San Salvador

am halbi drü am morgä irgendwo in nicaragua chämer in bus richtig el salvador istiegä. nach ca. 13 stund simmer in el salvador achu. dr reis isch eigentli länger agi gsi will 2 grenzä (Nicaragua-honduras und honduras-el salvador) durquerä musch, aber es isch alles viel schneller und iwandfri abgloffä als gedacht💪
el salvador het immer nuch sehr en schlechtä ruäf. höchsti mordrate, gangs und drogä, aber grundsätzlich chunsch du als tourist im normalfall nöd in kontakt mit so sache. für üs isch irgendwiä vu afang ah klar gsi as mir dem land e chance gi wänd.
und schu vum erstä moment ah bereud mirs nöd. es isch viel moderner und fortgschrittner als vieli anderi länder in lateinamerika. natürli hets diä typisch lateinamerikanischä eckä. gfährlich ischs am abed a gwüssä ort. mir hend üsers hostel anerä sehr sicherä und modernä gegend, also keis problem au nachem sunnäuntergang nu usä z gu. das isch aber a vielnä ort so in lima, rio, panama etc. hemmer überall gluägt as d gegend sicher isch. also kei grossä unterschied. mir hend üs fürnä free walking tour mit dr melissa entschiede. si söll üs das anderä el salavador zeigä und es isch definitiv so, dass el salavdor me z bütä het also nur schlechti sachä. es wird viel investiert in d bildig, id modernisirig und au i dr coronaziit sind alli unterstütz wordä. es gaht langsam, aber es gaht öppis. und sit ihrer chindheit wo elei usä ga zum mit andernä chind spielä keis thema gsi isch, het sich viel veränderet.
aber au da gsehsch natürli d armuät und viel versuäched ihres glück i de usa.
el salvador isch halb so gross we d schwiiz, aber het ca 6 mio iwohner. diä zweit währig nebed em us-doller isch bitcoin. du chasch überall mit dem zahlä.
in el salvador hemmer au wiedrmal guät iheimischä gessä. z bestä poulet sit monatä mit choohl, ruäblisalat (kei riiis 😍😍🥳🥳) und chips 🤤Read more