Reset search
Flitterwochen
  • Dadka
  • Erol Kanik
  • Dadka
  • Erol Kanik

Flitterwochen

A 52-day adventure by Dadka & Erol Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    August 5, 2024
    Flitterwochen

    Zürich Flughafen

    August 5, 2024 in Switzerland ⋅ ☀️ 27 °C

    Juhuj hüd gotz los, mier starten üsi Flitterwucha. Am Flughafa Züri simer zerst mit de Ebru (Erols Lieblingsschwöster und Dadkas Lieblingsschwögerin) go Käffala. Völlig unterwartet kunnt a Meldig, dass üsa Flug nach Istanbul 2h verspötig het😒 ez kömmer nur hoffa, dass mr üsa Aschlussflug nach Tokio kriegend.
    Schönsta vum Tag: Käffala mit Ebru🫶🏼    Read more

    See translation
  • Flitterwochen
    2

    Anreise Tokio

    August 6, 2024 in Japan ⋅ ☁️ 29 °C

    An recht sportlicha Umstieg hemer in Instanbul ka. Zum Glück machmr no öpadia Cardio haha am 01:00 ir Nacht simer dur da Flughafa in Istanbul gsprunga und hend den de Aschlussflug nach Tokio gad no knapp verwütscht.
    Der Flug isch im grossa und ganza ni schlecht gsi, hin und wieder hets üs aber recht duragrüttlet.
    In Tokio simer pünktlich glandet.. de Koffer vum Erol isch gad eina vu da ersta gsi und uf mina hemer recht lang müessa warta ( han schu Krisa kriegt weli denkt han min koffer isch verlora ganga😅). Nach dem mier im Hotel icheckt hend simer in de bekannti 7/11 Supermarkt akli go krömla und hend as paar Leckerei probiert.

    Highlights:
    -beheizti WC-Sitz
    -7/11 Supermarkt
    -Duscha nach dera langa Reis    Read more

    See translation
  • Flitterwochen

    Tokio Shibuya

    August 7, 2024 in Japan ⋅ 🌩️ 32 °C

    Ersti Tag in Tokio und es sind bereits ez schu soo viel idrück. Könnt meina mier segend gad kli reizüberfluatet😂
    De Tag het ganz witzig agfanga. Bim zmorga gitz kai Buffet, ma kann wähla zwischa 3 „Menüs“. Muatig wie mier sind hemer üs fürs japanischa Menü entschieda. Das isch aber zersta und zletzta mol gsi😅 de zmorga isch hauptsächlich us Fisch bestanda in allerlei Form und Art. De Erol het bi einem Schäleli gmeint er essi an speziella Salat dabi sinds klizekleine Fischli gsi, als ich ihm den das gseid han hets ihm nüm so gmundet🤣

    Hüd hemer üs fürs Stadtviertel Shibuya entschieda do mier au Tickets ka hend für „Shibuya Sky“. Tokio het übrigens 23 Stadtviertel.
    Problemlos erreicht ma dia Stadtviertel via ÖV.
    Nu schu wenn ma us em Hotel lauft gseht ma beeidruckendi Gebäude.
    In Shibuya ako, het sich de Erol direkt dra erinnert, dass er dia berüehmti Krüzig „Shibuya Alle-Gehen-Kreuzung“ kennt. Nämlich vur Serie „Alice in Borderland“. Mier isch das ni bekannt gsi do ich bi dera Serie immer igschlofa bin😂 nach dem mier kli am Bummla gsi sind ischs endlich sowit gsi und mier sind uf dia Ussichtsplattform „Shibuya Sky“. Das Ticket für das hemer bereits 1 Monat im Vorus müessa reserviera. In dem Ticket inkl. hemer no a privat Lounge ka mit Getränk und Snacks. Zerst hemer dia allgemein Ussicht gnossa und hend as paar föteli gmacht. Als mier in dr privat Lounge gsi sind, ischs ni 5 min ganga isch so a jungi Japanerin ko und het panisch gschraua: „Emergency Emergency“. Denn simer evakuiert worda ufgrund amna ufkommenda Gwitter. Trotzdem hemer dia ussicht gnossa und es isch as Erlebnis gsi. Zgeld hemer au zruck kriegt🥳
    Znacht hets den as feins Wagyu beef geh. Bim hei laufa hets den no schön gwitteret und mier sind pflutsch nass worda, zum Glück ischs trotz em Rega mega warm.

    Highlights:
    - dia subara WCs überall
    - & das Tokio, trotzdessa, dasses knapp 40Mio Iwohner het viel ruhiger wirkt als anderi Grossstädt. Will sich eifach alli an Norme haltend wie bspw.: Nur links laufe. Im Zug nid reda…

    Ps: in Japan simer 7h vorus    Read more

    See translation
  • Flitterwochen
    Hinterem Erol dia erwähnta Single-Plätze

    Tokio Koto

    August 8, 2024 in Japan ⋅ ⛅ 32 °C

    De zmorga hüd isch nüm so fischig gsi wie gester. Jedoch immer no eher speziell. Morn gömer klassisch bünzli mässig in a Bäckerei (wenns so öpis überhaupt git) öpis go hola.
    Nach em zmorga simer richtig Stadtviertel Koto. Do mier 1 Station zfrüeh usgstiga sind, simer den am Meer entlang glofa bis zu üserem Ziel. De Spaziergang isch eher a Saunagang gsi haha es isch würkli sehr heiss gsii. Imna Shoppingcenter ahko hemer üs öpis feins zgessa gholt. Eimol Sushi und Sommerrollen und dazua an Tee. Do gitz übrigens uh viel diversi Teesorta in Petfläschli ohni Zucker. Dia einta sind lecker dia andera weniger😅
    Mier hends üs gmüetlich imna Park gmacht. Dazua gesellt hend sich as paar Muckana, dank dena hemer den no a Muckapflaster dörfa go posta do de Erol immer kratza muas bis es fast blüetet -.-).
    Kurz vor 17:00 simer den au mit bereits vorgängig kaufta Tickets ins TeamLab Planets. Es isch a Kunstirichtig, die digitale Technologie nutzt. Das isch würkli sehr empfehlenswert, es isch soooooo idrücklich gsii. Dia viela Liechtli, de Glitzer, ob im Wasser oder ufma speziell polsterta Boda. Alli Sinn sind agregt worda. Nach dem Bsuach hani mi soo unbeschwert gfühlt, richtig toll.
    Mit dem ÖV simer den wieder richtig Ginza (richtig Hotel). Denn isch zsuacha los ganga nach amna Resti für da znacht. Aswie simer in diversea Viertel glandet. Eis isch ziemlich obszön gsi😂
    Als mr nach einiger Ziit nüd gfunda hend und nei mier sind ni heikel🤪( de Erol schu kli ;)) hemer üs entschieda zum in 7/11 öpis go kaufa. Ufm Weg döt hera hemer doch noch as Resti gfunda. Ziemlich cool gsi zum gad über as Tablet zbstella. Zessa selber isch sehr fein gsi aber vieeeel zvieel. Mit da Stäbli essa het de Erol ziemlich im Griff, i muas no kli üeba😮‍💨 was für üs au überraschend gsi isch, isch das es in allna Restis so „Single-Plätze“ het. De Grund dafür sei, dass es in Japan vieli Singles git.

    Highlights:
    - Spaziergang (trotz Hitz) am Meer entlang
    - De Schatta wo d Bäum im Park (bim Mittag-Essa) gspendet hend
    - TeamLab Planets: Liechtli und Glitzer
    - Idrück vum Nachtleba    Read more

    See translation
  • Flitterwochen
    2

    Tokio Chiyoda-Akihabara

    August 9, 2024 in Japan ⋅ ☀️ 34 °C

    Hüd simer ohni zmorga us em Hotel. Do mier in Okinawa as Auto brucha werdend, het de Erol sin Fahruswis hüd müessa uf japanisch übersetza loh (de internationali Füehreruswis langed do nita). Mier sind recht gspannt gsi wie dia Ämter do funktionierend. Wie hets au anderst könna si, au do sind Japaner bis ins letzta Detail organisiert. Ein Typ allai het alli Kunda bedient und es sind ni wenig gsi. Trotzdem isch er fründlich und zackig gsi. Noch ni amol 2 h isch de übersetzi Fahruswis ready gsi zum abhola. In dr Zwischazit simer uf dr suachi gsi nachra Bäckerei und tatsächlich: das gits au do in Japan ohni Fisch🤣 do het sich dr Erol sehr gfreut.
    De nächsti Halt isch im Electric Town gsi au bekannt fürs Animezügs. Döt simer kli am umabumla gsi und au doo sooo viel verschiedni Reiz. Do de Erol wiedermol Muckastich Problem het, hemer müessa öpis kaufa geg de Juckreiz. Imna Lada hemer den so witzigi Pikachu Pflaster gfunda, die söten de Juckreiz lindera. Do i ufgrund vielna Schritt a Blotera kriegt han, hemer für mis Problem au cooli Pflästerli gfunda: unter anderem au Pokemon und sailor moon🤩
    Als mr üs uf da Weg gmacht hend zum zruck is Hotel go, simer wies Schicksal wella het bimna Hunde-Cafe verbi glofa. Do i definitiv a Hundeliebhaberin bin isch klar gsi döt müemer inna. Und i sega euch, es isch soooooooo toll gsi, so herzigi, fluffi und ufgschlosseni Hündli🐶❣️ Jeda einzelna hani gstreichlet 😂 Obwohl de Erol nur de Morris gern het isch er trotzdem mitko und het sogar au 1-2 Hündli gstreichlet🫶🏼
    Nach dem wundervolla Erlebnis simer den is Hotelzimmer zruck und de Erol het sich via Tripadvisor ufd suachi gmacht nachma Resti für da znacht. Kriterium isch für hüt gsi: mol was anders als Japanisch 🍱. Zendresultat vu de suachi isch den as türkisches Resti gsi, dass isch nu 5 min vum Hotel entfernt. Lustigerwis simer im Resti gad uf türkisch agsprocha worda, würkli au sehr fründlichi Menscha gsi. Während em Hauptgang hets den no a Showilag geh vu japanische Buchtänzerina. Plötzlich hemer a Erdbeba-Warnig beko ufm Handy (mier hend ned extra öppis installiere müesse zum das erhalta). Also i bi gad kli panisch ufgstanda und han zresti verloh wella.. doch dia Iheimischa hend gmeint es sei kai Grund zur Panik, alli hend würkli sehr ruhig gwirkt also hani dem vertraut. I han gar nüm gross witr essa könna do ich mi schu verschrocka han.. Gott sei dank isch nüd passiert.
    Zessa im türkischa Resti isch übrigens sehr fein gsi (au ohni Fisch🤣)

    Highlights:
    - Arbeitsmotivation vum Beamta 👮🏻‍♂️
    - Hunde-Cafe🐶
    - Matcha-Drink    Read more

    See translation
  • Flitterwochen
    Do hemer öfters Kaffi gholt

    Tokio, Toshima und Shinjuku

    August 10, 2024 in Japan ⋅ ☁️ 34 °C

    Hüd simer sehr gmüetlich in da Tag gstartet. Mier hend usgschlofa und sind denn in a Bäckerei öpis leckers go hola. As Käffeli hets au no geh und das sogar zum halba pris, do dia Cafeteria ihres 2 jähriga Jubiläum ka het.
    Nach dem mier üses Früehstück in der hübscha Hotel Lobby gessa ka hend, isch de Erol ufd suachi nachma Barber. I bi gmüetlich is Zimmer und han mini Hoor und susht Frauazügs gmacht. Leider het de Erol kei Barber gfunda aswie sind alli usbuacht gsi obwohl kein Mensch döt gsi isch (mier schinds das dia ni so flexibel sind😅).
    Ohni dass de Erol ez a neui Frisur het simer nach Toshima, uf dem Weg döt hi sind gwüssi Strossana abgsperrt gsi für Autos. Umso besser für mi den hemer cooli Fotis könna macha zmitz uf der Stross📸
    übrigens ischs hüd 38 grad heiss gsi..
    In Toshima ako simer in a riesigs Shoppingcenter, also i weiss ni wie viel Stöck das ka het aber es isch riesig gsi. Im Shoppingcenter hemer üs ufd suachi gmacht nach em Pokemon Center. Nach dem mier döt kli am umabumla gsi sind, hemer üs im Pokemon Cafe noch as Käffeli gönnt. Das Cafe hani bereits ide Schwiiz usfindig gmacht do i schu sit Kindesalter Pokemon sooooo cool find🥰
    Bevor mr den ischs nächsta Stadtviertel Shinjuku sind (au a halb Stund fahrt) hemer no a feina znacht gessa. In dem Resti hets nur Singleplätz ka, kai Problem für üs den simer eifach nebanand ghöcklet. Im andere Stadtviertel ahko het üs Gozilla begrüesst 🤣 das ganza Stadtviertel isch megaaaa belüchtet gsi und es het uh huara viel Lüd ka.. muas schu sega öpa muassi dia Japaner astarra wie gwüssi agleid sind; richtig crazy. Uffallend in dem Stadtviertel isch au gsi das es für japanischi Verhältnis eher meh Müll ka het am Boda (susht gseht ma do selta öpis am Boda liga).
    Zum Dessert hemer üs öpis leckers amna Stand gholt.

    Im Hotelzimmer wieder ah ko, hemer schu afangs üsses züg packt, do es für üs morn witr nach Kyoto got. I bi ez schu ufgregt, vor allem bini gspannt wie mr das mit üsrna Koffera macha wend im Zug. Ja nu i lohn mi mol überrascha und blieba guter Dinge😌

    Highlights:
    - Usschlofa und de gmüetlich zmorga
    - PokemonCenter
    - Dessert    Read more

    See translation
  • Flitterwochen
    putzequipeCreamy Dessert

    Reise nach Kyoto

    August 11, 2024 in Japan ⋅ ☀️ 34 °C

    Hüd isch üsi Reis witrganga nach Kyoto. Am HB Tokyo ako isch min Puls schu mol ind Höhi 😂 erstens alli wo mi kennend wüssend i fahra ni bsunders gern ÖV, zweitens es het würkli massiv viel Menscha ka (do dazua hemer as Video gmacht) und drittens ischs 39 grad heiss gsi🥵 Mier hend würkli gnuag ziit iplant ka damit mier üses Gleis ohni Stress suacha könnt. Die Bahnhöf do sind riesig. Schlussendlich ischs sogar zviel ziit iplant gsi, du aber lieber früeh als spot😂 bin den würkli froh gsi wo mr endlich in dem Shinkansen drin ghockt sind. Bevor mr igstiga sind isch no a putzequipe duragflitz damit alles wieder schön suber isch. Im Shinkansen hemer viel Beifreiheit ka hend sogar halbwegs Ligga könna, würkli sehr bequem gsi😌 immer wieder isch a sehr netti Dama verbi zottlet und het Erfrischigstüechli verteilt und jeweils de Müll igsammlet. Wies dia japanisch Sitta gwöhnt isch und es au gwünscht isch, isch es sehr ruhig gsi. Dia meista sind am Handy am game gsi😁 de Erol und ich hend a Doku gluagt über an Typ wo mit em Velo durch Afghanistan reist.
    In Kyoto ahko nach ca. 2.5 h hemer as Taxi gno zum Hotel. Also zerst hemer schu wella d U-Bahn neh aber hend dia richtig eifach ni gfunda haha.
    Im Hotel ah ko, hemer üs vorgno dass mr mol a rundi Wäsch machend. I sega euch gfühlti 100 mol simer go luaga und es isch ewigs bsetzt gsi, obwohls 5 Wäschmaschinene het. Ja nu ez stinkmr halt haha nai scherz hend schu no as paar Kleider dabi 😉 i hoffa zwar schu dass mr dia wucha mol wäscha könnt wel mini lieblingskleider hani fast schu alli brucht🤪
    Mit Hunger simer den as Resti go suacha.. idrücklich isch, dass es do vieeel ruhiger isch also zumindest hüd. Zersta Resti isch leider usbuacht gsi den simer halt eifach ins negst besta. Jo das isch ni so schlau gsi, wer isst den in Japan Pizza? Erol & Dadka😂 also i bi würkli ni heikel, probiera gern neui sacha us aber dass isch würkli ni fein gsi kanns ni mol beschrieba. De Erol min schlaua Fuchs het natürlich a Margaritha gno (döt kama ni viel falsch macha) und i han öpis speziells wella also hani a Pizza aswas mit Pilzzügs gno. Dia Pizza vum Erol isch ok gsi.
    In dem Resti het übrigens niemert Englisch könna, do dazua hani au as Föteli gmacht🙃
    Noch dera Gourmet-Pizza simer wieder richtig Hotel, ufm Weg simer uf as Tee-/Kaffeehüsli ufmerksam worda. Es het leckeri Dessert im Schaufenster ka, während mier gstudiert hend was mier neh wetten isch as Päärli au ahghalta mitma herziga Pomeranian. De hani natürlich gstreichlet, de bsitzer het mr na den sogar no ind arma inna druckt. Ganz a herziga Wuscheli gsi. Zruck zum Dessert, mier hend üs den für eis entschieda ka, was es gnau gsi isch kanni ni sega ufjedafall is seeehr fein gsi. Es het a Füllig drin ka welches nach Mokka gschmeckt het so richtig creamy.
    Im Hotel ahko, het de Erol üsi nächsta Täg duraplant. I han no as züg ka mit em Föhn, min Föhn het do kai Pfupf, dia hend do glaub komischa Strom😁 dementsprechend gsehnd mini hoor au us…🫠 den hemer no kli mit Papinko und Maminka telefoniert ka, dass isch sehr schön gsi❤️

    Highlights:
    - Fahra mit em Shinkansen 🚄
    - Creamy Dessert    Read more

    See translation
  • Flitterwochen
    Endlich im Bus 😬

    Kyoto, Fushimi Inari-Taisha und Gion

    August 12, 2024 in Japan ⋅ ⛅ 35 °C

    Hüd ischs für üs schu sehr früeh los ganga. Sind schu vor em 6:00 ufgstanda do mier dia touristischi Wella am Fushimi Inari-Taisha hend wella vermieda. De zmorga in dem Hotel isch schu mol besser als im letzta. Es git Brot, Frücht und sogar Haferflöckli so Büffetmässig.
    In Fushimi Inari-Taisha ah ko hets schu ziemlich viel Menscha am start ka. Das Fushimi Inari-Taisha isch übrigens a berüehmta Schrein mit 1000iga Torii-Toren. Dia meista Touris gönd nu as paar Meter durch dia Tor jedoch mier 2 Sportskanona hend üs entschieda zum bis uf the Top go 😁 je witr ma ufa isch desto weniger Menscha. Dadurch hemer super Föteli macha könna. Doba den ah ko simer recht verschwitzt gsi. I han natürlich uf dem ussichtspunkt a Foto wella macha han den grad dia erst besti gfrogt, dia isch no halbwegs ussrt atem gsi🤣 ah jo und grussigi grüeni Spinna hemer au gseh, i ekla mi mega vor so Insekta😵‍💫
    Nach dera „Wanderig“ simer den kurz is Hotel zruck, do es sehr heiss worda isch über Mittag-Nomitag. Super Ziitpunkt gsi zum Kleiderwäscha😬 hend gad 3 Maschinana für üs bsetzt. Während dessa het de Erol a kurzes Powernäpli gmacht & i han kli Fotis gsortiert und bearbeitet.
    Am spötera Nomitag simer richtig Gion und das isch a halbi Kunst gsi und het Nerva brucht. Do mier wiedermol dia koga U-Bahn ni gfunda hend (google maps hets zwar azeigt aber es het ni existiert 😂) hemer denkt guat gömer mim Bus. Nächsti Challeng, Bushaltestell suacha. Do in Kyoto isch selta öpis uf Englisch agschriba, praktisch alles in japanisch🈲 nach langem hin und her, über Stross wieder zruck, links, rechts, hemers den gschaft zum de richtig Bus zfinda🙌🏽 in Gion ahko, hemer gmerkt dass viel bereits vu da Lädeli zuagmacht het, liegt wahrschienlich do dra wel hüd de Fiirtig „Mountain Day“ isch. Ja nu i zb würd gad morn nomol go haha aber de Erol glaubi weniger😁 Dafür hemer a mega schöna Sunnuntrgang gnossa🥰 Vu Gion simer nach Kyoto glofa ca. 30 min. In Kyoto hemer üs a feina Wagyo-Burger gönnt (eher klini Portiona, do üsi Büch schu wieder knurrend 🤣). Ufm Weg zum BH Kyoto hemer no a wunderschöns Wasserspektakel mit klassischer Musik dörfa gnüssa. Ah jo was mr gad no in Sinn ko isch, uffällig isch dass dia meista Lüd do megaaa langsam laufend da brucht amigs au Geduld, do de Erol & ich eher zackig unterwegs sind😁

    Highlights:
    - Fushimi Inari-Taisha
    - Sonnauntergang in Gion
    - Wasserspektakel untermuret mit klassischa Musik    Read more

    See translation
  • Flitterwochen

    Kyoto, Arashiyama Bamboo Grove und Gion

    August 13, 2024 in Japan ⋅ ⛅ 37 °C

    Au hüd simer wieder früeh los. Wel mier au hüd dia Touristawella hend wella kli umgo. Mit em ÖV simer los zum Arashiyama Bamboo Grove. De Bambuswald isch würkli idrücklich gsi und er het üs agnehm Schatta gspendet, denn es isch bereits am Morga schu heiss gsi. As paar Spinnana hemer au entdeckt, find ich persönlich kli ecklig😂 aber natürlich klar, dass es döt Spinna het. Im Wald hets au a sehr schöna Tempel mit amna riesige Garta ka, de Tenryu-ji Tempel. Wie d Natur usgseh kann isch so faszinierend. In dem Garta hets a Teich ka, döt drin hets Fischli und Schildkrötana ka. Nach dem mier dia wunderschön Natur betrachtet hend simer uf Gion. Döt simer ja bereits gestr gsi wo aber alles schu zua ka het. Hüd is aber ni besser gsi, d Lädeli und alles het offa ka ABER es isch soooooooo heiss gsi und i han kai Kopfbedeckig dabi ka (wel i han sehrü viel Hoor drum hani denkt brucha das nit, leider falsch gedacht), gfühlt hani so heissi Täg früher besser vertreit als ez🤔kunnt halt allerlei mim Alter haha nai scherz bei Seite. Uf jedafall hemers in Gion ni gross gnüssa könna ufgrund dera unerträglicha Hitz. Mier hend üs den entschieda zruck is Hotel zgo, dass iscj amigs a halbi Kunst do es eher kompliziert isch mit da ÖV. Gfühlt isch das in Tokyo besser gsi. Den hemer endlich Bushaltestell gfunda, de ersti Bus hemer ni neh könna, de isch so volla gsi heti glaub kai Blatt meh drin Platz ka, ganz schlimm… de 2ti Bus isch besser gsi. Im Hotel ah ko hemer no öpis wella wäscha, ohni Erfolg alli Maschinana sind ewigs bsetzt gsi😒 den simer halt is Hotel-Gym, seb isch ganz ok ihrichet aber brutal klimatisiert, daher hani a fetta Pulli agleid ka😂. Es het au as Gym grad gegaüber vum Hotel jedoch kummi döt ni inna, wel sie niemert innalöhnt mit Tattoos au wenns verdeckt sind. Für mi kli paradox aber jo isch halt so😝 Do mier au täglich sehr viel laufend kummi guat au nu mitmna so klina Gym zrecht😇
    Nach em Gym hani am Erol d Hoor gschnitta, wel er bis jetzt immer no kai Glück ka hez bimna Barber. Den hani ihm a schöni Fritta gmacht, also a Glatza😎
    Zum znacht simer nach Pontocho. Döt ischs au sehr schön gsi, traditionell und charmant. Sicher mehr als 1h hemer as Resti gsuacht, dia meista Resti sind klin und daher schnell usbuacht. Nach langem suacha simer den Ramen go essa döt hemer sicher 20 min müessa ahstoh. Dafür isch zessa sehr fein gsi, am Erol het au seehr gschmeckt 🙌🏽 Ufm Heiweg hemer üs no as traditionells Dessert gholt, also es isch ni schlecht gsi, eher gwöhnigsbedürftig😅

    Highlights:
    - Ramen zNacht
    - Spaziergang nach em zNacht am Fluss, ganz glasseni Stimmig gsi
    - Natur    Read more

    See translation
  • Flitterwochen
    MittagessaZnacht

    Nara

    August 14, 2024 in Japan ⋅ ☀️ 37 °C

    Do mier dia letzta 2 Tag früeh usm Hus sind hemer üs entschieda hüd kli usschlofa. Dafür hets hüd mega viel Lüd bim zmorga ka und es isch recht hektisch gsi. I sega euch so starti ni bsunders gern in Tag😅
    Uf em Plan isch hüd gstanda: ab nach Nara in da Tierpark. I han mi schu mega druf gfreut dia Hirsch und Reh streichla zum Glück het dr Erol no nohglesa, dass ma dia eigentlich ni streichla söti. Ja nu den gitz halt kai Streicheleinheit von Dadka🤣. Des witra het de Erol au vorglesa ka, dass es zu ca.200 Verletza pro Johr kunnt in dem Park, wel sich d Lüd nit beneh könnt.
    In Nara ahko hets schu seeehr viel Touris umanand ka. Bim Kauf vu dena Kekse fürd Tier, hend gwüssi lüd nüd kennt eifach überhola und vordränga😒 do packi den amigs min aggressiva Blick us😂
    I muas schu sega es isch erstunlich, dass NUR 200 Verletzi pro Johr git, wel wie sich gwüssi Menscha verhalten isch eifach nuno danebet. Da Tier hinanoh springa, umaschreia, an Geweih langa und festheba… dena Menscha hetti gern eis geh🥸
    Mier sind den kli witr in Wald gspaziert au döt isch d Natur sehr schön gsi. Endlich hemer au as paar Rehli & Hirsch könna füettra. Lustigerwis verneigen sich dia Tier (wie d Japaner) zum sich bedanka. Mega schööns Erlebnis gsi. Übrigens spazierend die Tier kli überall uma, au mol gmüetlich über stross und witr als de Park isch. Nach dem mier paar Stunde döt gsi sind, hemer üs ufd suachi gmacht nachma Resti, hüd hemer spot zmittag gessa so am 15:00😅 per zuafall hemer a mega feins Resti gfunda. Nachdem mier gessa ka hend hemer üs wieder uf da „heiweg“ gmacht. Bevor mier mit em ÖV zruck sind simer no in a Drogerie und endlich hani so „Augapads“ gfunda, denn i han so augaring wie am Pandabär🐼😂 i denka das hengt damit zema dass dia Klimaanlaga mier d Nasa so krass verstopfen dasi in der Nacht amigs wach werda weli ni schnufa kann😑 ufjedafall probieri dia den gad morn mol us🙌🏽
    Im Hotel simer no kli go usruaba bevor mier den as Resti im der nöhi gsuacht hend, do ich Migräne beko han und de Erol au kai Bäum meh ussrisa het möga. Ganz a guats Resti hemer 1 min vu üsrm Hotel gfunda.

    Highlights:
    - Tierli füettera
    - Augenpads (für Dadka)    Read more

    See translation
  • Flitterwochen
    Erol het amigs alles im Griff, i laufa eifach hinanoh😅🥰ZikadenKei Mensch uma🙌🏽

    Kyoto, Sentō-Palast und Nijo-Schloss

    August 15, 2024 in Japan ⋅ ☁️ 35 °C

    Do mier ni de glich Fehler hend wella macha bim zmorga wie gestr simer hüd wieder früher uf. Nach em zmorga simer nomol kli go usruaba. Dia Hitz, dia viela Idrück und das viela laufa machend schu no kli müed😴😂
    Hüd simer in der Umgebig blieba wo üsses Hotel isch. Zerst simer in da Sentō-Palast, es isch so agnehm gsi wels fast kai Lüd ka het, sehr entspannend. Während mier dia idrücklicha Architektura betrachtet hend hets agfanga Blitza und Donnera, endlich mol kurz a frisches Lüftli ganga (für ca. 5 min). Go regna is den schlussendlich glich ni ko 🙌🏽 De Palast isch umgeh gsi vu wunderschöna Bäum es het au wie a grossa Garta ka. Döt hets den au as Resti ka. I han mi wiedermol getraut öpis neus zprobiera, uji kintoki, leider ischs mega süess gsi dass isch den ni so mis. Ussrt es wär schoki den schu😂 Witr simer zum Nijo-Schloss, dia Strecki hemer zfuass zruck gleid do ma mit em ÖV glich lang unterwegs gsi wärsch. Au döt hets wieder riesigi Gärta ka, alles sehr idrücklich. Is Schloss selber hemer ni könna do as riesa Schild gstanda isch nur für „geladene Gäste“.
    Ufm heiweg simer no a sprung in 7/11 Shop. Döt hemer Getränkt und Snacks postet. Mega feini Reiskräcker hemer kauft ka😍
    2 mol hani zglück probiert zum wäsche leider ohni Erfolg ( dia Lüd sind gfühlt ewigs am wäscha -.-)
    Spöter simer no is Hotel-Gym kli OK trainera, denn Bei belastemer gnuag. Ez werdemr zu Disco-Pumper haha🤣
    Am 19:00 hemer a Tisch reserviert ka imna Yakiniku Resti. Das isch mega gsi, mier hend wie a privati Lounge ka. Ide mitti vum Tisch an Holzkohlagrill wo mr den üses Fleisch grillet hend. Zum Dessert hets den a Yuzu-Sorbet geh

    Do mier morn witr nach Osaka fahrend, hemer no üsi 7 sacha packt.

    Was mier hüd no ussagfunda hend, welles Tier de lärma macht sobald ma kli im Wald oder ide nöhi vu da Bäum isch. Es sind Zikaden. Riesigi Insekta woow gar nit mis😂 Im Hotel hemer den as Video dazua gluagt, stellend eu mol vor, Menscha in da USA essend dia😵‍💫 in Schoki tunkt, frittiert oder wie as würstli im Teig😂

    Highlights:
    - Dia Sehenswürdigkeita mol mit weniger Touris
    - Reiskräcker
    - Znacht, richtig cools Erlebnis gsi    Read more

    See translation
  • Flitterwochen

    Reise nach Osaka

    August 16, 2024 in Japan ⋅ ⛅ 27 °C

    Hüt schriebt amol de Erol und nid Darinka.

    Noch 5 Nächt Tokio und jetzt 5 Nächt Kyoto hemmer d‘Reis vo Kyoto noch Osaka atrete.

    Während Kyoto als historische Stadt, für guet erhalteni Tempel, Schreine und traditionelle Teehüser bekannt isch, isch Osaka a lebendigi Metropole mit moderner Architektur, erstklassiger Kuchi und ame pulsierende Nachtlebe. Und uf das hemmer üs jetzt gfreut. E nacht weniger in Kyoto het‘s au tue.

    Kyoto und Osaka liegend nur 50km ussenand. Also damol kei Shinkansen 🚄. Sonder U-Bahn und klassische Zug mit 1x umstiega. Ca. 1.25h Transfer. Bim Zug gits in Japan 3 verschiedeni Arte: 1)de Nahverkehr, womr mitere vorher Prepaid ufgladena Karte kann as Drehkrüz passiere tuet. 2) Fernverkehr: Shinkansen, wo mr separati Tickets brucht für Langstreckene und 3) „Limited Express Tickets“ womr in „normale ÖV“ istiegt, aber zuesätzlich muss nomol es Sitzplatz-Billet löse zum normale Ticket. Weder Nahverkehr no Fernververkehr. So as Zwüschading. Uf Nara in da Tierpark hemmer au die 3. Option gnoh kha. Easy könne über s Internet buecha. Aber in Japan gits wie verschiedeni Regional-Linie. Und die uf Osaka isch a anderi Linie. Online-Kauf nur möglich, wenn mr in Japan wohnhaft isch. Au d‘Internet-Sita isch nur uf japanisch gsi. Denn hemmer denkt mir reglend das am Bahnhof. Kasch denka... Weder japanische Passante, no de Mitarbeiter am Infoschalter hend üs ned könne erkläre, womr das Ticket löst. Gschieteres isch's vorallem an de Englisch-Skills vo da Japaner... Seb könnt die wenigste. Au mitem Google-Übersetzer het's nid klappet (Dütsch - Japanisch). Denn simmer halt halbe Schwarz also grau gfahre (Strecki zahlt, aber de Sitzplatz nid) und so hemmer für die 50km ned amol 3.- Franka zahlt. TipTop. So geht reisen ökologisch und ökonomisch. Au wenn üses Bünzli-Schwiizer-Denka üs ständig a schlechts Gwüssa verbreitet het.

    Ahkoh im Hotel hemmer no nid könne ichecka, also hemmer üseri Koffera im Hotel loh und sind die erst Sehenswürdigkeit go aluege: Osaka Castle. In "Gehweite" erreichbar. Landschaftlich mega schön. Wie fast immer bis jetzt in Japan. D'Landschaft und Architektur bewunderet. Touri-Fotis gschossa. A Kaffi gnossa. Schön gsi. Und hüt isches au mol nid aso drückend heiss gsi. Au mol guet zur Abwechslig.

    Ca. em 4i simmer denn im Hotel gsi und hend ichecka könna. Noch zwei Hotels in da "Mittelklass" hemmer üs in Osaka kli was luxeriösers gönnt: "DoubleTree by Hilton". Mir sind in Adana (Türkei) scho mol in einem gsi und es isch eis vu dene Hotels wo üs am meiste bliebe isch. Au das mol het's üs vum ersta Moment catched. Iladendi Lobby, mega fründlicha Empfang, sehr grosszügigi Zimmera (was nid selbstverständlich isch in Japan) und a mega Usblick usem Hotelzimmer. Zimmer isch sogar gross, dass mr alli Koffera könnt ufgschlage offeloh --> Beste Leben.

    Noch dem mr üs im Hotelzimmer kli igrichtete hend, hemmer üsi Kleider in d'Reinigig geh. In da vorherige Hotels het mr selber müessa wäsche. Umgrechnet ca. 3.- Franka pro Waschgang. Do kann mr d'Kleider in d'Reinigig geh.. Wird üs öppa 80.- Franka kosta.. nümma nüt.

    Nochera kurza Erholigspause simmer denn au scho in d'Stadt zum Z'nacht. Eis hemmer gwüsst: Hüt nid japanisch. Also hani a Shawarma Resti gfunde. Nid so geil wie dr Valentinos in Chur, aber isch fein gsi (Lustig, dass dr Mensch immer verglicht, fallt mr do etz gad uf). Das segi eigentlich oft de Darinka.. maches in dem Moment jo aber gad selber... Gnüsse, im "Hier und Jetzt sie" statt verglicha.

    Nochem z'Nacht simmer in's Dotonbori-Viertel gloffe. Hüt sind's au wieder meh als 15'000 Schritt gsi. Immer in de letzta 10 Täg. Ich als Bürogummi bin mr das nid gwöhnt. s'Dotonbori-Viertel in Osaka isch es lebhafts Unterhaltigsviertel, berüehmt für die lüchtenda Neonlichter, riesigi Reklamtaflena. S'lebe wird det würklich eifach zelebriert. Mega usglasseni Stimmig gsi und brutal viel Lüt.

    Was uffalt (zum wieder verglicha 😉 ): Obwohl jo in Tokio no viel meh mensche sind als do, isch's in Osaka viel dreckiger. Aso immer no suber für sona grossi Stadt, aber würklich merklich weniger suber als Tokio. Seg's an de U-Bahn-Statione, uf da Strosse, oder uf da WCs.

    Mir freuend üs die verruckti Stadt no nöcher z'erkunda.    Read more

    See translation
  • Flitterwochen

    Shoppingstreets & TeamLab Botanical Gard

    August 17, 2024 in Japan ⋅ 🌙 27 °C

    Im neua Hotel hemer sehr guat gschlofa. Ufgwacht den mitra hammer ussicht😍 z Morga do isch meh oder weniger so wie mas kennt vu da Hotel: Buffet. Leider gitz au do kai richtigs Porridge sonder as Risporridge und das schmeckt eifach nach nüd, leider gitz au kai Zimt🥸 Nach em zmorga simer richtig Tenjinbashi-suji Shopping Street. Das hemer üs eigentlich kli anderst vorgstellt, kaum a Lada het üs ahgmacht zum inna go. Isch glaub au eher was für iheimischi gsi. Vu dera Shopping Street simer zur Shinsaibashi und Amerika-Mura, au so Shopping Eckana. I glauba mier sind gestr obig schu an Teil vur Shinsaibashi Street gspaziert😅 Pöstelet hemer aber nüd. Hend nu dia viela Idrück würka loh. Do mier für da Obig a fixi Ziit buacht hend für TeamLab Botanical Garden simer no kli is Hotel zum kli usruaba. De Erol het as Powernäpli gmacht.

    Mier sind schu mol Richtig TeamLab Botanical Garden. Ufra Terrassa hemer den znacht gessa, Menü klein aber fein. Während em znacht isch mier a Frau ufgfalla, den hani denkt jesses dia het den a grossa Kampfhund. Gnauer heragluagt isch mr ufgfalla das es as Schwi 🐷 isch. Heilandzack hend mier lacha müessa, dia spaziert do frisch fidel mit ihrem Schweini😂 han dazua no as Video gmacht 😬

    De TeamLab Botanical Garden isch amigs erst ab em 19:15 offa. Es isch au do wie im andere TeamLab as Liechterspiel. Imna Garta volla Sunnabluama isch mega beruhigendi Musik glofa aswie het mi das so berühert, dass mr fast Träne ko sind 😅 vielleicht au, wels für mi so as grosses Gschenk isch mit minem Manni so reisa dörfa, so viel Erleba und nomeh Zweisamkeit 😍

    Ufm Heiweg hemer üs no as japanisches Glace gholt. Das hemer den ufmna Bänkli bimna Fluss gnossa😋

    Highlights:
    - TeamLab Botanical Garden, Sunnabluama-Garta
    - Glace ufm Bänkli am Fluss    Read more

    See translation
  • Flitterwochen

    Umeda Sky Building & Shin Sekai "New Wor

    August 18, 2024 in Japan ⋅ ☀️ 37 °C

    Hüd am morga simer zerst is Gym. Das Gym do isch kli grösser und isch au ni so stark klimatisiert wie das in Kyoto🙌🏽

    Nach dem mier üs parat gmacht hend simer Richtig Umeda Sky Building. Es isch hüd gfühlt so heiss gsi wie no an keinem Tag. In sonra Hitz merkta ma selber wie dünnhütig ma wird😅
    Im Umeda Sky Building ahko simer kurz nüm sicher gsi ob mr würkli uf dia ussichtsplattform wend, wels eba soooo heiss gsi isch🥵 nach amna kurza hin und her hemer üs entschieda glich uffa zgo und es isch a guati Entscheidig gsi. Uf em obersta Stock het ma öpis essa und trinka könna und zwar dinna wos ordentlich klimatisiert gsi isch. Mit biz Geduld hemer super Plätz ka zum d Ussicht gnüssa und öpis trinka/essa. Mier hend 2 Schlössli macha loh mit üsrna Näma und Datum. 1 hemer as Umeda Sky Building dussa hera ghenkt und zandera wemer den aswo im üserem Hus heratua☺️

    Witr is ganga nach Shin Sekai "New World" + Osaka Tsūtenkaku Tower. Und heiliga Bimbam mier hend an dem Bahnhof vu Osaka sicher 45min das entsprechenda Gleis gsuacht. Es het mega hilfsbereiti Japaner ka, mier hend dia ni agsprocha, sie hend aber gseh das mier kli hilfslos sind. Leider ufgrund da fehlenda englisch Kenntnis resp. fehlenda japanisch Kenntniss hends üs ni gross helfa könna😂 Aswie hemers den glich no gschafft😬

    Shin Sekai "New World" ako het Sunna gfühlt brutal ababrennt. Mier sind kli durch dia Strossa und Gassa dura bumlet und jupi endlich het de Erol sis Super-Saiyajin T-Shirt gfunda🙌🏽 stoht ihm tiptop ;)
    Denn hemer üses Lieblingskäffeli Tullys wie ichs nenn Trullis haha gsuacht und au gfunda hend üs döt a kurzi usziit gönnt mitma Frozen Matcha Drink.

    Als mier im Osaka Tsūtenkaku Tower ahko sind het üs de Typ wo det schafft eifach weg gschikt; sini Begründig: hüt kann mr nid ufa, will Ferie segi. Super oder, Tickets hemer aber schu online kauft ka -.- dass het mi schu mega verruckt gmacht, de Erol hets glassa gno. Und het weg dena 12.- kei Büro wella uftua (i aber scho).

    De znacht hemer imna türkischa Resti gessa🇹🇷 dass isch sehr fein gsi.

    Highlights:
    - Gym am Morga
    - Ussicht bim Zmittag
    - Schlössli fixiera am Umeda Sky Building
    - Super-Saiyajin T-Shirt (für da Erol😃)    Read more

    See translation
  • Flitterwochen

    Universal Studios Japan

    August 19, 2024 in Japan ⋅ ☁️ 29 °C

    Nach dem mier bereits ide schwiiz mehrmals probiert hend zum tickets lösa fürs Universal Studios Japan hets do in Japan denn endlich klapped. De Usflug hemer bereits vorgestr plant ka.

    Hüt simer ziemlich früeh los. Mit em ÖV hemer Universal Studios Japan problemlos erreicht. Zum Glück hemer Tickets online buacht ka wel es het sehr viel Lüd ka wo agstanda sind zum Tickets lösa😬

    Am meista hani mi uf Harry Potter World gfreut, do ich sit Kind a riesa Fan bin. I han alli Teil bereits mehrmols gluagt ka und mit jedem mol meh findi dia film besser🧙🏻
    Es isch würkli fantastisch gsi i han dia ganz ziit so grinsa müessa weli soooo happy gsi bin endlich in dia Harry Potter Welt abtuacha könna😍

    Natürlich isch au de Rest vum Universal Studios Japan mega lässig gsi. Uf a Achterbahn simer den au ganga, i han so Schreia müessa dasi ez so klini roti Pünktli bi da Auga und Hals han😂 de Erol nebadra het lacha müessa, er kennts bereits vu mier vum Europapark, dassi amigs so schreia muass🫠
    Am 13:00 isch a Wassershow gsi, dia isch zwar uf japanisch gsi aber üs hets voll catched. As paar mol sicher au Nass worda aber das isch ni schlimm gsi wels eh mega warm gsi isch.

    Es isch würkli a super Erlebnis gsi. Nach dem Tag simer recht gschluchet gsi, so viel Idrück, so viel Menscha. Mier sind nur kurz öois go essa und naher gmüetlich im Hotelzimmer gsi.

    Highlights:

     - Universal Studios Japan
    - Mol a gmüetlicha Obig im Hotelzimmer    Read more

    See translation
  • Flitterwochen
    Posana wo mier kli abgluagt hend🫰🏼Wie ichs nenn: FluffoTschüss Osaka

    Osaka Aquarium Kaiyukan, Tempozan Riesen

    August 20, 2024 in Japan ⋅ ⛅ 32 °C

    De morga isch wieder ganz klassisch gsi. Zerst is Gym danoch go zmörgala.
    Zwetter App isch so na sach. Wobi ma kann jo au nüm druf go ir schwiiz😂 ufjedafall hets azeigt dass es regna söti de ganz tag, am morga hets den au akli naher is immer besser worda und sogar zsunna het üs begrüesst☀️

    Hüd ufm Plan hemer ka an Bsuach im Osaka Aquarium Kaiyukan, Tempozan Harbor Village mit em Tempozan Riesenrad.
    Gstartet simer im Osaka Aquarium Kaiyuka. Bevor mier is Aquarium inna sind hemer paar lustigi Fotis gmacht, hend üs eba a paar Posana vu da Japaner abgluagt😁

    Aquarium Kaiyukan isch mega idrücklich gsi. Für mi au kli unheimlich wel weni denka, dass üsi negst Station Okinawa am Meer isch, goni ez sicher nur bis zu da Knü inna 🤣

    Z Riesrad hemer au busacht. Macha do extrems Expositionstraining haha (han recht Höhaangst/Absturzangst).

    Ufm Weg ins Hotel hemer a Halt gmacht in Namba. Döt hemer üs a Spezialität probiert (isch mr via Instagram vorgschlaga worda😂), es söti an Cheescake gsi. Es isch meeega fein gsi, mi hets an de Brotuflauf vum Papa erinnert😍 i nenna das Dessert ez „Fluffo“😂 De Fluffo hemer amna öffentlich Platz gessa. Uf dem Platz hets Stüehl/Tisch und a agnehms Ambiente ka.

    Morn gotz witr nach Okinawa, döt wemer den kli chilla🏝️

    Highlights:
    - Fluffo
    - Zessa vum Fluffo uf dem Platz    Read more

    See translation
  • Flitterwochen
    Alles schön kontrolliera

    Reise nach Okinawa

    August 21, 2024 in Japan ⋅ ⛅ 31 °C

    Hüd simer nach Okinawa gfloga. Mier sind mit der Japan Airlines gfloga und i sega eu dass isch würkli sehr guat gsi. Super Sitz mit sehr viel Beinfreiheit, mega netts Personal und a riesigs WC🤣 für de Flug hemer umgerechnet 100.- pro Person usgeh. Im Flügr hemer as Powernäpli gmacht und kli YouTube gluagt.
    In Okinawa glandet hemer üses Mietauto abgholt. I han mit dem Typ wo üs zauto geh het ganz gnau no Krätz und Dellana dokumentiert. De Erol het mi das macha loh haha weli amigs nu schu dia klinsta Krätzli an minem Auto gsehn😬
    Es isch no tricki zum fahra do alles wie uf dr verkehrta Sita isch, sprich de Fahrer sitzt Rechts ma fahrt Links😅 aber de Erol het das bis jetz tiptop gmacht. I meina er het au mi als Beifahrerin wo immer dri labbert 😀

    Im Hotel ahko hemer gad a mega schöna Sunnauntergang gnossa. Nach dem mier icheckt sind simer wieder mim Auto as Resti go suacha. Im 2ta hets den as Plätzli für üs ka.

    Highlights:
    - Flug mit Japan Airlines    Read more

    See translation
  • Flitterwochen

    Okinawa

    August 23, 2024 in Japan ⋅ ☁️ 31 °C

    Dia letzta 2 Täg hemer am Strand verbrocht. Akli erholig nach dem Grossstadt-Trubel. Z meer isch würkli uh schön so hell blau bis türkis. Es het jedoch viel Korallen wos ussa schwemmt dadurch isch an Strand hin und wieder kli Tricky ohni Strandschuh is Meer zglanga (kann guat si, dass ich zu empfindlich bin🤣). Bis zu da Knü bini dinna gsi, dass langed für mi, de Erol isch as paar ründeli am schwimma gsi. D Sunna in Okinawa isch mega stark. Dass hemer gmerkt ka, do mier gestr ni alli Stellana am Körper glich guat icremt ka hend, hets kli Sunnabrand geh. Do gseht ma eigentlich dia Würkig vu Sunnacreme🙌🏽. Japaner/Chinese/Süd Koreaner hend selta as Bikini/Badhosa ah sonder ganzi Bekleidiga.

    Am Obig simer gestr no kli ind Stadt mim Auto. Ca 30min Fahrt. In dr City hets also ganz spezieli Schnäps ka, Schlanga im Glas😳 oder Frösch-Täschana (dia bestöhnd aschinend us echta Frösch🫣).
    Wasi no brucht han isch as Shampoo und Conditioner. Gar ni so eifach gsi öpis zfinda, do au alles in japanisch agschriba gsi isch und z Internet ni bsunders guat funktioniert het. Für lockigs hoor gitz praktisch nüd. Schlussendlich hani öpis gfunda, hüd au probiert und es isch super😍

    Am Sunntig hemer vor zum mitra Fähra ufd Insla Zamami zgo. Döt wettmr den kli Schnorchla 🤿.

    Znacht hüd; a Pizza und dasmol is sogar guat gsi😀

    Highlights:
    - Usziit am Strand
    - Gmüetlicha Obig ufm Balkon    Read more

    See translation
  • Flitterwochen
    Rückreis vu Zamami nach Okinawa, beidi mega gschluchet😴

    Okinawa, Insel Zamami

    August 25, 2024 in Japan ⋅ ⛅ 30 °C

    Gester hemer würkli gaaaanz a gmüetlicha Tag ka und de hemer hauptsächlich im Zimmer verbocht😅 De Grund dafür isch gsi, dass es grosses Gwitter uf Okinawa zua ko isch. So wie d Japaner sind, hends de Pool und de Strand bereits am Vormittag gschlossa obwohl es erst am spötera Nomitag krass go stürma ko isch. Sicherheit geht hier vor ;)
    Zmorga-> kli dösa, YouTube-> Gym->
    zmittag -> dösa-> znacht. Znacht hemer im Hotel reservieret ka, hend kli bangel ka vor em Fisch aber es isch würkli alles sehr fein gsi, sogar de Fisch 🐠 😅

    Hüd simer ufd Insel Zamami mit dr Fähra. Döt ahko simer ca. 20 min glofa zumma Strandabteil Furuzamami Beach. Und Woooow also so öpis hemer nonia gseh, wunderschöns Wasser und ni extrem überlofa mit Menscha. Mier hend Schnorcheluntensilia gmietet und sind dia wundervoll Unterwasserwelt go entdecka. Um 16:00 simer wieder mit dr Fähra zruck nach Okinawa. Recht gschluchet simer gsi😴 znacht hemer au hüd wieder im Hotel ka. Hüd hets Barbecue geh und überraschenderwis hemer resp. de Erol müessa selber grilla😂 zbesta isch de Mais gsi und dia violet Süesskartoffel.

    Morn gitz nomol a Strandtag bim Hotel und den gotz bereits wittr nach Istanbul🇹🇷

    Highlights:
    - Schnorchla uf dr Insla Zamami    Read more

    See translation
  • Flitterwochen
    Zwüschezietlich isch Okinawa au druf gsi im Radius.
    Flug nach ShanghaiEs hetti eigentlich au Liegene.

    Last Day Okinawa🇯🇵 + Flight to🇹🇷via🇨🇳

    August 27, 2024 in China ⋅ ☁️ 33 °C

    Vorab: hüt schriebt dr Erol, do Darinka z‘Müed isch und sitzend ischloft am Flughafe in Shanghai.

    Gester hemmer üsa letzti Tag in Okinawa mitera Gym-Session gstartet. Mitma Pump im Oberkörper simmer nochem z‘Morga a letzt‘s mol an de wunderschöni Strand. Bim Strandspaziergang hemmer sogar as paar Meerestier entdeckt. Im Verlauf vom Nomittag isch‘s denn wieder liecht go regne koh. D‘Japaner hend wieder Panik gschobe und alles dicht gmacht. Sprich Schirme zämmeklappt und alli Gäst inne befördert. Denn simmer halt scho is Zimmer üsi Koffere go packe. Darinka het wieder Coiffeur gspielt und mini Glatze poliert. De Bart hani au mol wieder bits kürzer gmacht (au wenn’s de Darinka länger besser gfallt). Fresh gsehni us. Aschlüssend simmer no in‘d Stadt go z Nacht essa. Fast Food vom Feinsten.

    Hüt hemmer bis vorig Zit kha, will üse Flug erst uf die 16:30 timed gsi isch. Checkout isch am 11i gsi. Rein theoretisch hettemer also „usschlofa“ könne bis em halb 9ni, was Darinka au gmacht het. Ich bin am 5i hellwach gsi. Wie so oft do in Japan. Spötischtens 7ni het mich mini inneri Uhr immer gweckt. Aber Zit ummebringe kanni 😉. 4h vor Abflug hemmer üses Mietauto scho abgeh kah und sind scho am Flughafe gsi. Zum denn erfahre, dass de Flug erst am 20:20 losflügt. Halb so schlimm, will mr eh 8h Ufenthalt an üsem Zwüschestopp in Shanghai hend. Und au halb so schlimm, will mr s‘erste mol Business flügend. Somit Lounge-Zuegang am Flughafe, mit Esse, Trinke und was das Herz begehrt ima separierte (viel ruhigere) Bereich. Do kann mr sich schnell dra gwöhne. Ufts mol het‘s gheisse em 18:30 s‘Boarding segi glich etze gad will de Flüger in 20min starti. Airline: China Eastern. So ruppelig wie mich das Ganze dunkt het, het mich au de Flug dunkt. 1 Stund Flugzit vu Okinawa uf Shanghai. Het recht grüttelt. Isch aber vermuetlich em ankündete Taifun gschuldet. Also so unberechtigt sind die Vorsichtsmassnahme nid vu da Japaner. Das Voll isch halt vermuetlich eifach ein „gebrandtes Kind“. Mir sind Froh, simmer vorem Ischlag vum Taifun, wo bis zu 10m hohi Welle bringt und teilwies bis zu 600mm rege, usser Riechwieti. Krass wie gfasst das d’Japaner das Ganze nehmend, will sie sichs unterdesse gwöhnt sind. Erdbebe, Taifuns, … Das kört do zwar ned gad zum Alltag, aber kunnt Jöhrlich mehrmols vor. Wobi de kommendi Taifun anschienend gewaltig ischloh wird. Früehner hegi mr das nur ein Tag vorus sege könne. Unterdesse ischs bis zu 5 Täg vorher möglich. Au mir hend das täglich verfolgt. Uf Google Maps gits sogar a Karte vu dr erwartete Route.

    Während mir do etze in de Business Class Launch in Shanghai die letzte Stunde vor üsem Abflug noch Istanbul verbringe dörfend, hoffemer sehr für das Volk, dass de Taifun nur halb so schlimm wird, wie erwartet. Üs hend Japaner im vielerlei Hinsicht fasziniert. Strukturiert, präzise, fründlich und der englischen Sprache nicht mächtig.    Read more

    See translation
  • Flitterwochen
    Brunch, öpert het bsunders freut🥰Kumpir, zNachtBalatHan üs 2 au verewigt 💜

    Istanbul:Galataturm,Balat,Kadiköy

    August 29, 2024 in Turkey ⋅ ☀️ 27 °C

    Noch über 24h Reise simmer am Mittwuch um die 09:00 Uhr Hotel ahkoh und hend au direkt as Zimmer beko, do simer mega froh drüber gsi. Noch sonera Reis gitz nüd schöners als duscha und kli heraligga😍
    Lecker go Bruncha simer in üses „Lieblings-Brunch-Resti“.

    Am Nomitag hani den wiedermol Migräne des Jahrhunderts ka, den simer kli drin im Zimmer blieba das isch halb so schlimm gsi den es het sicher kli meh als 1h Gwitteret.

    Am Obig hanis den endlich besser ka, denn simer gmüetlich öpis go essa: „Kumpir“.
    Das isch a Gricht, wo us grosse mehligkochende Kartoffele zuebereitet wird.
    Und zwar in spezielle drüstöckige Öfe. Sobald die Kartoffele gar sind, werden sie in da Mitte ufgschnitta. Mit ara Gabel wird s’Kartoffelinnere glockeret, mit Butter und griebenem Käs vermengt und nach Wunsch belegt. 😋

    Danoch simer den zum Galataturm spaziert, uf da Turm selber simer nit. 30€ pro Person is üs ni wert gsi 😂 es het ziemlich viel menscha überall ka. Und i sega eu es isch idrücklich, do isch es gfühlt, lüter und unruhiger als in Tokio. Spannend so het jedi Stadt ihres eigeta.

    Do mr scho as paar mol in Istanbul gsi sind, kennemer üs do unterdesse scho recht guet us. Hend üsi Favorisierte Restis, Läde, usw. Die meiste klassische Touriste-Sache wie Hagia Sofia, Blau Moschee, Dolmabahce, Topkapi-Palast, grossi Basar, etc. hemmer über die letzte Johr bereits mehrfach gseh dörfa.

    Drum simmer an Tag 2 - Donnschtig - is Stadtviertel Balat. Ersti Herusforderig wiedermol dia lieba ÖV😂 In Balat ahko simer ufd Suachi nach dena berüchtigta farbiga Hüser. Uf dem weg det hi hemer uh viel tolli Spots gseh und kli Fotis gmacht😋 Überall hets uhhh viel Kätzli do muasi mi recht zemarisa dasi ni vu jedera as Foti macha 😂
    Z Viertel het üs guat pässled, überall iladendli Käffelis und spannendi Architektura.

    Vu Balat simer mit dr Fähra nach Kadiköy, dass isch dia asiatischi Sita vu Istanbul. Au do simer kli am bummla gsi und hend kli das Stadtviertel erkundet.
    Also wasi vermissa vu Japan sind überall zuagänglichi und Hygienischi WC, es isch a halbi Kunst as WC finda do in Istanbul…

    Znacht simer in as Resti wo mier jedes mol bsuachend wen mr do in Istanbul sind. Super fein gsi. Gesellschaft het üs a herzigs Kätzli gleistet.

    Am Obig im Hotel ah ko simer ziemlich k.O gsi. I han no mit Papa und Maminka telefoniert und de Erol isch igschlofa.
    Do i den naher au igschlofa bin isch de Bericht erst hüd dussa anstatt gestr😅

    Highlights:
    - Brunch und allg. zessa
    - Überall dia herziga Kätzli (fürd Dadka😂)
    - Fahrt mit de Fähra    Read more

    See translation
  • Flitterwochen
    AdapazarıFeini znacht vu Erol's MamaAnane🫶🏼

    Last Day Istanbul,Anreise Adapazarı

    September 1, 2024 in Turkey ⋅ 🌩️ 26 °C

    Am letzta Tag in Istabul simer d Süleymaniye Moschee go aluaga. Leider hets während dem mega agfanga regna (wie us Kübla ischs ko). Schnell hemer üs ufd suachi gmacht nachma Resti dabi simer würkli flutsch nass worda trotz
    Schirm. Vu da Schuah wemer erst gar ni reda😐

    Nach em zmittag simer den id da versunkeni Palast. Döt hemer den a Münza gworfa und üs öpis gwünscht😍

    Znacht simer döt go essa wo mier au letzt joor gsi sind mit Maminka, Ebru, Krstna, Raphi und Feres. Döt sind mega schöni Erinnriga hoch ko. Mier sind eba letzt joor in Istanbul zHochziitskleid und de Azug go kaufa in Begleitig vu dena lieba Lüd wo i oba erwähnt han🫶🏼

    Gestr simer agreist in Adapazarı. Ab ez simer mit em Mietauto unterwegs. Do in Adapazarı isch d Familie vum Erol dahaim. Das heisst für üs ez kli Familie bsuacha und eifach kli gmüetlicher. Gestr hemer schu super guat gessa bi de Mama vum Erol und i denka so gotz do bestimmt wittr😋

    Highlights:
    - Feini znacht vur Mama
    - Mit dr Familie si    Read more

    See translation
  • Flitterwochen
    1221

    Adapazari, Izmir, Çeşme

    September 5, 2024 in Turkey ⋅ ☀️ 35 °C

    Dia letzta Täg hemer mit dr Familia vum Erol verbrocht. Vorgestr het dr Erol mier as Gschenkli gmacht🤩 er het mier as Goldhalsketteli und 2 Goldarmreifa kauft. Es glitzeret wunderbar😍

    Gester simer no zum Brunch iglada gsi bi dr Tanta vum Erol bevor üsi Reis witr nach Izmir ganga isch. 5h Autofahrt hemer hinter üs. I gnüssa amigs dia Autofahrta mim Erol. Mier reden den über dies und das, lachend viel und singend😋

    Im Hotel ahko simer recht überrascht gsi, mega schöns Hotel, super fründlichs Personal. Üses Zimmer passt mr au mega guat, z Badzimmer isch risig, mega Spiegel😬
    Nachdem mier icheckt hend simer no kli id Stadt. De Konak-Platz und de Uhrturm hemer besichtigt, sehr schön gsi vor allem gad mim Sunnauntergang. Znacht hets a Iskender-Kebab geh, de Kellner het gmeint das sei a Spezialität vu ihne und falls es üs ni mundet gitz Geld zruck🤣 Es isch sehr fein gsi daher hemer üses Geld ni zruck verlangt ;)

    Hüd simer mitra Gymsession in da Tag gstartet, cools Hotelgym mit gnüegend Grät. De zmorga do isch au super und a tolli Bedienig.
    Nach em zmorga simer ins Shoppingcenter das isch mim Hotel verbunda. Tolli Läde mit Schwizerprisa🤣

    Am spötera Nomitag simer mim Auto richtig Alaçatı. Das isch a Stadtteil vu Çesme. Döt hets mega viel Gassana mit diversa Verkaufsständ. Architektonisch isch au viel zum gseh, han recht vieli fotis gmacht🤩 An feina znacht hets döt au no geh, nämlich Mantı.

    Heifahrt bini wie uf Nodla gsi, den wie dia lüd do fahrend isch eifach nuno Kriminell.. und a Hund isch au no überd Autobahn gsprunga. Bin froh dass de Erol so ruhig und guat reagiert, i könnts nit 😬

    Was für üs no spannend isch in Izmir, dass es mega westlich aghucht isch. Istanbul isch no recht durmischt. Izmir hingege isch „Europa pur“.

    Highlights:
    - zmorga bir Tanta vum Erol
    - Hifahrt Izmir (reda, singa, lacha)
    - Alaçatı    Read more

    See translation
  • Flitterwochen
    🫶🏼Krstna und Peter
    Erol het wiedermol alles im Griff🙌🏽

    Ankunft Kuşadası, Ephesus & Şirince

    September 8, 2024 in Turkey ⋅ ☀️ 32 °C

    Am 7.09 simer in Kuşadası ahko. Bim ichecka hends hüd as Upgrade geh für a King-Suite ufgrund üsra Flitteri hihi🤩 jetzt hemer do a riesa Zimmer, dörf mi ni zfest usbreita susht vergessi sicher no öpis🤣 z Hotel isch mega schön. So kli für „meh besseri“ Türke. Da z Morga kann mr ufera Terrasse bim Meer ineh.

    An dem spötera Nomitag simer eifach kli an Pool. Am Obig hemer üs mit minera Gotta us de Slowakei troffa, so a lustiga Zuafall sie hend ihres Hotel grad neb üserem. Unabhängig vunand hemer das buacht😂
    So schöön gsi zum sie und ihra Partner de Peter treffa, isch würkli a tolla und lustiga Obig gsi.

    Hüd simer nach Ephesus. Ephesus isch a antike Stadt in der Türkei. Sie isch mol a bedütendi griechische und römische Metropole gsi. Es beherbergt eis vu da sieben Weltwunder.

    Vor em Igang hani gaaanz a süessi Baby-Katz gfüettert. Mit wittra Füetteriga is in Ephesus au wittr ganga🐈
    Übrigens isch es hüd au wieder sehr heiss gsi aber mier gnüessend dia wärmi☀️

    De Erol isch mega fasziniert gsi vu Ephesus vu all dena Ruinana, i hans den noch einera Stund gseh ka😬 han mi den meh fürd Katza interessiert.
    Nach Ephesus simer witr mim Auto ca. 20 min zum Hus vur Maria Mutter Gottes (Meryemana evi). Döt hemer as Kerzli azündet.

    Vu döt simer den witr Richtig Şirince, ca 30 min Fahrt. Es isch as Dörfli wo akli im Berg isch. Döt isch au mega schön gsi und idrücklich. Znacht hemer imna ruhiga Resti igno. Au döt hemer bsuach kriegt vu Katza😂 As uh feins Dessert hemer gessa, öpis us Griess (Irmik Helvasi). Als mr durchs Dorf gschlendert sind hemer no a Halt gmacht imna Kaffee, denn so a Kaffi hemer umbedingt wella probiera. De Kaffi wird im heissa Sand zuabereitet. Kaffi isch sehr guat gsi🙌🏽
    Ma merkt etz überall a bits das d Ferie Saison verbi isch. Het nümma so viel Tourista.

    Am Obig denn im Hotel ahko hemer schu bange ka, dass es wieder so lut sie wird mit de Musik vu dussa. Hüd ischs aber ni de Fall🙌🏽 (wel gestr is würkli maximal lut gsi bis noch da 01:00). Anschienend hend mir es Partyhotel buecht. Super… Mir zwei wo immer vor Mitternacht im Bett sie wennd 🤣

    Highlights:
    - Zimmer Upgrade
    - Obig mit Gotta (Krstna) und Peter
    - Ephesus
    - Katze füettra
    - Z morga am Meer
    - Kaffi vum heissa Sand    Read more

    See translation
  • Flitterwochen
    2Üsi Terrasse in BodrumUssicht vum GymKatzenmagnet Dadka

    Kusadasi,Anreise Bodrum

    September 10, 2024 in Turkey ⋅ ⛅ 29 °C

    De letzti Tag in Kusadasi hemer gmüetlich gstaltet. Es isch au a bsundera Tag gsi, den Min Manni de Erol het Geburtstag ka🍀 Mier sind am Pool und im Pool gsi am bädela👙 Obwohl i am Erol gseid han er söll sich icrema het er ni glost, dafür het er den a Sunnbrand kriegt 🤨

    De znacht hemer im Hotel ka. Mega schöns Ambiente hemer ka. A paar Täg vorher bini no ade Rezeption gsi und han gfrogt ka obs a Stuck Kuacha mitma Kerzli geh könnti für da Erol so als klini Überraschig.
    Als mier Dessert bstellt hend hani denkt ez kunnt denn bestimmt dia Überraschig aber nüd isch passiert. Den bini langsam aber sicher kli stutzig und hässig worda… als de Erol den ufs WC isch hani nomol die Gunst der Stunde gnutzt und han den nomol nohgfrogt.. den hends gmeint es kämi den in 2 minuta.. schlussendlich hets klappt de Erol het freut ka und i au🥰

    Hüd isch üsi Reis wittr nach Bodrum ganga. Dia Autofahrt isch wiedermol toll gsi. Hörbuach gloset, gredet und gsunga🤓 Dia Autofahrt isch au spannend gsi, do mier aswie uf so Nebaströssli gfahra sind. Denn hemer no a Hund uf dr Stross gseh wo so dünn und verwahrlost gsi isch das het mier im Herza weh tua… öpa dia wünschti mier i könnt as Tierheim öffna und alli bedürftige Hünd und Katza ufpäppala🐈🐕

    In Bodrum ahko simer zerst a Rundi is Gym. Ussicht vum Gym isch de Hammer🙌🏽 Am Obig simer kli d Stadt go erkunda. De Erol het gad no as paar Kleider gshoppet haha..

    Highlights:
    - Geburtstag vu Manni Erol
    - Ersti Idrück vu Bodrum    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice