Mauritius

Nachdem mr hüt bim zmorge eus wieder mal uswärts verwöhne lah händ, sind mr mitem Bus uf Cap Malhereux. Dä Ort isch vor allem dur sini Katholisch Chile a bester Lag bekannt.
Aschlüssend sind mr na via Friedhof zum naheglägne Strand und händ eus det e Abchüehlig i Form vo Bade gönnt.

Dänn ischs wieder mitem Bus in Touri Ort Grand Baie, wo mr zerscht zum relativ unspektakuläre Bazar sind und druf abe is Iichaufszentrum. Det häts sogar en "Paul" gha, wo mr ned dra verbi händ chöne ohni öpis z poschte 🤤

Zum Schluss na churz bime Hindu Tempel go ineluege bevors zrugg is Hotel isch.

Die aber grössti Herusforderig hüt isch gsi, öpis Znacht z finde 😱 De Libanes wo mr händ wele - zue (zum Glück scho vorgängig abcheckt)... die nöchscht Beiz - Choch chrank / i de Ferie / what ever... de nöchscht: Charity Grill Abig 🤦... eine wo mr die Wuche scho gsi sind: 30min Warteziit da Beiz voll 😤
Nach 6.5km und knapp 2h laufe händ mr aber kei Bock meh gha na wiiter z sueche und händ drum gwartet. Glücklicherwiis händ mr nach 15' en Tisch becho 🥳Baca lagi