Kirindy nach Bekopaka

Au hüd isch wieder früh Tagwach, denn witeri 160km Fahrt warte uf uns und vorher no e Wanderig im Kirindi Wald.
Mir freue Eus no chli chöne Laufe vor de Fahrt und de Waldbewohner guete Morge z sägä.
Mir starte d Tour mit dr erneute Sichtig vom Fossa. De schlicht sich gärn bim Wald-Büro ume, in dr hoffnig was z Esse stipizä.
Nach me kurze Spatziergang finde mir die erste brune Lemure. Die Lemure Art trinkt au Wasser und nimmt ihre Flüssigkeitsbedarf nid nur über d Nahrig uf. Do aber aktuell grad Trockezit isch, finde si schwer Wasser. Euse Guide het e Wasserfläsche mit gno zum biz Abhilf schaffe. Si wei d Tier nid a füttere drum gäbä si au nüd usser Wasser. Es isch aber idrücklich wie fest die Lemur das verstande hei und wo er d Wasserfläsche für nimmt und biz schüttlet und de Bode biz tränkt, chöme si vo allne Egge agsprunge. Mir dörfe ihne e leers, grosses Schneggehuus, mit Wasser gefüllt hi hebe, wo si sich druf stürze. A länge dörf me d Tier wie eigentlich immer in dr Wildnis nid. Es isch mega beidrückend die Tier so nöch dörfe erlebe.
Uf eusere witere Wanderig finde mir au no e Sportive Lemur vo sich no Paar Sunnestrahle gönnt, bevor er denn erst wieder Nachtaktiv wird. Wissi Lemure wit obe in me Boabab, am Früchte knabbere. Und nid z Vergässä, de männlich Baobab. 😅
Nach Dene schöne Idrück wartet e langi Reis uf eus.
In Belo überquere mir wieder mit dr Fähri de Fluss. Total beidrückend isch au Die. Es isch spannend us was do alles öbis hergestellt wird und wies funktioniert. Es isch herrlich was und wie do alles upcyled wird und das handwerkliche Geschick wo de hinter steckt.
Erschöpft vo der Reis wärde mr mit de nächste, wunderbare Unterkunft belohnt. Soleil des Tsingys.Leer más