Isla de Ometepe

und witegahts mit reise. nachemä zwüschästopp in san jose gahts am nächste morgä am 5i witer uf nicaragua. untweges vu hustür zu hustür simmr wieder me als 12 stünd. d ireis in nicaragua gstalltet sich sehr spannend mehreri stationä musch durlaufe. aber zerstmal mömmer üs natürli in costa rica usstempflä und für das zahled mir e gebühr, das isch au zerstmal wo mir öppis zahle mönd. spannend as mir zum ireise nüt zahlt hend. 🤣
zerst wird mal kontrolliert eb d gimpft bisch (au erst z'zweitämal womer das mönd zeigä). in nicaragua het me das natürli nöd digital sondern we bi üs z impfbuächli.
de chunt einä inä und kontrolliert eb au du würgli du bisch. und mir schwiizer hend natürli exotisch usgseh also het er dr pass izogä. ( zum glück aber au bi iheimischä) also ab ad passkontrolle uhni pass.
mir hend natürli denkt as das ganzä chli zügiger gaht, aber nach 1.5 stund hemmer dr pass nunig zrugg und ider schlangä simmer nunig viel witer. nacherä halbstund hemmer de gfundä mir fraged mal wo der pass blibt. er het de gmeint ja chunt gad hahaha 1 stund später hemmernä de überchu. was au immer si da kontrolliert hend. zum a dr grenzkontrolle schaffe sind qualifikationä anschinend nöd so höch. 😁 ja aber nach me as zwei stund simmer de doch in nicaragua achu (ireisegebühr hemmer de au numal zahlt) und zum glück het üs de bim istiegä vum bus nomal einä kontrolliert eb mir würgli alli stempfel hend und eb mir au wüüürgli mir sind. 😉
nachher hemmer nu e stund mit dr fähre uf ometepe mössä schifflä. ometepe isch e vulkaninslä wo us zwei vulkan bestaht. dr see beheimatet anschinend bullähaie.
uf dr inslä isches sehr gmuätlich. mir mieted en tööf zum um d insle fahre. mir mached mehreri interessanti begägnige segs mit chüeh, pferd, affe und de iheimishe vo sehr freud gha hend mal touriste i irne chline dörfli zgseh. si hend üs immr herzlich zuegwungge wemmr verbi zist sind. gwohnt hemmr au binere iheimishe familie und jede morgl hemmer typishe nicaraguanishe zmorge überchu (riis mit bohne) . mir hend zwar nonig ganz verstande was da typish a dem ish wills das eigentli überal in zentral- und südamerika geh hed. grundsätzlich gits das zum zmorge mit ei, zum zmittag mit ei odr fleish und überashig zum znacht namal dasselbe.
mir hends sehr gnosse da uf ometepe. für üs gahts ez wiedr ufs festland.Read more