Beaverton & Portland

Am Friitig in Astoria abgfahre sind mer zum Fort Stevens. Am Strand det hemer Masse vo Qualle gseh, zum Teil au meeega schöni drunter, will aber Ebbe gsi isch sind alli am Strand glege anstatt im Wasser...

Fort Stevens isch au en Militärstützpunkt gsi, das hät mer au na guet gseh.

In Seaside hämer e ganzi Herde Elk gseh wo en Garte plünderet hät 😂
Echt schöni Tier, aber dene wett mer ned znäch cho.

Bim Haystack Rock am Cannon Beach hämer selbstverständli au en Halt müesse mache, sust isch mer ned in Oregon gsi 😉

Am Namittag simer denn wiiter Richtig Beaverton bi Portland, wo mer som Mirco sinere Verwandschaft herzlich empfange worde sind 🤩

Am Samstig häts denn en Familyusflug uf Portland zum Saturdays Market gäh mit Zwüscheverpflägig im Voodoo Doughnut 🤤

Ganz vieli tolli Gspräch uf Änglisch und Schwiizerdütsch hemer gha und mir froied ois scho ufs nächste Mal! 🥳もっと詳しく