Aramayı sıfırla
Kanada 2025
  • Naat Gäumann
  • Lukas Gäumann
  • Naat Gäumann
  • Lukas Gäumann

Kanada 2025

Naat & Lukas tarafından 37 günlük bir macera Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
Genel BakışTakvimFotoğraflar
  • Gezinin başlangıcı
    26 Ağustos 2025
    Kanada 2025

    here we go ✈️

    26 Ağustos 2025, İsviçre ⋅ 🌙 12 °C

    Nachere wundervolle Hochzyt mit so viu liebi, emotione u fröid, heimr wundervolli Gschänkli dörfe entgägä nä u ahschliessend üse Rucksack/Koffere packe. 🧳🎒

    Gester am Abe si üsi Ungermieterer Sven & Tuana zu üs cho Pizza ässe u hei üsi Büsi mit offene Arme i empfang gno. 🐱

    Hüt am morge (viel z'früeh für d Naat) simer ja scho am haubi 5i uf, hei üs parat gmacht u höckle iz im Zug. Löh mir die Reis doch offiziell lah starte.🌍🛫    Okumaya devam et

    Çeviriyi gör
  • Kanada 2025
    232

    Calgary

    26 Ağustos 2025, Kanada ⋅ ⛅ 29 °C

    Nachem churze Stopp in Amsterdam heimer e sehr ahgnähme Flug nach Calgary ka.
    Die 8h si rächt schnäu verbi gange im Flüger.

    Mir hei e churze Stopp i üsere Unterkunft in Calgary gmacht u si ahschliessend mitem Uber no id Stadt ga z'Nacht ässe u chli dür d Strasse gschlenderet.

    Da mir ize aber scho 24h wach si geits für üs früeh ids Bett.😴    Okumaya devam et

    Çeviriyi gör
  • Kanada 2025
    11

    Calgary - Banff

    27 Ağustos 2025, Kanada ⋅ ☁️ 24 °C

    Hüt morge simer nach 12h schlaf üse Camper (dr Otto) in Calgary ga abhole & ga Grundnahrig & Bäre-Pfäfferspray ichoufe.

    Ahschliessend heimr üs ufe Wäg gmacht zu üsem erschte Stopp in Banff.
    Womr ufem Campingplatz si ahcho, heimer afah eis gluegt, wases da aues so het. Usser Böim hets nid gad viel🌲

    När am Abe hei mir üs öpis feins köcherlet u no chli Yatzi gspielt.    Okumaya devam et

    Çeviriyi gör
  • Kanada 2025
    1111

    Lake Moraine ✨

    28 Ağustos 2025, Kanada ⋅ ☁️ 13 °C

    Hüt morge simer früeh ufgstande für üsi buechti Tour. Erscht Stopp isch dr Lake Moraine gsi.

    Poschtchartemotiv live erläbt!🩵
    Ihbettet im "Valley of the Ten Peaks" liegt dä türkis schimmernd Gletschersee uf fasch 1'900m Höchi im Banff Nationalpark. Eine vo de schönschte Spots vo de Rockie Mountains und absolut magisch wenn d Sunne uf z'Wasser trifft.✨

    Zudäm heimr ufem Rückwäg no es paar Streifehörndli troffe, ganz härzigi cheibe🐿️    Okumaya devam et

    Çeviriyi gör
  • Kanada 2025
    1
    1112

    Lake Louise ✨

    28 Ağustos 2025, Kanada ⋅ ☁️ 19 °C

    Nachem Lake Moraine simer ah Lake Louise gfahre.

    Ä türkisblaue Gletschersee umgäbe vo Schneebedeckte Gipfle & em Victoria Gletscher. Es ächts Naturjuwel vo de kanadische Rockies und ganzjährig es Highlight für Bsuecher.

    Ufm wäg zrügg nach Banff heimr scho üse erscht Bär gseh - het da ganz friedlich sini Beeri gässe. 🐻    Okumaya devam et

    Çeviriyi gör
  • Kanada 2025
    Lake Louise Station
    Lake Louise Station2Hector LakeBow LakePeyto Lake1Waterfowl LakeColumbia IcefieldGoats & GlacierJasper

    Banff - Jasper

    29 Ağustos 2025, Kanada ⋅ ☀️ 23 °C

    Eeexcüse, mir hei uf üsem Campingplatz in Jasper null Empfang. (Aber drfür es Plumpsklo)😆
    Drum hets gester oh ke Footprint gä.
    Aber hie nones Update zu gester:

    Mir si am morge am 10i z Banff los gfahre für nach Jasper Nationalpark. Ungerwägs ufm Icefield Parkway hei mir e huuufe Stopps gmacht.
    Am beschte luegetr bi de Bilder dri.

    Am Abe am 6i simer de endlich ufem Campingplatz ahcho u hei düschelet, köcherlet (Fajitas) und si när am chüssi ga lose.💤    Okumaya devam et

    Çeviriyi gör
  • Kanada 2025
    am morge heimr no hurti chli gwöschet im Wäschsalon🧺12

    Jasper Town

    30 Ağustos 2025, Kanada ⋅ ☁️ 16 °C

    hüt het z'Wätter nid so würklich gwüsst wases wott... Räge, Gwitter, bewölkt & Sunne. Drum hei mir üs entschiede, hüt chli Jasper ga z'erkunde.

    Jasper liegt z'midst i de Rocky Mountains uf 1'060 m.ü.m. & isch bekannt für die roui Wildnis, Tierwält u Outdoor Aktivitäte. Wases oh het si e huuufe kuuli Hüsli.

    Wasme hie halt geng no gseht, si d'Spure vom Waldbrand (2024) wo leider oh ä Teil vor Stadt betroffe isch gsi.    Okumaya devam et

    Çeviriyi gör
  • Kanada 2025

    Lake Maligne 🏞️

    31 Ağustos 2025, Kanada ⋅ ☀️ 15 °C

    hüt am morge heimr üs ufd Socke gmacht für a Maligne Lake.

    Dr Maligne See isch mit rund 22km dr gröscht natürlich See i de kanadische Rockies.
    Ganz beliebt ischer für sis türkisblaue Wasser und die chlini Insle "Spirit Island". (D'Bootstour isch definitiv z tüür gsi... für 2 Persone 300$ drum heimr druf verzichtet😅)

    D'Umgäbig isch nid nume für Touriste e Hotspot sondern oh für d'Elche, Hirsche, Bäre & Wölf. (heimer alles nid gseh, nume Ameise🐜)

    Zum Bade isch dr See leider gad es bizli chaut gsi, drum heimr das lah si. (öppe so 6 Grad 🤏🏻)

    Iz geits wieder zrügg ufe Campingplatz für die ledschti Nacht.🏕️    Okumaya devam et

    Çeviriyi gör
  • Kanada 2025
    Rearguard FallsMud Lakeüses Wildtier 🪰Mud Creek

    Jasper - Clearwater

    1 Eylül 2025, Kanada ⋅ ☀️ 28 °C

    hüt heimr e richtig länge Tag ka.
    Eigentlich hätme vo Jasper uf Clearwater nume 3,5h.
    Mir hei aber no spontan e "River Safari" gmacht. Am Afang simer mitemne gmüetliche Böötli vom See (Mud Lake) richtig Fluss (Mud Creek) u när hets gheisse iz gömr ufds Jetboat u fahre dr Fluss uehi u luege obmr nöimä Wildtier finge. Leider heimr keni Wildtier gfunde, nume Flöige (i ha se süsch oh gfötelet)...ah mol, mir hei ufem Jetboat 2 Hünd ka.🐶

    Naja, när heimer üs ufd Socke gmacht richtig Clearwater u ungerwägs heimr tatsächlich no e Schwarzbär gseh - i (naat) ha voll ufd Chlötz müesse damit i ne nid gad no überfahre aber fürnes Foto hets leider nid glängt.🐻

    Ah ja, mir hei no Zytzone gwächslet u si iz -9h.🕖

    Zum zNacht heimr üs Spaghetti Pesto gmacht & iz de um. Guet Nacht😴    Okumaya devam et

    Çeviriyi gör
  • Kanada 2025
    1

    Dawson Falls

    2 Eylül 2025, Kanada ⋅ ☀️ 33 °C

    Nachemne gmüetliche z'morge ufem Campingplatz heimr üs ufd Socke gmacht für üsi Wasserfalltour.

    Dr erscht Stopp isch dr "Dawson Fall" gsi.
    Ä sehr beeidruckende Wasserfall im Wells Gray Provincial Park. Z'midst im Rägewald ruscht dr Murtle River überne breiti Felskante, fasch wiene wissä Vorhang.
    Me füehlt sech so chlin näbedranne & glich ungloublich lebändig. 🌲    Okumaya devam et

    Çeviriyi gör
  • Kanada 2025
    1

    Helmcken Falls

    2 Eylül 2025, Kanada ⋅ ☀️ 29 °C

    Ahschliessend simer via Helmcken Trail ah Helmcken Wasserfall. Ä ganz e luschtigi Waldwanderig über Stock & Stei het üs ah dä mächtig Wasserfall bracht. Mit sine 141 Meter isches dr vierthöchst Wasserfall vo Kanada. Hie stürzt dr Murtel River spektakulär ine tiefi Schlucht.

    Donnernd, mäjestisch und unufhaltsam.    Okumaya devam et

    Çeviriyi gör
  • Kanada 2025
    111

    Spahats Creek Falls

    2 Eylül 2025, Kanada ⋅ ☀️ 30 °C

    Dr Spahats Creek Falls isch üse ledscht Wasserfall gsi für hüt. Äs isch ä schmale Wasserfall wo über 75 Meter töif ine spektakuläri Basaltschlucht stürzt. Isch gägä über de angere zwei Wasserfäll halt würklich seehr chlin gsi.😅

    Nach dere Wasserfalltour simer uf diräktem Wäg bi üs ufem Campingplatz i See gsprunge u hei üs e abchüehlig gönnt.🌊☀️👙    Okumaya devam et

    Çeviriyi gör
  • Kanada 2025
    11

    Fählstart 🚐💨

    3 Eylül 2025, Kanada ⋅ ☀️ 28 °C

    hüt heimr guet chönne...
    mir hei gmeint, mir müesse hüt scho richtig Wiliams Lake u si ganz friedlich los gfahre u hei wie geng no überau chli use ka u gstuunet.
    Nach dr halbzyt heimr gmerkt, das mir no gar nid hätte müesse losfahre.😂
    Auso heimr halt umkehrt u si umi zrügg nach Clearwater gfahre. Öpis chlins ga poschte und dr Nami am See verbracht.☀️🐟    Okumaya devam et

    Çeviriyi gör
  • Kanada 2025
    1

    Hochzyt-Spam 🔥

    4 Eylül 2025, Kanada ⋅ ☀️ 26 °C

    Hüt simer de definitiv vo Clearwater nach Wiliams Lake gfahre. Z'Wätter resp. dr Himmel isch ufgrund vom Waldbrand uf dr Highway 5 sehr rouchig. 🔥

    Tatsächlich heimr hüt oh nid so viel Stopps gmacht wie süsch aube, also eigentlich kenä. Mir hei aber e huufe Seeä und trochnigi Landschaft gseh.
    In Wiliams Lake ahcho, simer afang ga poschte die nägschte paar Tag.

    När heimr üs es Bier gschnappt, si häreghöcklet u hei üsi Hochzytsfotos ahgluegt womr hüt becho hei.
    Drum gits iz es paar Glüschterlis vo üsem wundervolle Hochzyt.🥰    Okumaya devam et

    Çeviriyi gör
  • Kanada 2025
    111

    Längi Fahrt nach Chilko

    5 Eylül 2025, Kanada ⋅ ☀️ 26 °C

    hüt heimer e längi fahrt ka vo Wiliams Lake nach Chilko...
    Am morge simer no ga poschte wüllmr in Chilko chli abglägener si.

    När heimr üs ufe Wäg gmacht. Ungerwägs simer no amne grosse Waldbrand verbi gfahre. Nid schön gsi zum luege u guet gschmöckt hets oh nid.

    Ahschliessend simer 2,5h Offroad zu Housi zur Chilko River Lodge gfahre. Das hetsech aues ziemlich id lengi zoge wüllmr mit öppe 20kmh umeghönterlet si. 🚌

    Mir si bi Housi u sim Team mit sehr offnige Arme i empfang gno worde, meh hetsech sehr schnäll wohl gfüehlt. Luschtigerwiis simer aues Bärner ir Lodge.🏠

    Dr Joel het es meeega feins Curry für üs kochet u nachem zNacht simr z'friede dusse ghöcklet u hei mitenang glaferet.
    D Wachhünd vor Lodge si geng aktiv uf üs am ufpasse &gäbe de e Ahsag wesi öpis köre aber si oh sehr verschmust. 🐕

    Iz gömr am Chüssi ga lose.💤🥱    Okumaya devam et

    Çeviriyi gör
  • Kanada 2025
    1

    Choelquoit Lake

    6 Eylül 2025, Kanada ⋅ ☀️ 27 °C

    hüt simer mit Housi, Joel & Michelle ah Choelquoit Lake gfahre u hei dört e Sprung ids Wasser gmacht. Okay... vilicht simer meh im Schlamm versunke bim inega aber när ischs ä schöni Erfrüschig gsi. chli glaferet am See vore u Bierli trunke u plötzlich heimr öpis kört &was chunt drhär? Nei nid ä Bär... Ä Muni u ahschliessend no e zweite, die hei da gmüetlich graset u mir hei ghofft, das we si Wasser gö ga trinke das si nid Ihsinke u mir öppe no e Muni-Rettigsaktion müesse starte.🐮 När simer da Offroad no dür z'gago gfahre und si ah Chilko River ga luege wie viel Lachse gägä d Strömig schwumme, nid gad wenig gsi. 🐠
    gmüetlich zrügg zur Lodge ga Yatzi spiele und Aperöle. U iz chochet Joel umi fein für üs.👨🏻‍🍳    Okumaya devam et

    Çeviriyi gör
  • Kanada 2025
    11

    Chilko Lake

    7 Eylül 2025, Kanada ⋅ ☁️ 20 °C

    Gstartet heimr mitmne feine z'Morge wo d Ronya vorbereitet het. Feini Pancakes hets gä mit diverse Zuetate. 🥞
    Ahschliessend heimr üs ufd Socke gmacht für a Chilko Lake um chli ga Böötli z'fahre u z'fische. D'Mona und ig si hinge ufem Truck ghocket, isch auso schono luschtig gsi und e holprigi Sach. Ab ufe See u d Angle use.🎣
    Tatsächlich het Lukas e Fisch gfange🐠 Mier hei ghofft, das mir no es paar Bäre bim Fische verwütsche, leider nüt gsi. Cheibe früsch ischs oh worde aber Ärde z'friede isches gsi.
    Ab zrügg id Lodge u Aperöle u när de dr Grill ahlah u öppe no äs Lagerfüürli mache. 🔥    Okumaya devam et

    Çeviriyi gör
  • Kanada 2025
    31

    Chilko - Kamloops

    8 Eylül 2025, Kanada ⋅ 🌙 18 °C

    am morge simer nomal vo Housi u sim Team göttlich verwöhnt worde mitemne feine z'morge. 🥞
    Churz vor de 12i hei mir üs ufe wäg gmacht richtig Kamloops. 🚌💨
    Dr Abschied isch üs bau scho schwär gfalle - die ledschte Täg si so Familiär & cool gsi.🥲

    Natürlich afah mal 1,5h wieder uf dr Schotterstrass u när nomal ganz 6,5h uf de Highways. Sooo lang fahre isch würklich ahsträngend.

    Z'Williams Lake heimr no hurti tanket u när quasi dürezoge bis uf Kamloops.
    Ungerwägs heimr no hurti e Atemzug Sunneuntergang gno. 🌅

    Am 8ti am Abe simer de endlich z Kamloops ahcho u üs no hurti usgsperrt im Camper. Zum Glück heimer es Fenschter ufbracht.🤦🏻‍♀️
    Öpis gässe, düschelet u guet Nacht💤    Okumaya devam et

    Çeviriyi gör
  • Kanada 2025
    1
    11

    BC Wildlife Park

    9 Eylül 2025, Kanada ⋅ ☀️ 27 °C

    Was gits bessers als es Avocado-Rüehrei-Brötli zum z'morge. So het üse Tag gstartet. 🥑

    Nachem z'mörgele simer z fuess übere i BC Wildlife Park ga luege obmr Bäre oder so gseh. Dr Park isch komplett usgleit ufne Tier-Rettigspark u sehr schön ihgrichtet. Also alles eigentlich Tier wo ir Wildnis nid überläbt hätte, dörfe da huse. D Bäre hei sogar bi derä wärmi no e Schwumm gno. 🐻

    Ahschliessend simer id Aberdeen Mall ga schnöigä wases so het. I (Naat) ha no churz beschlosse, dasi mini Fingernegeli ga ga mache. I 25 Minute bini da oh scho gertig gsi u 15.- hets kostet. Währenddäm isch Göimä i Board-Shop chli ga luege.

    När heimr eigentlich dänkt gömr mal d'Stadt säuber no ga ahluege aber es het üs irgendwie grad abglöscht. Zrügg ufe Campingplatz het üs gad meh zuegseit. Chli wösche, aperöööle und es feins z'Nacht chöcherle. Morn geits de witer. 🚌💨    Okumaya devam et

    Çeviriyi gör
  • Kanada 2025
    1

    Hat Creek Ranch 🤠

    10 Eylül 2025, Kanada ⋅ ☀️ 23 °C

    Ufem wäg nach Whistler heimr e Stopp gmacht bir Hat Creek Ranch, die liegt ir nöchi vo Cache Creek.

    Die Ranch isch e historischi Ahlag us dr Zyt vom Goldrusch im 19. Jahrhundert. Ursprünglich ischs mal e Poschtkutsche-Station gsi vor Cariboo Wagon Road wo Reisendi übernachtet hei.

    Dr eint Schmied het üs no ä Nagu gschmiidet u die einti Dame het üs no e chlini füehrig gä u sogar uf eine vo de erschte Plattespieler no es Lied abgspielt.

    Isch no Ihdrücklich gsi...

    Nach däm Bsuech heimr üs ufd Socke gmacht nach Whistler, da heimer einisch e gaanz churze Zwüschestopp amne Duffey Lake gmacht.

    Uf die 18 Uhr simer när z'friede uf üsem Campingplatz ahcho.
    Iz no fein z'Nachte u chli sy.🍺    Okumaya devam et

    Çeviriyi gör
  • Kanada 2025

    Peak 2 Peak Gondola 🚡

    11 Eylül 2025, Kanada ⋅ ☀️ 27 °C

    hüt heimr üs ufe wäg gmacht für zur Peak 2 Peak Gondola. Zersch simer mitere normale Gondle zur Bärgstation - dört het üs es Murmeli i Empfang gno u när simr umgstiege i die freischwäbendi Gondle...

    Das isch übrigens die längschti freischwäbendi Seilbahn vor Wält zwüsche zwei Bärge.
    Um gnau z'sy d Verbindig zwüsche Whistler Mountain und Blackcomb Mountain.
    D'Fahrstrecki betreit ganzi 4,4km u die freischwäbendi Spannwiti betreit 3,024km (Wältrekord). D'Fahrt duret 11 Minute u isch sehr ihdrücklich gsi.

    Ungerwägs heimr vo obe sogar no zwei Bäre gseh (nume eine gfötelet).

    Obe ahcho simer no zum Sässeli-Lift glofe u si no the top of Whistler mountain ga erkunde u natürlich über d'Cloudbreaker Brügg glofe. Dr eint Asiat isch drüber u hetsech ja de überau müesse fescht häbe - sini Wort zu mir si gsi "Oh my god" u het glachet😂

    Was nid het dörfe fähle am Bärg isch es Apéro.🍺    Okumaya devam et

    Çeviriyi gör
  • Kanada 2025
    132

    Off-Road-Buggy 🛺

    12 Eylül 2025, Kanada ⋅ ☀️ 21 °C

    nachemne gmüetliche z'morge hei mir üs chli nach Action gsehnt. Guet grettet, mir hei nämlich e Buggy-Tour buechet.
    Ä Off-Road Buggy-Tour...🛺

    Haja, i gloub für hüt isch Stoub üses nöiä Parfüm gsi. Näbschtem Stoub heimr natürlich no ä gratis duschi ka. Mir si auso wortwörtlich pflotschnass gsi.💧
    Was fürne ungloublich glungnige Tag.

    Z'Whistler heimr üs hurti es paar trochnigi Chleider poschtet u hei no es Bier gnosse.

    Zrügg ufem Campingplatz afah eis aui Chleider chli müesse uslege zum trochne.🧺    Okumaya devam et

    Çeviriyi gör
  • Kanada 2025
    1231

    Bier-Festival 🍻 & Whistler Village

    13 Eylül 2025, Kanada ⋅ ☀️ 24 °C

    Mängisch bruchtme kes Abentür, mängisch längt es guets chauts bier 🍻

    Schono lustig gsi das Bierfestival.
    Bim Ihtritt hesch äs chlins Bier-Bächerli becho wo öppe 1,5dl si u es paar Token (mit dene zahlt meh z'Bier).🍻
    Über 40 Brauereie, meh als 80 Sorte Bier, Cider & Co., Foodtrucks, Musik und Bärgkulisse pur.

    Nachem Bier-Festival simer no chli dür Whistler gschlenderet u hei glädelet...🛍️

    Es guets Apéro & äs feins z'Nacht heimr üs oh gad no im Dorf gönnt.    Okumaya devam et

    Çeviriyi gör