vu ecuador nach kolumbien

nüs land nüs glück 😁 da ecuador üs nöd würgli umghaue het (user d galapagos natürli😍) hend mir üs entschiede das mir me ziit in kolumbiä wend vrbringä. ecuador isch wunderschü aber nöd würgli anderst as das womer bis ez gseh hend. es het sich alles chlei wiederholt vu de lüt, vu dä märt, vu dr landschaft etc.

agfangä het eigentli alles super, bus am strasserand fürs dorf ader grenzä hemmer gad verwürscht und au dr grenzübergang het wunderbar klappt. eigentli hemmer anä anderä ort herä wellä als popayan aber dethi chunsch anschinend gar nöd so eifach. also striched mir das und warted 5 stund am busbahnhof ufä bus nach popayan😁 am morgä am zwei gaht plötzli nüt mi de bus staht. und am morgä am 8 heissts de es gaht erst am mäntig witer🤣 was es isch fritig. irgendwo im nirgendwo hotel hets keis, essä und trinkä chunsch über aber me hets nöd. üserä bus isch vollä chind also het üserä bus gfundä gümmer ad dstrassesperri fürä gu reklamierä. es het sich de usägstellt ases en erdrutsch gi het und d strass am nami wiedr sötti fri si. also heissts wartä. und tatsächli am nami am zwei gahts los überä strass wo naja kei strass isch eher e bergstrass null teered links und rechts gahts hauptsächli abä. anstatt 1.5 stund vu det womer gwarted hend gahts de numal 6 stund. insgesamt simmer 36 stund unterwegs gsi und eifach nur froh gsi womer us dem bus usä hend chänä🚌 isch sehr abendtürlich gsi.

leider hend mir wieder ganz schlimmi sache gseh womer gwarted hend. d muätterä wo diä brucht windlä i wald werfed, oder eifach en ganzä sack voll abfall wird am strasserand enrsorgt. es grossi wo zum enkel seit a wirfs eifach det abä. autotürä gaht uf petfläschä werded usä gworfä und türä wiedr zuä. so sachä mached mich unglaublich trurig und sprachlos. jede da het das nüstä handy also chasch mir nöd vrzellä as du nöd mitüberchunsch as all das eifach nur schädlich isch!!! diä schön natur eifach so schad😔Read more