Feuer an Bord und Lissabon

Hitt voller Action, am 5i Morgä, eys heds grad zu Bett uisgriärd, ä Bordaasprach in einer Uifregig inärä Fremdä sprach, ä was ? Dä Leo hed de gfundä es schmecki so heimelig nach ämänä Pfadi Lagärfeyr. Dussä im Gang sind diä erschtä scho i Panik am hyperventilierä, es isch tatsächlich feyr underem Dach. Dä Käptn hed abr scho gley chennä entwarnig gä es seyg alles undr kontrollä. Weyter mid äm Tagesprogramm: Da Ami isch ai widr daa. Mier sind z Lissabon a cho. De Marathon findet hit i dere Stadt statt. Hed ächt Crew eys us dem Grund so früh welle wecke? I de Stadt herscht s pure Chaos, wer keis Hupi hed oder e kei Thrillerpfeyffe hed da kei Chance. Mier sind de zum Castello glufe und hend d Stadt vo obe chenne a luege. Ai mit dem Historische Traimli Electro 28 sind mier nu gfahre. I denne chleyne Gasse hed es ai Künstler gäh wo ihre Gsang zum beschte gäh hend. Wieder zrugg uf em Kahn, hemmer mit em ziemli erschöpfte Berliner am Tisch scho fascht mitleid gah, dem seyni Caroline, hed ihn sid am morge am 5.00 Uhr ume gschteickt dä Brand gu suächä. De Rose hit Abig isch am Walter genannt Wälä ziemli ii gfahre, er hed s Gfühl dass de Kahn no nie so plampet hed wie jetzt.Read more