zu Hole in Wall1Taylor RiverSurf Grove Tofino1

    Campbell - Tofino 🚌💨

    22 de setembro de 2025, Canadá ⋅ ☁️ 13 °C

    hüt heimr üs ufd Socke gmacht nach Tofino.
    Ungerwägs heimer diversi zwüschestopps gmacht.

    Eine vo de erschte Stopps isch a de Little Qualicum Falls gsi.
    Die Falls si vorauem beeidruckend gsi wülls nid nume ei einzige Fall isch gsi, sondern "mehreri Stuefe Falls" si gsi & das ganze von Wälder u Felse umgäbe.

    När simer zum "Loch ir Wand" (Hole in Wall).
    Chli komisch gsi wüll dr Wäg dört häre gar nif würklich kennzeichnet isch gsi.
    Aber mier heis ömel gfunde. 😄
    Das Loch isch e vo Hand gschaffene Felstunnel wo mittlerwile Wasser düre fliesst. Ursprünglich ischs fürne alti Wasserleitig bout worde aber iz ischs e Fotospot worde.

    Dr ledscht Stopp isch dr Taylor River gsi wo zwüsche Sproat Lake und Kennedy Lake dürefliesst.
    E sehr idyllischi Natur mit extrem klarem Wasser. Wärs chli wärmer gsi, hättme e Schwumm chönne ga nä.

    Ahcho ufem Campingplatz heimr no hurti d'Umgäbig erkundigt. Mir hei würklich e schöne Campingplatz verwütscht am Meer.🌊    Leia mais

    Ver tradução
  • Kanada 2025
    223

    Tofino & Sunset 🌅

    23 de setembro de 2025, Canadá ⋅ ⛅ 16 °C

    Hüt am morge heimr üs es Velo gholt u si nach Tofino gradlet. 🚲

    Bevor mir dür z'Dörfli si, simer e guetä Burger mit Pommes ga mampfe.
    Ahschliessend simer dür d Strasse vo Tofino gschlenderet. Isch würklich es chlins Surfer Paradies und ganz idyllisch.

    Chli später simer no d'Stränd wos da het ga erkunde & hei d'Surf-Atmosphäre gnosse.

    Am Abe zrügg ah üse Strand - mit Apéro, Wälleruusche und emne wunderschöne Sunneuntergang. 🍺🌊🌅    Leia mais

    Ver tradução
  • Kanada 2025
    11

    Camping & Meerrusche

    24 de setembro de 2025, Canadá ⋅ ☀️ 14 °C

    Hüt hei mir's ganz gmüetlich gno: es bizli im Camper ufgrumt u gwöschet - da mir dr Camper ja am Sunntig scho müesse abgäh. När simer am Strand z'Ruusche vom Pazifik und d'Rueh vor Natur ga gniesse. 🌊
    Zum krönende Abschluss vom hütige Tag simer nomal dä wunderschön Sunneuntergang ga luege. 🌅    Leia mais

    Ver tradução
  • Kanada 2025

    Ucluelet 🌊

    25 de setembro de 2025, Canadá ⋅ ☁️ 13 °C

    Hüt heimer Ucluelet erkundet.
    Es chlins aber charmants Küstedörfli, mit chline Cafés und lokali Lädeli.

    Ahschliessend simer amne chline Trail ar Küste nah gloffe - mit atemberoubende Usblicke, roui Felse u früscher Seeluft.🌲🌊

    Zum krönende Abschluss heimr tatsächlich z'erschte mal uf üsere Reis dörfe füüre. 🔥
    Vorhär isch überall füürverbot gsi. Da het Göimä natürlich e guete Bitz Fleisch müesse Grille. 🥩🔥    Leia mais

    Ver tradução
  • Kanada 2025

    Tofino - Victoria 🚌💨

    26 de setembro de 2025, Canadá ⋅ ☁️ 13 °C

    Üsi Reis isch hüt vo Tofino nach Victoria gange. Ungerwägs het d'Landschaft geng chli z'Gsicht gwächslet - vom Rägewald, zu schroffe Küstene, chlini Fischerörtli u witi Usblickf ufe Pazifik. Mir hei nume 1 Stopp gmacht zum öpis z'Mittag choche, süsch simer düre gfahre. Ahcho ufem Campingplatz simer no füre ads Meer chli ga sy.🌊Leia mais

    Ver tradução
  • Kanada 2025
    31

    Victoria ✨

    27 de setembro de 2025, Canadá ⋅ ☁️ 18 °C

    Hüt heimr üs lah triebe dür d'Strasse vo Victoria. Zum Start simer in Chinatown ga z'mittage (isch übrigens z'eltiste Chinatown vo Kanada - gründet im Jahr 1850).

    Ahschliessend simer dür Victoria gschlenderet. Es het viel chlini Strässli, Cafés, lokali Lädeli u e huufe bunti Hüüser.
    Chli am Hafe nache glofe u da simer bim "Fishermans Wharf" glandet.
    Mega cooli stimmig so schwümmendi Hüüser i aune Farbe - e richtig chline Farbtupfer am Meer. ✨ Dört heimr üs es chüehls Bier gönnt u heis eifach chli gnosse. 🍺

    Für zrügg heimr gfunde, mir chönnte ja z Wassertaxi nä - luschtigs Böötli und schön gsi Victoria usere angere perspektive z'gseh.🌊    Leia mais

    Ver tradução
  • Kanada 2025
    212mit de Scoote umecruise 🛴Dampfbetriebeni Uhr vo 1977 mit Westminister-Melodie1

    Vancouver 🌇

    28 de setembro de 2025, Canadá ⋅ ☁️ 14 °C

    hüt isch früeh ufstah ahgseit gsi für mit dr Fähre nach Vancouver. ⛴️
    När heimr üs leider vo Otto 🚌 müesse verabschiede. 🫠 Si scho chli trurig gsi nach dene 5 Wuche Vanlife.

    När simer hurti z Gepäck ir Unterkunft ga verstoue u hei üs diräkt uf d'Socke gmacht für nach Vancouver City. Mir hei üs im Stanley Park d'Füess abtschaupet, si dür Gastown bummlet und im Cambie es Bier ga nä. 🍺
    U hei dr Tag mitere feine Pizza lah usklinge.🍕
    & jetzt um... 😴    Leia mais

    Ver tradução
  • Kanada 2025
    11

    Granville Island Market & Aquarium 🪼

    29 de setembro de 2025, Canadá ⋅ 🌧 20 °C

    Rägewätter-Programm isch ahgseit gsi. 🌧️
    Also heimer e Abstächer zur Granville Island Markhalle gmacht. Z'Mittag zwüsche bunte Obstständ, früsch bachnigem Brot, handgmachti Praliné u fangfrüsche Meeresfrücht. Absoluts Paradies für Foodies. ✨

    Ahschliessend simer ids Aquarium.
    Hie heimer e Reis dür z'Wältmeer ka.
    Vo bunte Qualle & tropische Fische bis zu Ottere, Seelöie & Fuultier hets aues ka.
    Es het über 65'000 Tier u z'Aquarium engagiert sich starch für Meeresschutz & Forschig. 🦦    Leia mais

    Ver tradução
  • Kanada 2025
    1

    Big City life 🏙️

    30 de setembro de 2025, Canadá ⋅ ☁️ 16 °C

    hüt am morge simer nomal zum Granville Market gange. Dört heimer öpis chlins gässe u si no dür d'Gässli gschlenderet.
    Ahschliessend simer id Shopping-Street, die sogenannti Robson Street. Dört heimer us d'Füess vertschaupet & si vo Lädeli zu Lädeli gange. 🛍️ Mitm Lime-Scooter 🛴 (mir hei effektiv müm möge loufe😂) simer när no zum Vancouver Lookout düüset & si die Stadt mal no ir höchi vo 168m ga ahluege.
    Isch no ihdrücklich gsi dert obe.

    Zum Apéro simer no i üsi "Stamm-Bar" ids Cambie es Bier ga trinke. 🍺

    Für z'Nacht simer ine meeeega guete Ramen Lade ga ässe. Mier hei sogar müesse ahstah. Aber mir hei üs warm gmacht für Japan ändi Jahr. 🇯🇵

    Iz isch packe ahgseit, wüll morn geits när heizue.🥲    Leia mais

    Ver tradução
  • Kanada 2025
    3

    finally home 🏡

    2 de outubro de 2025, Suíça ⋅ ☀️ 13 °C

    nach guete 20h ungerwägs, simer mit offene Arme daheim empfange worde.🥰
    Üser zwe 🐱 hei üs oh verschmust empfange.
    Schön heit dir üs aui begleitet uf üsere Reis.
    Mir fröie üs uf Japan ändi Jahr.🇯🇵⛷️🚡

    Ver tradução
    Final da viagem
    1 de outubro de 2025