Road to Hāna🌴🌊 Keanae Lookout

für üs gahts ez uf diä nächst inslä uf maui. uf hawai'i musch uf diä anderä inslä flügä. es git kei anderi möglichkeit me. fruähner hets schiffbetrieb ka aber der hets igstellt.
somit isch das defintiv für üs dr kürzisti flug allerziit. knappi 40 minutä.
in maui isch üsers hostel es partyhostel. mir hend eifach das günstigstä gnu wos ka het. das coolä isch aber, dass täglich gratis tourä abotä werded, womä de am fahrer eifach es trinkgeld chan gi. finded mir super, da sust fast all tourä doch eher unbezahlbar sind.
also schriebed mir üs gad i, für am nächstä tag.
es gaht uf d road to hana. eini vu de bekannistä strassä in hawai'i.
und es stellt sich de au schnell usä warum. defintiv au für üs eini vu de schönstä strassä womer bis ez durä gfahrä sind. mir wandered wieder zumä wasserfall. dasmal isch nöd nur d wanderig wunderschön, sondern au dr wasserfall selber. mir laufed durnä riesä bambuswald mit hawaiianische wildschwi, gsehnd riesigi bäum und sust wunderschöni landschaft.
mir baded imnä anderä wasserfall und gumped vu dr klippä inä.
issed das bestä bananäbrot ever, gnüssed wunderschöni stränd und gsehnd schöni lavagestei.
und am schluss für mich doch das absolutä highlight mir günd anä strand wo bekannt isch as numal schildchrötli chasch gseh.
und das hemmer ich bin jetzt nu sprachlos.
es sind über 50 det gsi. zerst hesch bi de eintä gmeint es säged stei, aber neei es isch nu eini me. wooooooow.
absolut einzigartig gsi. si hend da zum glück au wiedr abgsperrt. du hesch nöd chän direkt zu inä, aber du hesch si super gseh. und dank de friwilligä helfer hend sich au alli dra ghaltä. finded mir eifach super🐢

d tour isch de doch au eher ä partytour gsi. isch luschtig gsi aber het de au glanget. diä ganz fahrt hemmer party spieli gspielt, die eintä sufspieli und diä anderä hend de doch au mal d ussicht gnossä. aber isch lustig gsi.

wills so schön gsi isch passt nöd alles in ei footprint🤷‍♀️😁Read more