Re-planning

Hüt simmer vu eusem Resort in Bentota uf Galle gfahre, es charmants Fort-Städtli im Süde. Da hemmer eigentlich welle ga Wrack-Tauche, doch...
Zitat usem Telefonat vum Fredi mit dr Tauchschuel:
"Could we go wreck diving tomorrow?"
"No."
"But you have wrecks."
"Yes, I know we have wrecks. But in this season you won't be able to even see your pressure gauge..."
Somit hemmer de gester ufgstellt Plan numal messe ufe Chopf stelle und fahred somit relativ gli mal in Nordoste.
Bis denn gniessemer aber es sehr härzigs und farbefrohs Guesthouse. S Städtli isch vunere Stadtmuur direkt am Meer gsümt, leider bi dem Wetter nid allzu malerisch, derfür isch de Wind guet zum Drache-fliege und Blödsinn mache geignet. Churz bevor mer verregnet worde sind, hemmer nu es schöns Kaffee mit grüenem Innehof entdeckt, ideal für en churzi Stärkig und es obligats Uno.
Da sowohl Fredi als au Sämy ihri churze Hose i de Schwiz vergesse hend und da i dr tropisch Hitz fascht verlaufed, simmer per TukTuk (ja, zviete in eim!) ind Neustadt fahre und hend imene Allware-Lade euses Shorts-Glück gsuecht - und tatsächlich gfunde!
Etz erfreued mer eus abem AC in eusne Zimmer, warted bis de Rege ufhört und mached eus na ufd Suechi nacheme scharfe Curry.Read more