Santa Catalina, isla coiba

d hireis isch absolut easy gsi. sind ca 8 stund unterwegs gsi. sind ganz anderi dimensionä als in südamerika. schu fast en katzäsprung. kurzzitig hemmer de sogar nu denkt mir hend üs anerä dütschä reisegruppä agschlossä. si hend de sogar nuch ihres strandtuächli liegestuähl bsetztä ufnä nüs level bracht. isch frii platzwahl gsi also chame doch d sitz eifach mit fläsche und küssi bsetztä. aber das het de diä nöd dütschä nöd intressiert🤣 de hends mossä stuh will dr bus de so vollä gsi isch.
in santa catalina chame eigentli nur surfä, tauchä und schnorchlä. somit hets überall touräverastalter. mir hend üs dasmal au fürs schnorchlä entschiede, da tauchä sehr tür isch.
und es het sich definitiv glohnt me fahrt mitem böötli ca 1.5 stund uf d inslä coiba wos wunderschöni riff het mit unglaublich viel fisch und schöni stränd hemmer au nu gfundä. d inslä wird vu vielnä vrschiedenä tier bewohnt. begleitet wordä simmer bi dr überfahrt vu mehrerä delfin.
und dä bi dr rückfahrt hemmer nä tatsächli nu gseh. der wunderschöni, gigantischi und grössti fisch. der walhai. woooow isch der beidruckend gsi🐋 ich hoffä isch nöd z letschtmal gsi und mir chend au mal nu mit ihm tauchä.

am zweitä abed isch alles plötzli vollä rotä chrabeltier gsi. ich bin dusä vor üserem hostel ghogget piiggst mi plötzli öppis i fuäss. und de gsehni e krebs und de nuch einä ahhaha und de sinds überall. anschinend sind sogar d strassä vollä gsi.

au wänns nur touristisch gsi isch, het sich der abstecher glohnt. witergreist simmer de au nu mitemä dütschä us üserem zimmer will er z glichä ziel ka het.

ah und ja es isch tatsächli itroffä mir hend halbziit😳Read more