Tyhjennä haku
125 Days Asia
  • Mats kovatsch
  • Esther Jutzeler
  • Mats kovatsch
  • Esther Jutzeler

125 Days Asia

125-päiväinen seikkaillu — Mats & Esther Lue lisää
+3
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
YhteenvetoKalenteriValokuvat
  • 125 Days Asia
    2Social Media vs. ...3... Reality 😜32Üses chline Paradies für zwöi Täg 🥰Invasivi Wasserbüffle 😆4

    Vang Vieng

    27. joulukuuta 2023, Laos ⋅ ☀️ 27 °C

    Über Wiehnachte hei mir Vang Vieng eroberet 😋: Mit wähende Fahne zu Ross… eh Roller und Fuess, und zu Wasser (im Tube, Kanu und Pool) 🇱🇦😌💪🏼!

    Katso käännös
  • 125 Days Asia
    222Happy New Year ✨1"Es Schneielet, es..." ah nei: Das si die Millione Viicher am Abe 😂

    Don Det (4000 Insle)

    1. tammikuuta 2024, Laos ⋅ ☀️ 33 °C

    5 Täg Don Det, heisst 5 Täg puri Erholig und Entschlöinigung - bis villech uf d‘Reis hi und zrüg und Silvester 😆!
    Dr Tag startet mit Kafi bim Jay und när wird eifach vo Resti zu Resti gvelölet, uf de Matraze chillt, e Shake gno, gapérölet, d’Spiischarte düreprobiert und im Mekong bädelet - voilà 🥱🧡🥰!Lue lisää

    Katso käännös
  • 125 Days Asia
    3
    Dr Mats berchunnt e freshe nöiie Haarschnitt 😉Coconut Rice Chüechli und Manderindlisaft am Morning Market22Dr Philip5Espresso Martini 🍸Bombyx MoriZ'Esty am shoppe 😋Spändelouf vo de Mönche jede Morge vorem SunneufgangMorning Market2Kroki BBQ 😅4Entspannts Luege vom Sunneungergang 😂

    Luang Prabang

    4. tammikuuta 2024, Laos ⋅ ☀️ 28 °C

    Luang Prabang giutet aus die schönsti Stadt vo Südostasie (wobi, wiviu schöni Stedt gits eigentlech 😂?)… tatsächlech isch si mit ihrne französische Kolonialboute am Mekong sehr malerisch 💜!
    Wie in ganz Laos cha me ou hie eifach abefahre und mit de tusig härzige Käfelis und Märite i Tag ineläbe 🫠! Üse Gheimtipp hie: Sech ga la d‘Haar schnide oder eifach nur la wäsche - di besti Haubstung Chopfmassage ever 💆🏻‍♀️😍!
    Tschüss, Laos - dini Rueh wird üs fähle und mir wärde vo dir sicher chli Glasseheit mitnä!    Lue lisää

    Katso käännös
  • 125 Days Asia
    14

    Angkor Wat

    7. tammikuuta 2024, Kambodza ⋅ ⛅ 33 °C

    D’Angkor Wat Tämpustadt…definitiv es Wäutwunder (für üs jedefaus, wenn ou nid lut Wikipedia & Co. 😅)! Jede Tämpu isch uf sini Art absolut einzigartig 🛕🤎!
    Uuuund glichzitig ischs:
    1. dr Dräihort vo Tomb Raider ☝🏼😌!
    2. dr absolut Hotspot für Influencer/Insta Shootings - mir hei üs natürlech vo de boho-chicke Osteuropäer la inspiriere und vo Sunneufgang bis -ungergang ou mitgmacht 😜!    Lue lisää

    Katso käännös
  • 125 Days Asia
    4
    6Pub Street düre TagLokale Riisschnaps i handbemalte FläschePhare: Dr kambodschanisch mini "Cirque du Soleil" 🥰21Amok mit Fisch 😋2Gruumti Landmine 🥲22Belismeti Böim 😊

    Siem Reap

    8. tammikuuta 2024, Kambodza ⋅ ⛅ 33 °C

    Feine Kafi, Pub Street, Landminemuseum, Märite und Zirkus - das isch Siem Reap ☺️! Me darf gloub guet behoupte, dass die Stadt vorwiegend vom Tourismus rund ume Ankgor Wat läbt. Aber isch lustig gsi da 😄!Lue lisää

    Katso käännös
  • 125 Days Asia
    Royal PalaceRotliechtmileuBassac Lane2Lieber dr Spatz im Chefig aus d'Tube ufem Platz... oder so 😅RiversideTuol-Sleng-Genozid Museum (S-21 Gfängnis)2Fotos vo Gfangene (und speter z'Choeung Ek Häregrichtete)Folterzelle2Killing TreeGeisterhuus

    Phnom Penh

    10. tammikuuta 2024, Kambodza ⋅ ⛅ 33 °C

    Phnom Penh isch e Stadt vouer Gägesätz: Gschäftigs Tribe, fantastischs Ässe, schöni Boute und vili fröhlechi Gsichter - e Stadt mim ne top Vibe 🙌🏼😊! Und glichzytig hei mir i däne anderthaub Täg viu Verstörends und Grauehafts gseh: Einersits dr widerlech Sextourismus (Durchschnittsauter vo de wiisse Männer isch gueti Ü60), aber anderersits wird eim vorauem di tragischi Vergangeheit vo Kambodscha dür z’Regime vor Khmer Rouge i de 70er Jahr sehr nach bracht - hie mim S-21 Folter-Gfängnis und de „Killing Fields“ z‘Choeung Ek.Lue lisää

    Katso käännös
  • 125 Days Asia
    5
    9Dr Traktor suber versänkt 😌💪🏼2Budle Wii derbi 🍷2Beach Volley und Böötli...und so gsehts hinger dr Beach Front Row us2The Boys (Mats und üsi Dive Masters)24Home Sweet Home diräkt am Meer2

    Koh Rong Sanloem

    15. tammikuuta 2024, Kambodza ⋅ ☀️ 30 °C

    Insuzyt 💚🏝️🦜

    Katso käännös
  • 125 Days Asia
    Yummy Fondue 😍😋
    6Am nächste Morge bevors los isch a d'Gränze 😅1Dr Walk (im nachhinein of Shame) zum vietnamesische GrenzkontrollposteTodkaputt im Tuk Tuk nach Kep

    Kampot… oder so 😅

    18. tammikuuta 2024, Kambodza ⋅ ⛅ 33 °C

    Joaa… aso mir hei Kampot us dr Perspektive vo quasi Locals erläbt 😅! Mir si nämlech dr Sändu und d‘Mel ga bsueche, wo hie sit 10 Jahr läbe. Faktisch hei mir zersch e lustige Nami mit viu Bier und spannende Stories über z’Läbe in Kambodscha verbracht. Speter no e lustigere Abe im Topcat (wo d‘Mel schaffet) und bi ihne deheime mim Arbeitskolleg/Mitbewohner bim ne feine Fondue, viu Wii und Extra Joss 😋🔥🍷!

    Am nächste Tag si mir völlig verkateret (aber stouz, dass mir nid hei verschlafe) zur vietnamesische Gränze gfahre für uf Vietnam und de witer mit dr Fähri uf Phu Quoc. Het de leider nid so klappet mit üsem Visum 🤦🏻‍♀️😅! Optimistisch hei mir no 4h ar Grenze gwartet, ir Hoffnig, dass das Visum no chunnt. Gändet hets de aber leider mit ere Übernachtig im 30min entfärnte Kep 🙈!

    Zitat vo üsere Transportagentur, wöu mir üsi Reiseplän hei müesse um ne Tag verschiebe: „It‘s kinda funny because we all knew how hangover you were 😂!“    Lue lisää

    Katso käännös
  • 125 Days Asia
    Pho und Bhan Mi bir Mama Tram Tram 🥰🤤Lecka Seafood ☺️11Night Market2Phu Quoc Gfängnis - Historischs Museum5Dudum "...I'll be ready..." 🛟Tür mit Spiegu am Strand 🤷🏻‍♀️😄FischerdorfGeisterstadt4...die Hüser si aui lääär 😱

    Phu Quoc

    22. tammikuuta 2024, Vietnam ⋅ ⛅ 30 °C

    Üsi ersti (richtigi) Destination z‘Vietnam isch d‘Insle Phu Quoc gsi. Füre Massetourismus het me se leider jedoch scho fasch komplett uspresst 🍋: Massiv überbout, doch leider blibe d‘Lüt us und drum si d’Heufti vo de Resorts, Restis und Beach Clubs läär 😕. Si hei sogar en Art künstlechi Sidlig mim Name „The Grand World“ bout, wo usgseht, wie dr Europapark oder Disneyland. Leider isch das e Geisterstadt…
    Schöni Stränd hets aber definitiv und di wildi Natur fingt me immerno 🌴🌊! Mir hei z‘Erkunde vo däre bizarre Insle mim Roller gnosse und‘s lustig gha 😄! Highlights si ou d’Noodle Soup für CHF 1.50 bir Mama Tram Tram und di täglechi Massage - eini vo de beste sit Wuchene 😍 - gsi 🥰!    Lue lisää

    Katso käännös
  • 125 Days Asia
    Chau Doc City CenterUf dr Strass ungerem Sam MountainUssicht vom Sam MountainRiisfäuder am WasserAm Wösch hänkeE Tube bi de Tube 🐦2Dorf zwüsche de RiisfäuderBun Ca (Fish Noodle Soup) vo Chau Doc - e Spezialität 😋Floating VillageUf dr FähriWürstE Moschee uf SteuzeUnd nomau uf dr Fähri

    Chau Doc

    24. tammikuuta 2024, Vietnam ⋅ ⛅ 32 °C

    Im Mekong Delta aacho, lehre mir mit Chau Doc ändlech chli z’echte Vietnam kenne - völlig authentisch und so guet wie null touristisch: Keni fancy Restis mit Burger und Pizza, sondern hunderti vo Plastikstuehl Beizli am Strasserand, wo me cha Suppe und Sandwich ässe, und tonnewiis „Cà Phês“, wo d‘Vietnamse dr ganz Tag Iiskafi und Tee trinke 😄! D’Lüt chöi so guet wi kei Änglisch, si aber immer mega härzlech üs gägenüber 🥰!
    Dr Floating Market gits leider nüm, derfür aber no Floating Villages. Nach ere churze Fahrt mit dr Fähri landet me sogar inere schnusige Ortschaft mit muslimische Wurzle.
    Rund um d’Ortschaft Chau Doc erstrecke sech härzigi Dörfli zwüsche ändlose Riisfäuder und Flüssli. Generell geit aues sehr gmüetlech und zfride zue und här - troumhaft 💚🌾☺️!    Lue lisää

    Katso käännös
  • 125 Days Asia
    Schlafbus (si nur 2h dinne gsi, aber me cha bis Hanoi reise 😁)2Üses Deheim 😍Schlängeli ☺️Marguerite Duras HuusGärtnereiäPho Bo (Noodle Soup mit Rindfleisch)No meh Gärtnereiä ☺️2Bibili und Äntlenini (wie seit me dene i chli?) z'verchoufe

    Sa Dec

    25. tammikuuta 2024, Vietnam ⋅ 🌙 26 °C

    Was bi üs z’Gartecenter Wyss isch, isch hie e ganzi Ortschaft 😁! Sa Dec isch äuä d‘Gärtnerei vo ganz Vietnam - oder zmingst vor Region: Pärk und Läde überau, und Bluemetöpf i aune Farbe a de Strasse, am Wasser und unger de Brügge 🌸🌷🌺! Zäme mit de viune chline Flüss und viler bunter Deko isch die überschoubari Stadt u härzig 🥰!
    Ou hie giutet: Lokale spannende Märit, Kafi und Tee (wenn si aber de mau Bier trinke, de choufe d’Locals e ganzi Chiste im Resti 😂), Suppe und härzlechi Iiheimischi 😊!    Lue lisää

    Katso käännös
  • 125 Days Asia
    2Ou hie hets Tämple 😄2Bitz Ghüder im WasserMeloneiichouf am Floating Market61Noodle Soup zum z'Morge ufem Boot am Floating Market4...u plötzlech isch die am Esty ga d'Haar flächte ☺️ (PS: Siehe Ananas Vögu 😍)Bhan Mi mit Ei vom Boot usDr Mats im Paradis 🤤🍍22Riispapierproduktion für speter Nudle drus z'mache

    Can Tho

    27. tammikuuta 2024, Vietnam ⋅ ☀️ 27 °C

    Üsi letschti Destination im Mekong Delta isch glichzytig die viertgrössti Stadt vo Vietnam: Can Tho. Entsprächend lut, Scooter-befüllt und witlöifig ischs hie de ou 🛵😁!
    Glichwohl hei mir binere Morge-Tour no chli traditionelli Gwärb vo Vietnam dörfe erläbe: Einersits si mir a eine vo de vier letschte Floating Markets 🛶💚 - dä gits zwar äuä ou nur no zu Touri-Zwecke 😅! Anderersits hei mir e Abstecher zu eire vo de „grösste Riisnudel-Fabrike vor Region“ gmacht: E härzige Familiebetrib am Fluss 🤗!
    Und jetzt geit’s ab nach Ho Chi Minh City 💪🏼!    Lue lisää

    Katso käännös
  • 125 Days Asia
    3Absolut kei Ahnig, werum sech die au hei useputzt, aber Party hard 😄E Reaktion uf z'Verhaute vom Fotograf 😉2Z'Nächtle am Suntiabe 😊E pinki Chile 🩷2Alt näb Nöii, wie fasch überau ir StadtAuti PoststellViet Congs vs. GIs ufem Vormarsch3Nach dr AO Show im Operehuus (z'Esty wär ou no irgendwo 😄)Museum für schöni KünstBen Thanh Markt3Is und usem Tunnelsystem3Gruess usem Ungergrund

    Saigon

    29. tammikuuta 2024, Vietnam ⋅ ☁️ 32 °C

    Ja, mir wüsse, dass die Stadt sit 1975 Ho Chi Minh City heisst, aber das isch irgendwie sone riise Chlapf zum Gring für Südvietnam, dass mir hie im Süde unge bim aute, schönere Name blibe (nüt Persönlechs, Uncle Ho).

    Saigon, das isch für üs gsi:
    Riise Kontrast zwüsche Aut und Nöii▪️e Milliarde Scooter▪️Reizüberfluetig am Abe▪️Kunst & Kultur▪️staatlechi Kontrolle vs. Realität▪️fassigslos nachem Bsuech im Kriegsmuseum - und mega interessiert, müglechst viu (unparteiisch und unzensiert) übere Vietnam-Chrieg z‘erfahre▪️urban, modern und usglasse▪️dr Oberhammer

    Zudem si mir ou d‘Tunnusystem vo de Viet Cong in Cu Chi ga aaluege. Dert inne ga umechrable het‘s in sech: Es isch verfluecht äng, schweiselet und isch heiss 😅.    Lue lisää

    Katso käännös
  • 125 Days Asia
    Z'Esty am drächeleSunset im PineappleSchnägglis 🐌Bim sogenannte "Fairy Stream"Dr Mats am Fahre 🔥🤙🏼SunriseNew Try, Esty 😅2Dr Mats, aaaaight!Dr Mats mit sim Instructor, em Quy 🥰"Figures of Eight" 🙈Mui Ne Fischerdorf (rundi Böötli, hihi ☺️)Am Fisch entschuppe

    Phan Thiet (Mui Ne)

    3. helmikuuta 2024, Vietnam ⋅ ☀️ 31 °C

    Top Wind und sandige Bode sorge in Phan Thiet (Mui Ne) für super Verhäutnis zum Kite Surfe🪁! Jawohl, mir hei Kite Stunde gno und si komplett begeisteret vo däm Sport 😍🤙🏼! Die 5 Täg i däre Bay hei drum folgendermasse usgseh: Avo uf Toast mit pochierte Eier oder Smoothie Bowl und Kafi am Morge, kite, kite, kite, Bier und Sunset im Pineapple, Massage, z‘Nächtle im ne Foodcourt oder im Sindbad und schlaaaafe 🤗!
    Ei Tag si mir no ufene klassischi Touri-Tour zu de Sanddühne und zum „Fairy Stream“ - ou cool 😅!
    Churzi, intensivi Täg sis gsi… d‘Zyt isch leider wie im Flug vergange, aber het u wäuts gfägt hie 💜🥹!    Lue lisää

    Katso käännös
  • 125 Days Asia
    Am Schaffe uf de RiisfäuderAm Velöle bi de RiisfäuderJungs am Hause 😆"Dert, Foto mache!"Marble Mountains26Di einti zeigt die nöiste Moves 😂💪🏼

    Hoi An

    7. helmikuuta 2024, Vietnam ⋅ ☀️ 29 °C

    Oh, du tolls Hoi An 💛! Mit dr wunderbar erhautne Autstadt us dr Kolonialzyt und de unzählige Laterndli🏮üsere Meinig nach die schönsti Stadt vo Südostasie 😍!
    Leider gseh das gfüut e Million Südkoreaner und Chinese glich 😅… Tusig Lüt, Touri-Shops, Käfelis, Restis und Bars. Entsprächend geit me de ou ga shoppe und hockt dr haub Tag imne Kafi oder ire Bar - isch bi däre Szenerie uf dr Strass aber dr perfekt Zytvertrib und unheimlech spannend 😂! Mir hei üs z.B. e Stung lang mau nume uf d‘Schueh konzentriert, wo d‘Touris anne hei - hammer 😂🤦🏻‍♀️!
    Und z‘Tet Festival (Vietnamesischs Neujahr) steit vor dr Tüür: D‘Locals si scho ganz usem Hüsli und am letschti Vorbereitige träffe und Dekoriere 🤗!
    Ei Morge si mir no zu de Marble Mountains. Erwartigsgmäss sehr touristisch, aber mit de verschide farbige Pagodas und Höhline nid verchert.
    Jetzt geits für Tet ufe i chaut Norde nach Hanoi 💥🎊😄👏🏼!    Lue lisää

    Katso käännös
  • 125 Days Asia
    1VIP Zugabteil vo Da Nang nach Hanoi"OK, now 1...2...3!"Drächeli Ballöndlis 🥰Paar Lüt fürs Füürwärch am Hoan Kiem SeeHappy Lunar New Year 2024💥!Verbrönne vo "Geistergäud"2263Cheers 🍻Hoa Lo Gfängnis

    Hanoi

    10. helmikuuta 2024, Vietnam ⋅ ☁️ 21 °C

    Nach 15h üsserst komfortabler Zugfahrt si mir im früsche Norde aacho. E unerwartet cooli Stadt, das Hanoi 😃!
    Grad z‘aute Viertu isch vou vo aute, zuegwachsne, schmale Hüser und Gässli und d‘Restis und Kafis wärde bis uf d‘Strass usegstuehlet - wunderprächtig 😄!
    Z‘Wichtigste aber: „Chuc Mung Nam Moi 🎊!“ Mir hei die Saison grad zwöimau Neujahr gfiiret und gester, um Mitternacht, mit viu Füürwärch und tusige vo Vietnamese und Touris z‘Jahr vom Drache iiglüttet 🐲👏🏼💥!
    Natürlech het näbst em Bsuech vom sogenannte „Hotel Hilton“ (Hoa Lo Gfängnis) e Abstächer zur “Train Street“ nid dörfe fähle: Ou mir si bi däre mittlerwile sehr bekannte (aber lohnenswerte) Touri-Attraktion näbem knapp a üs vorbifahrende Zug eis ga nä 👌🏼😁!    Lue lisää

    Katso käännös
  • 125 Days Asia
    D'Buebe am Fische 😅"Fuess Massage" 🙈Dr Mats am Früehligsrolle bastle4

    Ha Long Bay

    12. helmikuuta 2024, Vietnam ⋅ ☀️ 19 °C

    Ir Ha Long Bay hei mir zwöi Täg uf emne Boot di bislang strübsti Touri-Tour (oder Touri-Faue 😅) gha: Düretaktet vo Afang bis Ändi mit 3 (sehr feine!) Mahlzyte am Tag, Kajaking, Cooking Class, Tai Chi, Karaoke, fische, Dorfbsuech ufem Velo und natürlech ganz viu „Happy Water“ 😂! Iidrücklech und wunderschön isch si aber definitiv, die Bucht 🩵!Lue lisää

    Katso käännös
  • 125 Days Asia
    Am Morge immer chli Näbu, aber mir heis glich lustig, gäu 😂21Baby Buffalo 🥰Black Hmong FroueVermoostChleider wäscheAm Loufe ufem Rand vom RiisfäudEnte, Ente, Ente...Riismahlmaschine 😁Meitschis uf dr Suechi nachem Boyfriend am "Love Market"No meh Buffalos ☺️Sapa City CenterSapa See

    Sapa

    14. helmikuuta 2024, Vietnam ⋅ ⛅ 20 °C

    Mim Nachtzug vo Hanoi si mir gester am 6i am Morge z‘Lao Cai aacho und de is schöne vietnamesische „St. Moritz“ - d’Bergstadt Sapa. D‘Motivation, nach zwe Nächt mit weni Schlaf jez zwe Täg diräkt ga z‘Wandere, isch nid grad überwäutigend gsi, aber mängisch loufts haut so 😂. Schlussändlech ischs de aber nid unbedingt physisch, sondern eher technisch e Herusforderig gsi: D‘Wanderig isch z’Mitts dür d’Riisfäuder und grad dr Bärg uf und ab gange - uf Schlamm, Lehm, Stei und Gras. Das het tiptop klappet mit üsne Freizyt Sneakers 🤦🏼😂!
    Mir si aber ou dür vili härzigi Bärgdörfli gloffe und hei Dank üsere Guide, er Pai vom Stamm vo de Black Hmong, viu vor Kultur hie obe gseh und erfahre 💜!
    Jez geits us de chaute Berge leider schowider mim Nachtzug zrüg nach Hanoi 🥱😅.    Lue lisää

    Katso käännös
  • 125 Days Asia
    Earth Dragon - am Esty ihres chinesische Tierkreiszeiche 🐉☺️Chli bi Singapur ga abluege, hä...Ok, mir gäbe üs Müeh 😂

    Öhm… Jakarta

    16. helmikuuta 2024, Indonesia ⋅ ☁️ 30 °C

    Zwüschestopp und Zytabsitze in Jakarta - da hei mir ir Müedigkeit nid meh gmacht, aus ine Mall ga z‘Ässe und chli so z’tue, aus hätte mir Interesse öpis z‘shoppe… sorry 😅!

    Katso käännös
  • 125 Days Asia
    2Üsi Lagune
    ChuchiCandy Crab 🦀🩷Home sweet home 💚Wobbegong 😍Üses "Dive Center" 😅Bintang ⭐️Surface Intervall zäme mir dr Nan und em Frank uf Piaynemo1CuttlefishPiaynemo, ou bekannt aus Bildschirmschoner 😍😄12Z'Paradies im RägeJellyfish 😅

    Rufas (Raja Ampat)

    20. helmikuuta 2024, Indonesia ⋅ ☁️ 29 °C

    Schnorchle und touche mit Riffhaie 🦈, tusig Fische 🐠, Schildchröt 🐢 und de viusittigste Koralle 🪸, Riis, Fisch und Gmües vom Füür 🔥, wohne bi de Locals im ne chline Bambushüttli ufem Wasser (meistens) ohni Internet und Strom - und das höchstwahrschiinlech am schönste Ort vor Wäut 💚!Lue lisää

    Katso käännös
  • 125 Days Asia
    Yanbuba VillageReef Manta 🥰Dopplete Rägeboge 🌈Brum Brum 🦑😄Homestay FoodIbu mit em Bob und dr Mia (d'Näme si vo üs 😄) 😍Sandbank bi EbbeManta Putzstation 😍🥰12Esty und Mia3

    Kri (Raja Ampat)

    26. helmikuuta 2024, Indonesia ⋅ ☁️ 30 °C

    Einiges touristischer, chli weniger Koralle und ou nid so viu chlini und grossi Fische wie z’Rufas, aber grundsätzlech chlage mir uf höchem Niveau 😂!
    Mir hei di letschte Täg uf Kri im Raja Ampat Archipel und somit ou vo üsere Reis fest gnosse 🐠🌴💚!
    Jez heissts „Bye bye Wäut!“ und es „Hallo“ zu 30h Reis zrüg i d‘Schwiiz 😅.    Lue lisää

    Katso käännös
  • 125 Days Asia
    4
    Merci für d'Überraschig und aui Willkommensgschänk 🥹🥰!

    Bern

    29. helmikuuta 2024, Sveitsi ⋅ ⛅ 5 °C

    Mir chöme hei, wie mir gange si 😁🥐🍻!

    Das wäre üsi 125 Täg Asie gsi - e unbeschriblechi Zyt vou vo unvergässleche Iidrück, Momente und Begägnige 🧡! Die wärde üs definitiv i Erinnerig und im Härz blibe, ir Hoffnig, dass mir z‘ “Lüchte“ vom Reise i de nächste Täg/Wuche nid au zu schnäu wider verlüre ✨😊!

    Merci aune, wo sowohl aktiv aus ou passiv mit üs online si mitgreist 🥰! Bis zum nächste Mau 💪🏼😍!    Lue lisää

    Katso käännös
    Matkan lopetus
    29. helmikuuta 2024
  • 2026© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä