Ubud und Umgebung

Churz e Info Vorweg:

Es het hüt Top Bilder geh mit de Kamera, blibed gspannt📸

Hüt isch en sehr Vielfälltige Tag gsi do uf Bali und mir hend vieli verschiedeni Sache chöne go aluege✌🏼

Mir sind am Morge losgfahre mitem Roller richtig Ubud is Inland fu Bali. De Weg döte ane isch Wunderschön gsi und ei Riisfeld am andere durchquert, genau so wiemos fu de Bilder im Internet kennt fu Bali 🌴🌾

Noch ca 1.5h simmer kn Unud acho. Per Zuefall hemmer bimne Restaurant aghalte, wo i eigentlich für e Töffgarage ghalte han😅 und erhlochgseit au nur well i und Sandra biz Striit gha hend wege de Route🫣

Nichtsdestotrotz hemmer üs denn zum Beruhige beschlosse zum was go Trinke, well ich im Hinterrümli öbbert gseh ha was Trinke. Ihr glaubeds ned aber es isch es Restaurant gsi mit supper feinem Esse! I wör fast sege s beste bis jetzt (siehe Bild;)! D Stimmig isch schnell wieder guet gsi und mir hend em fründliche Kellner paar Lollis für sin Sohn mitgeh🙃by the way es sind alli so unglaublich lieb und herzlich do, mir söttet üs i de schwiiz echt was devo abluege..

Spöter isches wiitergange mitem Roller uf de suechi nochemne Wasserfall. Ca 15 minutr Fahrt und mir hend eine gfunde. zmitzzt im Dschungle und sehr unschiinbar hemmer de Igang gfunde. En ältere iheimische maa het itritt fu üs verlangt, umgrechnet 20Rp. Pro person.

De Wasserfall isch zmittzt im Dschungle gsi imne Tal und mir sind direkt go bade. Döte hemmer au no es Paar fotis gmacht. Het sehr Mystisch usgseh und isch e schöni Erfrischig gsi idem heisse Wetter do.

Jetzt chunt minere Meinig no s Higlight fum Tag:

de Sangeh Monkey Forrest🐒🎋

I ha mis Fernobjektiv uf mini Kamera gschrubt und losgleit Bilder mache. S Ergebniss isch Atemberaubend! Die Affe sind sogar uf ein druffcho und me hets chöne Füettere. D Bilder spreched für sich😉

Nochem Monkey Forrest isches zrugg gange richtig Pantai Nyanyi, wo üses Aribnb isch. Ufm weg nommel was chlises gesse ubd de Obed entspannt im Pool und i de Villa usklinge lohRead more