Flitterwochen

Do zwetter am Sunntig wunderbar gsi isch, hemer de ganz Tag in dr Stadt verbrocht. Mier hetten ni denkt, dass mr vum Mittag bis aswen noch da 21:00 ir Stadt bliebend aber es het üs so pässlet dass ziit schnell umganga isch😍 Mier hend diversi Sehenswürdigkeita agluagt: Yivli-Minare-Moschee,Antalya Clock Tower, Hadrianstor und Kaleiçi. Die Altstadt het üs bsunders guat gfalla, die Architektur und dia Deko bi da Lädeli. Kätzli und Hündli hemer au gseh, ei Hund isch üs bsunders ufgfalla de isch ziemlich guat gfüetteret worda🤣
Immer wieder in dr Türkei isch es a halbi Kunst as Wc (au eis wo einigermassa ok isch) zfinda. Drum hemer denkt mier suchend mol as Resti für da zmittag. Mier sind sicher a halb stund am umalaufa gsi bis mr üs für as Resti entschieda ka hend. Isch denn aber au a guats Resti gsi wo mr den gessa hend. Als mr den wieder us em resti sind hemer gmerkt, dass mr eigentlich gar ni dia halb stund hettend müessa laufa sonder das Resti sozega um a Ecka gsi isch😅 also kama sega simer mit dr Kircha ums Dorf🤣

Gester hemer an Pool/Meertag gmacht es isch nämlich 36 Grad gsi. Und sogar i bin gester is Wasser go schnorchla, mega idrücklich und entspannend gsi im Meer😍 Am Obig hemer de Lark und sini Family troffa in Belek. Sie sind au gad ir Türkei am Feria macha. Belek isch vu üs ca 40 min mim Auto. Isch mega schön gsi wieder Lüd treffa wo ma kennt🥰 In Belek hemer üs den ufd suachi gmacht nach Künefe. Künefe isch a traditionelles türkisches Dessert, das us fina Fadenteig (Kadayif), gschmolzenem Käs und süessem Sirup bestoht. Isch ez vilicht für euch schwirig zum vorstella aber es isch würkli super fein😍 Leider hemer kai Resti gfunda ka entweder usverkauft oder hends gar ned ka. Den hemer üs für Baklava entschieda ka.
D Heifahrt isch wiedermol spannend gsi. Z Navi het üs durch dia grösst Pampa gführt haha kum a rechti Stross gsi🤣 do de Erol zgfühl ka het er müessi kurz zFenster öffna isch a riesa Mucka is Auto innako. Do hani kurz Krisa gschoba 🤪aber mier hend sie verwütscht ka mim Fahrzügsuswis🤣 aswenn simer den schu ufd Hauptstross ko.

Hüd isch üsa letzti Tag vu üsrna Flitteris und beidi simer ni so fit🙄 drum ischs hüd sehr gmüetlich gsi. Sind am Nomitag biz ind Stadt go spaziera. Biz go Käffala und den absoluta Highlight isch das Schoki Kaffi gsi. Mier hend üs den a Schokiwaffla gönnt, ach i lieba eifach Schoki😍 Uf dass freui mi ide Schwiiz, wiedermol a feini Schokotafla essa🤩🤣
Am spötera Nomitag hemer no a Call ka weg üsrem Hus, dass het den de Erol greglet🙌🏽

Es isch Wahnsinn, morn flügmr wieder heim ind Schwiz. 2 Mönet volla Erlebnis, Zweisamkeit, Abentür, Idrück und vieles mehr.. i hans schu mol erwähnt ka, dass i zgfühl han, dass mr noni mol d Hälfti verarbeitet hend. Mier sind so unendlich dankbar, dass mier alles das erleba hend dörfa. Dass werdmr bestimmt nie im Leba vergessa. Für mi isch es schönsta gsi, so viel Täg, jewils 24h mim Erol zema si🫶🏼 mier hend so viel glachet, gredet und eifach Ziit gnossa.
Ez freuemer üs au wieder uf üses Dahaim. I freua mi vor allem uf mini Eltra, uf da Morrisko und ufd Fründa😍 (und Schoki).Baca lagi