Reset search
Viajo todo el mundo 2024-?
  • Kim Kistler
Current
  • Kim Kistler

Viajo todo el mundo 2024-?

Start Weltreise mit Dennis
Sola
Dänn mit de Nathi
Sola
Bizli mit em Dennis
den bizli mit Lissy und Rezi
Sola
Paris mit Gil und Lissy
Schwiz
Sola Türkei am Volunteering mache Read more
+2
FollowInsightsInsightsCalendarCalendarPhotosPhotosShareShareBucket list
Oldest first
  • Kim KistlerViajo todo el mundo 2024-?Traveler
    1

    Mendoza, chline Fail

    November 26, 2024 in Argentina ⋅ ☀️ 24 °C

    Bin extra nach Mendoza ggloge das ich die 2 Tages Riottpur dur d Ande mache chan wo mini liebste mir uf de Geburi gschenkt hend. Ja ha scho vor mim Geburi glätscht will ich igedwie gspürt ha das was komisch isch und ich kei Abholzit han becho. Nach 1000 Jahr umrtelefoniere und all versueche kontaktiere uf all verschidnige Kanäl wos git ischs den am Geburi am Morge am 9i abgseit worde. Ja han bis am 12 brüellt und nach em Telefonat mit de Lissy und em Dennis ischs mer besser gange han den en Beautyday gmacht und mis Gsicht reinige lah, will durs absetzte vo de Hormon und em Reise mini Huut komplett usartet.
    Danke ah all wo für mich da gsi sind.

    Ein Tag spöter hani glich no en Riittpur buecht aber hald eifach 'nur' Sunneuntergang. ABSOLUT traumhaft gsi. D Gruppe isch im durchschnitt so 50 gsi würi sege. Abr all so cool. Ha uh Spass gha. Sie hend sogar en Tomate zum ne Smile bearbeitet und mit Chärzli Happy Birthday gsunde. Ha natürli fast glätscht. 😂🩷 Am negste Tag hani den nomal mis Handy möse flicke lah (nei nöd de Bildschrim) wieder s gliche Problem wie in Buenos Aires. Ha de Tag imne risige Park verbracht und den de weg fast nömm hei gfunde. Han den mini Spanischskils uspackt und eppe 10 Mensche nach em weg gfragt. Am Abig hani no epert kenneklernt wo den sponti mit mir uf Santiago gfahre isch mit em Nachtbus, will er kei ahnig kah het wo er anegah söll und das am Abig am 9i. 😂 En Mensch no planloser als ich, giz das.

    S Handy duet bis eze wieder, mal abwarte!    Read more

    See translation
  • Kim KistlerViajo todo el mundo 2024-?Traveler
    11

    ARGENTINA YOU ARE BEAUTIFUL

    November 14, 2024 in Argentina ⋅ ⛅ 28 °C

    Salta, Iguazu-Falls, Buenos Aires

    Nachere sehr lange Busfahrt, 23h anstatt 10h, simmer entlich vo Uyuni-Bolivia in Salta-Argentinie acho. Bin biz gschokt gsie wie viel türer es isch als überall anderst. Inflation isch um 289% i 12Mönet agstige. Aso sehr heftig. Vor allem Busfahrte sind sehr tür. Ich wür weniger zahle wenn ich flüge wür. Aber bi de Busfahte chani eh fast nie schlafe, drum gseh ich den eifach so viel meh vom Land. Argentinie isch so grüen und riesig. Wükki sooo wunderschöni Natur, die Fahrte nur scho vom Highway, en Traum. Mega schad hani chli wenig Ziit da. Drum hani mi eze entschiede de Süde vo Argentinie (Patagonie und Ushuaia..) ufere andere Reis zmache. Wie ihr wüssed isch mir das sehr schwer gfalle z entscheide, da ich nöd es Problem han alles mache und voll underwegs sie, sondern ebe mich entscheide, dass alles gseh und innequetsche nöd immer s Beste isch! Ich will das wo ich bereise au gseh und nöd innere Wuche durestresse und kei Ziit ha. Wär mit all dene Busfahre insgesamt eppe 7 Täg im Bus, was so viel Ziit und Nerve kostet. Drum als Info: Chile und Patagonie (ganzi Süde) wird übersprunge und mit de Galapagos-Insle erserzt. 🤣 Natürli für en anderi Reis ufgspart. Uf de Galspagos ischs im Gegesatz zu det une au so viel wärmer.

    Ebefalls änderet sich: Ich und d Nathi trenned eus für ca. 2-3 Wuche. Das heisst bi wieder chli elei underwegs und hoffe das mis spanisch besser wird Ah ja und schiss mir id hose willi a mim Geburi elei sie wird und all wo mich kenned wüssed was für es Enotionals Öpis ich ah mim Geburi bin 🤣.

    Han s beste Gschenk uf de Geburi becho: 2TÄG RITE I DE ANDE!
    Freu mich so unglaublich fest! Danke nomal ah all wo dad möglich gmacht hend. 🤎🤎    Read more

    See translation
  • Kim KistlerViajo todo el mundo 2024-?Traveler
    111

    Salar de Uyuni - Tengo hambre

    November 10, 2024 in Bolivia ⋅ ⛅ 20 °C

    Vom Jungel nach Uyuni. En Sslzwüesti in Bolivia. Alli paar Kilometer wieder en ganz neui Landschaft. Viel Volcanos, Lagoonas, Flamingos, Lamas, Piqunias, Vizcachas Hot Springs und no vieles meh. Absolut wundervoll vor allem eusi Gspröch. Eusi Gruppe isch wieder mega cool gsi. Vor allem s spanische Ehepaar. Hend nur spanisch gredet, also hani nach dene Täg au wieder viel glernt und glacht. Wieder es neus dihei i de nöchi vo Barcelona. Izy vo Australie isch au Zucker gsi. Vor allem de glich Foodie wie ich. Wundervoll gsi, aber eze gaz witer nach Argentina.Read more

    See translation
  • Kim KistlerViajo todo el mundo 2024-?Traveler

    BOLIVIA TE QUIRO MUCHO

    October 26, 2024 in Peru ⋅ ☁️ 15 °C

    Also nach Areqipa dinf mir den nach Puno witergfahre und bo dete witer nach Bolivia. Mir hend in Copacana gstartet sind uf em Titicacasee uf d Insle Isla de la Luna und de la Sol. Dete s schöne ruhige Lebe nochli gnosse. Witer sind mir nach La Paz gfahre und den isch Kopf vorah ohni Pause is Abendtür. Mir sind uf de Mercado de las Brujas in El Alto und uf de grössti Märt in ganz Lateinamerika. El Alto isch uf 4000 m.ü.M. und mit em Gondeli ischs abe uf la Paz gange i 10 Minute uf 3600 m.ü.M. Altitude figgt. Es isch die höchsti Hauptstadt uf de Wält. Valle de la Luna isch mega idrücklich. Witer simmr d Death Road mir de Downhill Bikes abegfitzt für ca. 4h vo 4900 m.ü.M. ug 1600 m.ü.M abegraset. Han eze es neus Hobby. Nathi het nöd chöne hinder mir fahre, will sie denkt het, dass ich stirb. Bremse isch für Afänger seg ich nur. Vo dete simmer a min Lieblingsort bis eze: las Pampas. Vo Rurrenabaque zmitzt im Teil com Amzonas verschwunde. Richtig geili Gruppe, atemberaubendi Natur und s beste alles volle Tier. Leider nur 3 Täg, het chöne dete Wuchene verbringe. Han mer dete de Zeche glaub verstucht will ich immr Barfuess lauf und de scheiss immr aschlah. Vo dete ischs witer zmitzt in Jungel. Also ja 1 . Nacht geil gsi. 2. Nacht isch den Survival-Mode gsi. Mini Bei sind verstoche und han möse zeuh geh das ich aso sterbe wür und weg dene Millione Mosquitos das alles nömme lustig gfunde han. Lieber den wieder zurgg go Ketteli und Ring selber mache und Kokusnüss frisch vo de Palme schlürfe. Hald eifach nöd soo tüf drin wie bim Survival-Mode.Read more

    See translation
  • Kim KistlerViajo todo el mundo 2024-?Traveler
    11

    Colca Canyon

    October 18, 2024 in Peru ⋅ ☁️ 21 °C

    Hola mis amigos.
    Hasse immrno das ich kei Sprachnachricht chan mache. D Monestario isch saulangwilig gsi user d Wöscherei. Sust hets mr aber max z viel Jesuse ka. Mir sind de Colca Canyon go bewandere (Tüfschti Schlucht vo de Wält). D Nathi het au en tüfe Moment erreicht wo sie nur nu hindershi het chöne abewandere weg ihrne Chnü. Also sie wird es MRI in la Paz (Bolivie) mache. Mir hend en Kondor gseh, ha a dich müsse denke Lissy wie sehr du Vögel liebsch. Grandios gsi. Mir sind den mit de Mules ufegritte und min Pepe het mr sehr leid dah. Hünd mussi au immrno streichle au wend d Nathi fast jede einzeln hasst.Read more

    See translation
  • Kim KistlerViajo todo el mundo 2024-?Traveler
    1

    Arequipa

    October 16, 2024 in Peru ⋅ ⛅ 23 °C

    Mir sind in Arequipa acho und hend gad River Rafting gmacht. So lustig gsi, üs hets es paar Mal fast überschlage. Sind au no ufeme Stei stecke blibe. Am 2. Tag simmer zu de Salt-Falts und natural Hot Springs (wo nur eis Loch wükki warm gsi isch, drum simmr z 3 dete inneghokt) mitere Holländerin. So en herzigi gsi. D Fahrt isch sooo holprig gsi. Angenehm isch anderst, komischerwis chani den aml besser schlafe als wenn ich im Nachtbus chan ligge. Zu minere Verteidigung chunt, dasi erst pennt han woni d Nathi han möse chräbele und wos nümme so holprig gsi isch. Am 3. Tag hemmer en Free Walking Tour gmacht wo mr zerst am falsche Park gwartet hend und den uf die negst 1.5h gwartet hend immne Resti wo de Kaffi so hässlich gsi isch dasi ihn eifach stah lah han. Tour isch die best bis eze gsi. Hend hüt eig so viel welle organisatorisch mache abr sind vom 12 bis am 6 underwegs gsi und hends richtig lustig gha. De Guide het richtig Spass ka a sim Job, das het mer gmerkt. Han mi hüt wükki fett und hässlich gfühlt, abr das giz hald. S Chleidli hets nöd bessr gmacht aber has geg de Abig vergesse wills so en schöni Stimmig gsi isch.Read more

    See translation
  • Kim KistlerViajo todo el mundo 2024-?Traveler
    1

    Geldschisser in Cuscus

    October 14, 2024 in Peru ⋅ ☁️ 12 °C

    Sind go Waxä. Bi de 1. Tante hani abbroche will si vo de mitti us Löcher wegpulld het a mim Schienbei, wo ich fast gestorben bin. Den hemmr am gliche Tag no binere andere en Termin gmacht wo sehr guet gsi isch. Sind glich fast gstorbe wo si zu eusne Intimbereich cho isch. Da het au Schnufe nix gnützt. Am negste Tag het d Nathi sich es Ohretattoo mache lah und es Cover up vo ihrere Welle des Grauens. Ich han mir 3. Ohreringli steche lah. Ha n 100i zahlt bi chli abzockt worde aber voll okke. Am Abig simmer in Nachtbus richtig Arequipa. 11h gfahre im Luxus Schlafbus für 30.-. Ha glich fast nöd chönne penne. D Näts het sich en Schlafmaske bastled, natütlich alles naturell und organic. D'Salatchnü hend au nöd döffe fehle bi ihre. Hend so glacht im Bus. De 80 jährigi Yogi hald.Read more

    See translation
  • Kim KistlerViajo todo el mundo 2024-?Traveler
    41

    Machu Picchu

    October 12, 2024 in Peru ⋅ ☁️ 21 °C

    Dream came true.
    Sind alles ufeglofe hend nöd welle mit em Bus. 1.5h bi wieder fast gstorbe will ich so kei Luft becho han nix gesse han und de Bluetdruck glaub au chli am Arsch isch. + hani au eifach nöd die usdur wied Nathi. Sind trotzdem immer schneller als de Durchschnitt.
    Absolut sprachlos de Platz. Soo schön und es staht alles no (aso ja d Incas sind ja nöd fertig worde mit baue) aber sust hebt alles. Sogar de Wasserkanal vom Machu Picchu funktioniert na. De Berg wo immer gsend isch nöd de Macchu Picchu sondern de Wayna Picchu (das heisst junger Berg) de Machu Picchu (alter Berg) glernt hani au no:
    Inti = Sunnegott
    Kilia = Mondgott
    Truena = Donnergott
    Abegfahre sind mr mit em Bus will d Nathi immerno chum chan Laufe. Vor allem nöd abe. Hend den d Pizzareste no gesse und s Hostel gwechselt. Geili Chips hend mr kauft nur leider zwenig. FETTE Sunnebrand kassiert, aber padsiert mr eze nömme. Ha wieder drus glernt dasi nöd uf de Wetterbricht lose. De Abig hend mr den no s Tagebuech nagholt und Prison Breal witer gsuchtet.    Read more

    See translation
  • Kim KistlerViajo todo el mundo 2024-?Traveler

    Salkantay Trek

    Oct 5–10, 2024 in Peru ⋅ ☁️ 10 °C

    5 Täg wandere bis nach Aguas Calientes. Für mich ischs scho Astrengend gsi aso 2 Täg sehr dete simmer jewils 22-24km (de 2. und de 4. Tag) gloffe. Vor allem will ich bim 2. Tag knapp 2h gschlaffe han i 20 Min abständ will ich en kaputte Schlafsack becho han wo es riese Loch bi de Füess ka het und de Zipper nöd zue gange isch. Und den hani mösse no am 5i ufstah. Aso ja bi eh wach gsi ha soooooo gfrohre. 4600 m ü. M. Vo eusere 6er Gruppe sind nur 3 ufegloffe, die andere sind mit em Ross ufegritte. Mir hend en Amerikaner kenneglernt er heisst Cooper aber mir seged ihm Quecksilver. 🤣 sind id Hot Springs am 3 Tag und hends so gnosse. D Nathi het denkt sie het nöd gflirtet, well de Mathias het recht ka, sie cheggt hert nöd wenns flirti überechunt 🤣🤣 am 4. Tag sind nur d Näts und ich de ganz weg gloffe (mit em Cooper). EGO möse pushe. D Nathi het bim Abeweg so Schmerze im Chnü becho und hend den nomal möse 3h grad am Zug entlang laufe. Sie het entlich verstande wie sichs afüllt wenn sie lauft und all seged das sie rennt. Ich bi wükki soooo langsam gloffe und sie het denkt ich seckle. Arme Tropf het immerno Schmerze. A dem Abig het sie Alpacafleisch gesse als Flexanerin und en fetti Lebensmittelvergiftig becho. Und kanpp 2 Täg kotzt und gschisse sogar uf de Bode und is Bett. Ha zwar möse lache, jedoch het sie mir wükki fest Leid da. De Cooper het sich au id Hose gschisse, er het aber scho vorher de Schisser ka. De Nathi ischs so schlecht gange, dass sie sogar Tablette gno het und Cola trunke het. Die Arm het au Fieber becho. Wo das den alles dure gsi isch hend mr chöne Machu Picchu Tickets hole. Zum min 1. Traum erfülle.
    UPDATE: Nathi isch eze au en Seriesuchti, mir lueget Prison Break.    Read more

    See translation
  • Kim KistlerViajo todo el mundo 2024-?Traveler

    Cusco mit de Näts

    October 3, 2024 in Peru ⋅ ☁️ 18 °C

    Mir hend sehr viel gmacht, en Fee City Tour, Moray (Gwächshus vo de Incas) und Salineras de Maras (Salzminene na vo de Incas her) so spannend gsi und die Schoggi und das Salz wo mer dete gesse hend isch en pure Orgasmus gsi. Hend so Hunger ka das mr nömme hend chöne zuelose. Hend den de nomal nachegfragt nach em Snacke. Mir hend no googlet welle Trek zum Machu Picchu mir mached.Read more

    See translation
  • Kim KistlerViajo todo el mundo 2024-?Traveler

    3 dias en Cusco

    September 29, 2024 in Peru ⋅ ☁️ 19 °C

    Bi nach Cusco gfloge. Soo es süesses Städtli. Bin bis ezd nur umegloffe chli bus gafahre und han gesse will mir d Höhekrankheit also scho z schaffe macht. Trink en Tonne Cocotee und nimms gmüetlich. Warte bis d Näts morn achunt! Gseh überall süessi Hundis und Büsis. N 55jährige grussige Mah het mer sexy Shakira gseit. Ja das sind mini Storry meh giz gad nöd!Read more

    See translation
  • Kim KistlerViajo todo el mundo 2024-?Traveler
    1

    Lima, escuola y Comida

    September 25, 2024 in Peru ⋅ ☁️ 16 °C

    Also 2. Wuche Lima isch vor allem umd Esse gange 🤣 Han erfolgrich Basico 2 i minere Schuel abgschlosse und d Stadt eifach erkundet. Sind viel go esse und hend Dart und Jenga gspielt. Na mal en chline mental Breakdown ka will ich Prämenstruel gsi bin! De Dennis het den Situation guet gändlet und isch die härzigst Muus uf em Planet gsi und het mich uf n Pizza iglade! D Welt isch den logisch wieder besser zu mir gsi! Geili Erfahrig hani au gmacht im nä Dorm a 12 Lüt (wo nur eis WC hät) mini Seel usgschisse und glichzitig Kotzt zmitzt i de Nacht vom 2-4:30! Mal doch wükki de hammer gsi, empfeli witer! Ah ja s WC chasch nöd richtig Schlüsse und isch obe und une offe👍 Morn gaz witer nach Cusco, freu mi fest s Hostel buechi den wieder 2h vorher wahrschindli 🤣Read more

    See translation
  • Kim KistlerViajo todo el mundo 2024-?Traveler

    El fin del semana y el gato

    September 22, 2024 in Peru ⋅ ☀️ 15 °C

    Bin fliessig am Spanisch übe , abr das mit flüssend nach 2 Wuche wird nüt 🤣
    Mir (Kollege vo de Schuel und ich) sind über s Wuchenend nach Paracas und Huacachina gange. Paracas isch am Meer, d Natur isch meega vor allen de roti Strand und d Robbe. Huacachins isch en Oase zmitzt i de Wüesti, mega touristisch abr sehr warm gsi und echt atemberaubend mit den Dünene. Ha bim Sandbording denkt bi cool und ich stahn ufs Bodyboard. Ja also het mi so krass uf d Fressi ghaue dass ich mit em Kopf im Sand stecke blibe bin. Liebs gad wies lauft!

    Vermiss dich scho chli Muus, vor allem hetsch du mit mir Gsandbordet wie blöd!🧡    Read more

    See translation
  • Kim KistlerViajo todo el mundo 2024-?Traveler

    1. Wuche Lima

    September 15, 2024 in Peru ⋅ ⛅ 18 °C

    1. Wuche Lima
    1 x sit gfühlt 1000 jahr wieder lerne.
    Also lerne usch igedwie no geil, aber ich hass es will ich nöd nach eim Tag spanisch rede chan und nöd die Best bin drum ja más o meno! Han cooli lüt kenne glernt. Bi go jogge am Meer han den mis Buchtäschli am Strand vergesse (classic wie chönds au anderst sie). Han alles möse zrugrenne, es usch no dete gsie drum lucky me. Han mini Nägeli gmacht und sie sind hübsch! Dume gseht us als heti Sperma drufgmahlt abr passt ja zum Pimmel! Es het en Katzepark da und bi original jede Tag dete wills mich glücklich macht. Mis iPad isch kapput vom nüt mache, das han ich au no gflickt. Han sitt einere Wuche z gliche ah wills kalt isch (17°), hass es. Vermiss eu fest🧡Read more

    See translation
  • Kim KistlerViajo todo el mundo 2024-?Traveler

    Lima Baby

    September 14, 2024 in Peru ⋅ ☁️ 20 °C

    Bin safe in Lima acho. Isch recht chalt da, aso ja 22°, aber ha überall Hüenerhuut. Han am 1. Tag en Street food tour gmacht und bin Original 40min z spaat cho. Er het gmeint seg nöd schlimm alles bis zu 1h gad. Es het mega geils esse geh. Ceviche isch sooooo fein gsi. Ha die schärfst Chill vo Peru gesse, nöd mal de Inder het probiert, nach de 1. het er gmeint seg em viel z scharf. Isch scho scharf gsi aber no geil igedwie. De Tour-Guide het mich no gfragt obi mit ihm in en Swingerclub will, er het scho 4x aglüte sit det. Ich seg mal so d Nummere isch blockiert worde. Am Mäntig fang ich min Spanischkurs ah, freu mich riesig!Read more

    See translation
  • Kim KistlerViajo todo el mundo 2024-?Traveler

    Bogota mit de Muus

    September 10, 2024 in Colombia ⋅ ☁️ 19 °C

    Nachere lange Reis vo Salento nach Bogota (het eig 8 Stund dured hemmr sichr 13 gha) gfühlt gstorbe dete inne will mr eppe 9 stund devo d Sattelegg duregfahre sind. Egal mir sind acho. Sin in Bogota chli umegschländeret am negste Tag und hend eus no den geile Ussichtspunkt über Bogota inezoge. Die Stadt het so viel Iwohner wie die ganz Schwyz, es isch wyld. Mir persönlich aber z gross. Het überall echt geili Graffitis.

    Han Gestr mich mösse vum Dennis verabschiede und ich hass ghasst. D Lätschgrite was on. Ja hüt plan ich en Depritag ih und mach glaub s 1. Mal i dem Monet nüt, will ich nochli brüele muess. Und den flügi am Fritig nach Lima und mach dete 2 Wuche Spanischkurs.    Read more

    See translation
  • Kim KistlerViajo todo el mundo 2024-?Traveler
    12

    Salento

    September 7, 2024 in Colombia ⋅ ☁️ 19 °C

    Mir hend sobald d Strasse wieder ufgange sind eus uf de Wäg nach Salento gmacht. Die mit Abstand schlimsti Busfahrt ka. Es isch ja nie geil aber de Fahrer isch safe uf Crack gsi. Naja sind glich heil acho nur eppe 5x is Muul kotzt bim fahre. Im Hostel acho hemmr paar grüeni Überaschige erlebt und de Host het eus welle abzieh und eus Ture für gfühlt 3x so viel verkaufe. Hend eus am negste Tag en Töff gmietet und sind dur Salento flitzt. Mir hend Cocora Valley agluegt mit de höchste Palme uf de Wält und den no en Kaffitour gmacht bi sonere süesse Familie. Ja Tierli sind wieder es Highlight gsi.Read more

    See translation
  • Kim KistlerViajo todo el mundo 2024-?Traveler

    In Cali gstrandet

    September 5, 2024 in Colombia ⋅ ☁️ 26 °C

    Ich wünscht es gäb en Sprachnachrichtfunktion da!!!

    Also mir sind eigentlich nach Cali gfloge zum direkt witer fahre nach Salento. Ja sie hend in ganz Kolumbie en Streik gha und all Strasse gsperrt. Bzw. Alli LKW fahrer, will Diselprise so gstige sind und das ganze isch 3 Täg lang gange und den het d Regierig nahgeh. Passiert anschienend so 2-3 mal im Jahr da. Sobald was nöd guet isch und de Staat nöd lost, den sperreds eifach alles bis er findet okke dümmrs hald glich ändere.

    Mir händ den 1 Täg in Cali chillt und hend en Salsakurs gmacht und Street Food dureprobiert. Cali isch für en Stadt echt no geil. Extreme Vibe da. Jede Fritig spereds en Teil vo de Stadt ab und es wird überall Salsa tanzt. Brutal geil. Gfühlt jede Fritig und Samstig isch Streetparade.    Read more

    See translation
  • Kim KistlerViajo todo el mundo 2024-?Traveler

    Tschau Jungel, Hallo Strand

    September 1, 2024 in Colombia ⋅ ☁️ 29 °C

    Hend eus vo Minca müsse verabschiede und sind witer uf Palomino. Sind guet acho und hend eus gad mal n Chicken Shawarma bstellt.. und den hend ahgange Regene. Wenigstens simmr im trochne gsi. De Ty het d kabel mit me Plastiksekli abdekt um vor em Rege z schütze., naja het glich zischt und gfunkt. Da fahrt mr mit TukTuk ume. Richtig süesses Ustigerdörfli.Read more

    See translation
  • Kim KistlerViajo todo el mundo 2024-?Traveler
    1

    Wasserfall und frischi Schoggi

    August 31, 2024 in Colombia ⋅ ☁️ 27 °C

    Mir sind 5h go Wandere und hend eus 5 verschidnigi Wasserfäll inezoge. S isch so wunderschöb da im D Jungel vo La Cascada. Am Abig hemmer no en Cacao Tour gmacht uf Spanish ha so 40% verstande würi sege hahahah. Abr wasi verstande ha isch interessant gsi und d Schoggi isch so fein gsi. Hen ezs no en Cacao-Maske gmacht und no eine trunke. De Papagei het jederzit chöne wegflüge er isch also us frwiem wille bi dem mah (und ja er chan flüge mir hends gseh).Read more

    See translation
  • Kim KistlerViajo todo el mundo 2024-?Traveler

    Paso del Mango

    August 30, 2024 in Colombia ⋅ ⛅ 30 °C

    Sind im nwue Hostel acho und wieder total verliebt i de Jungel. D Matratze killt mich, das heiast schlag wenns höch chunt 2h will sichs wie Beton agühlt. Aber sust wieder voll nice. Sind selber chli go de Fluss/Wasserfäll erkunde und am Abig igedwo uf en Berg klättered zum de Sunneuntergang aluege.Read more

    See translation
  • Kim KistlerViajo todo el mundo 2024-?Traveler

    City Tour

    August 29, 2024 in Colombia ⋅ ⛅ 33 °C

    Mir hend in Santa Marta no en Free City Tour gmacht und es isch mega spannend gsi. Graffiti sind dete teiö vo de Kultur und überall wos eze neui Grafgitis anehaued wird d Stadt automatisch suber. Wükki mega idrücklich. Sie isch nöd so luut und viel meh Local. Sind no geil go vegetarisch zMittag gesse und sind den wiiter.Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice