Atur ulang pencarian
Tansania und Sansibar
  • Simon Keiser
  • Nina Achermann
  • Simon Keiser
  • Nina Achermann

Tansania und Sansibar

KARIBU Tansania ~ JAMBO Sansibar Baca selengkapnya
IkutiRingkasanRingkasanKalenderKalenderFotoFotoBagikanBagikanDaftar bucket
RingkasanKalenderFoto
  • Tansania und Sansibar
    11

    Lake manyara Elefanten im Wald

    18 Oktober 2024, Tanzania ⋅ ⛅ 27 °C

    Nachdem mer vorher de grösst elefant gseh hend, hemmer jetzt au no die gröst herde gseh. Uf beidne site vo de strass heds vo chli bis gross elefante gha. Sie hend sich bis tüf is dickicht ine verteilt gha. Wo die einte d strass überquert hend simmer en moment meh oder weniger umringt gsie vo dene grosse aber sanfte und lieslige tier.Baca selengkapnya

    Lihat terjemahan
  • Tansania und Sansibar
    2

    African View Lodge

    18 Oktober 2024, Tanzania ⋅ ☁️ 21 °C

    Nach em acho i eusere neue lodge simmer no schnell in pool ghüpft. Mer hend s zwoite s familie hüsli becho, mit stube und zwoi zimmer mit jewiils 3 doppel bett. Chle gross, fast müsse ufpasse das mer eus ned verlaufed.Baca selengkapnya

    Lihat terjemahan
  • Tansania und Sansibar
    1

    Traditionelles Mittagessen

    19 Oktober 2024, Tanzania ⋅ ☁️ 23 °C

    Nachem kaffi ischs wiitergange zumene traditionelle zmittag. Das wird vo hand gesse, wichitig nur ei hand bruche. S maisbrot, aso festi polenta hed mer debi zemedrückt und als löffel brucht. Mit dem hed mer en art spinat und bohne is mul gschufled. Dezue heds kochbanane und zum dessert normali banane geh. Sehr fein und sättigend gsie.Baca selengkapnya

    Lihat terjemahan
  • Tansania und Sansibar
    1111

    Waldweg

    19 Oktober 2024, Tanzania ⋅ ☁️ 24 °C

    Nach em zmittag simmer dur de usa spring forest spaziert. Hend die riesige bäum bestuhnt und es paar tier gseh. Dur en landwirtschaftsbereich simmer zum auto gloffe wo eus de für en gmüetliche nomittag und abig zrug zu de lodge gfahre hed.Baca selengkapnya

    Lihat terjemahan
  • Tansania und Sansibar
    11

    Arusha airport

    20 Oktober 2024, Tanzania ⋅ ☁️ 23 °C

    Nach em zrmorge sind mer abgholt worde vomene fahrer. Er hed öppe 3 mal müsse luege bis er eus und es zwoite päärli us de schwiiz uf sinere liste gfunde hed. Nach dem er eus all gfunde hed uf de liste und no chle telefoniert gha hed simmer zum arusha airport gange. Tickets hemmer nie becho, eifach en kassezettel mit eusere flugnummere druf wo mer s gepäck abgeh hend. Nochher hemmer gwartet i de abflug halle. Und no chle gwartet und no meh gwartet. Mal no zmittag gesse und denn no biz gwartet. Und denn simmer ines 12 plätzigs flugi plus pilot und copilot ine ghöckled. Mit dem ischs denn uf zanzibar gange.Baca selengkapnya

    Lihat terjemahan
  • Tansania und Sansibar

    Zanzibar Airport

    20 Oktober 2024, Tanzania ⋅ ☀️ 29 °C

    Zanzibar acho simmer dur d versicherigskontrolle dure, gepäck gholt und zu eusem fahrer gschuened. Bim fahrer isch am simon igfalle das er d kammera im flugzüg vergesse hed. En sprint zrug dur de usgang und de zoll hed au nüt meh gnützt. S flugi isch scho weder abghobe und uf em weg richtig dar salam gsie. En bodepersonal dame vo de fluggessellschaft hed den umetelefoniert zum luege das es bi de akunft det gad kontrolliered öb sie no det isch. Mer hend denn gwartet und sie hed gseid sie heiged sie gfunde. Sie würed sie mit em nächste flüger zrugschicke wo vo dar salam uf zanzibar flügt. Hoffed mer s best, aber glaube dümmer s erst wenn d kammer weder bi eus isch.

    Und tatsächlich. Nach knapp 40 minute warte isch kammere bi eus gsie.    Baca selengkapnya

    Lihat terjemahan
  • Tansania und Sansibar
    2

    Shazarad Boutique Hotel

    20 Oktober 2024, Tanzania ⋅ 🌙 26 °C

    Vom flughafe us ischs den endlich, bim schönste sunneundergang, los gange richtig hotel. Nachere 15 minütige fahrt dur stonetown, d hauptstadt vo sansibar hed de fahrer gmeint mer siged da bim hotel. Mer hend gfunde nei. Isch es doch tatsächlich a falsche gsie, nähmlich s schwestere hotel i de stadt. Euses hotel isch uf de andere site vo de insle. Er hed sich de mehrmals entschuldigt und mer sind weder losgfahre. Mer sind den im dunkle acho, imene wunderschöne hotel. Sind denn nur churz is zimmer und den go znacht esse. De tag und die 1.5h fahrt hend den halt doch recht müed und hungrig gmacht. Aber was mer no muss sege isch, das wenn mer eusi türo vom zimmer ufmacht, direkt am pool staht.Baca selengkapnya

    Lihat terjemahan
  • Tansania und Sansibar
    111

    Shazarad Boutique Hotel

    21 Oktober 2024, Tanzania ⋅ ☀️ 28 °C

    Nachere warme tropenacht hemmer es sehr usgiebigs zmorge am meer unde gnosse. Isch eigentlich es 4 gang menu zum zmorge gsie. Aschlüssend hemmer die wiitläufig hotelalag erkundet und sind s erst mal i eine vo dene 4 pools ghüpft. Am morge isch s meer grad am zrug gah gsie und gege mittag isch denn eppe gsie. Mer hend den d sunneschin gnosse und sind immer mal weder in pool ghüpft. Am strand entlang simmer no go muschle sueche und hend chrebsli beobachtet.
    Am spötere nomittag hemmer eus im agrenzende spa no en massage gönnt.    Baca selengkapnya

    Lihat terjemahan
  • Tansania und Sansibar
    11

    Shazarad Boutique Hotel

    24 Oktober 2024, Tanzania ⋅ 🌙 27 °C

    Die täg im hotel hemmer richtig gnosse. Am morge ufgstande und as ersts mal in pool ghüpft. Jede morge heds aschlüssend weder es super zmorge geh. Eigentli fast es 3 bis 4 gang menu gsie isch. Zerst en teller voll früsche frücht. Den müesli, poridge oder granola nach wahl. Und denn eier nach wahl mit speck oder andere zuesätz. Nebe bi natürli für jede tisch no en chorb voll gebäck. Aschlüssend hemmer eus uf de ligistuehl pflanzt, glese und entspannt, abküehlt im wasser und eifach d sunne gnosse. S päärli wo mer zäme vo arusha dahi gfloge sind isch per zuefall de am einte abig, vo ihrem hotel öppe 200 meter nebedrah bi eus go znacht esse cho. Mer sind den am nächste tag au nomal zäme bi ihne go esse.
    Znacht hemmer immer sehr lecker gesse, vo fisch über pizza zu burger hemmer alles gha.    Baca selengkapnya

    Lihat terjemahan
  • Tansania und Sansibar

    Good bye Sharazad, good bye Zanzibar

    26 Oktober 2024, Tanzania ⋅ ⛅ 29 °C

    Gester hemmer no en usflug is nächste dorf gmacht. De strand isch vellecht es müh schöner gsie aber um velles touristischer. Hend den schlussendlich en spaziergang gmacht, touriste falle shops agluegt und es kaffi trunke. Nach dem mer nobzwoi tshirt abeghandlet hend simmer weder zrug i euses hotel gflüchtet mit em taxi. Hend den en gmüetliche sunnige nomittag verbracht. Am morge hemmer uscheckt und denn simmer nomal an strand. Chle abentürlich isch denn d fahrt zum flughafe gsie. Hed extrem gregnet und den hed s militär no es paar strasse gsperrt gha. Sind aber guet und pünktlich acho. Am flughafe hemmer de raffael vo de safari weder troffe.Baca selengkapnya

    Lihat terjemahan
  • Tansania und Sansibar

    Addis Abeba

    26 Oktober 2024, Etiopia ⋅ 🌙 15 °C

    Mer hend en ruhige flug gha vo sansibar nach addis abeba. Sunneuntergang hemmer durs flügerfeister gnosse und sind beidruckt gsie vo de 6 millione stadt addis abeba. Am flughafe simmer den mit em raffael no is kaffi ghocked. Nach ca. 3h stund ufenthalt simmer wiiter richtig miland und züri gfloge. De raffael hed no es stündli döffe uf sin flug uf wien wart.Baca selengkapnya

    Lihat terjemahan
  • Tansania und Sansibar

    Welcome Home

    27 Oktober 2024, Swiss ⋅ ☁️ 11 °C

    Mit chle verzögerig in ethiopie gstartet simmer pünktli nachemene ruhige flug in mailand acho. Det hemmer den weder chle gwartet und gwartet bis mer weder mit verspötig abgfloge sind. Chum simmer ganz dobe gsie ischs scho weder richtig landig in züri gange. Und den simmer scho weder dihei gsie, mit ganz ehufe tolle erinnerige und au no biz sunnebrand.Baca selengkapnya

    Lihat terjemahan
    Akhir trip
    27 Oktober 2024
  • 2026© FindPenguins
  • Beranda
  • Tentang kami
  • Penelusuran Kelompok
  • Pers
  • Ketentuan
  • Privasi & Cookies
  • Pusat Bantuan
  • Jejak