Von Stockholm nach Trondheim

Hüt am Morgä si mir in Stockholm i Zug igstige . Ca am 3 am Namittag simer de in Duvet ( Schweden ) acho. Dört hätte mir e 3 Stündige Ufenthalt gha. U anschliessend hätt üse Zug söue nach Storlien fahre , wo mir no einisch hätte müesse umstige für nach Trondheim z cho. Mir sie de wid Schwizer so si, 5 min z früäh bim Bahnhof parat gstangä. Und de isch d Info cho , dass dr Zug später fahrt, heisst mir hätte dr aschlusszug vrpasst. Leider si di Infos fasch immer uf Schwedisch cho, u nur sälte uf Englisch, mir hei de när vrschideni Persone agsproche u si mit überzügig wider a Bahnhof u hei uf dä Ersatzbus gwartet , wo du aber nid isch cho .
Wöu i däm Duvet nüd los isch gsi d Füchs dä Hase guet Nacht sägä, heimr üs drzue Entschide , dass mir amne Taxi alütä zum frage, wases würdi choschde bis nach Storlien oder sogar nach Trondheim z fahrä, wöu mir dert ja schone Ungerkunft buechet hei gha.
Mir hei scho zämmä diskutiert, was mr höchschdens würde zahle. Ig hätt äuä seeehr viel Gäld zahlt für äntlich nach Trondheim z glange . I däm Momänt wo de das Taxi isch zuchegfahre, hätti uf Bärndütschgseit , chöne a Bode Chozä. Aber mir us absoluti Optimischde hei gwüsst , mir finde scho e lösig. Mir hei mit däm würklich nätte Taxi fahrer diskutiert u üsi Lag erklärt u de het är nach abklärige plötzlich gseit : we dir mir öies Zug-Ticket chöit vorwise , was mir selbstvrständlich hei chöne , de fahre ig öich ,,for free". Mir heis fasch nid chöne gloube , das ganze Ergerniss , dass fasch a ,, bode chozä" het sich ufglöst . Voller forfröid hocke mir iz im Taxi u wärde gli in Trondheim (Norwegen) acho. Was fürnes Highlight . Mir wärde iz no lang a das chöne zrug dänke.Baca lagi