Isla de San Andrés

Ahcho in San Andrés hemmer ufem Trottoir irgendwo en Töff gseh zum Miete. Natürli het de Priis zersch mal müesse abeghandlet wärde. Helm für de Töff?!?! Sicher nöd, das gits uf de Insle nöd. Wases aber git, isch dass zum Teil 4 Lüt uf eim Töff fahred, das interessiert au kein Polizischt.
De Töff hetts eus aber ermöglicht um die ganz Insle z fahre und ah jedem schönnere Strand chli ahzhalte. Will San Andrés ide Karibik isch, isches also nöd schwär en wunderschlne Strand z finde.
En Uusflug uf mehreri "chlinneri Insle" het eus d Möglichkeit gäh ganz viel Meeresfiicher vo nächem z gseh. Uf de einte Insle sind d Fisch sogar um eim umegschwumme. Angst hend d Fisch vor de Mänsche nöd würkli gha. D sind eusi Schwiizer Meerestier düütlich schüücher. Das liht wahrschindli nöd z letscht dra, dass die Fisch da underem Escobar scho alles erläbt händ. Bombeschuss Pistolesplitter..
Es isch au möglich gsi vo de einte uf die ander Insle laufe (durs Wasser).
Was am meiste gstört hät, sind die Touris wo würkli s hinderletschte Detail mit ihrne dicke Kammeras ufnäh müend und überall im Wäg stönd.
Die 3. gröschte Koralleriff vode Wält (nach Australie und Mexico) hemmer au no därfe gseh.
Uf dere Tour hämmer no en verrukte Venezolaner känneglernt wo ständig bsoffe gsi isch und sini eigete Joints mitem Flüger uf d Insle braacht het.. S tönt krass, er het eus aber versicheret dases nöd eso schlimm seg, er machi das immer so 😂 Das isch was ich im Sinn vo eusne AXA Wärt im 24h KS "Leichtigkeit" bezeichne.
D Strandverkäufer sind eus aber au uf dere Insle rächt uf de Deckel gange, und usversehe het au da de Kellner "falsch verrächnet".
Nach 3 Täg isch denn schliesslich au guet gsi für die chlii Insle.

Fazit: extrem schöni karibischi Stränd, gfährliche Verkehr und lustigi Kolumbianer uf dere Insle.Read more