Restablecer búsqueda
Sri Lanka
  • Luca Vonlanthen
  • Nora
  • Luca Vonlanthen
  • Nora

Sri Lanka

3 Wochen Sri Lanka. Von der Westküste in den Süden und wieder zurück nach Colombo Leer más
SeguirResumenResumenCalendarioCalendarioFotosFotosCompartirCompartirLista de deseos
Más recientes primero
  • Sri Lanka
    1

    Echli sii..

    3 de abril de 2019, Sri Lanka ⋅ ⛅ 25 °C

    Eifach chli si, läse u d Rueh gniesse. Dr super härzig Roomservice het üs uf Wunsch no es Fruchtplättli u es Bierli bracht. Was wotme meh?😎

    Ver traducción
  • Sri Lanka

    Blue Coconut Café & Villas

    4 de abril de 2019, Sri Lanka ⋅ ☀️ 32 °C

    Nach öpe 3 Stung und 30 Minute Outofahrt simer de in Matara acho. Hie wei mir no chle Surfe und z Meer gniesse. Icheckt hei mir imene mega härzige Appartment chlei usserhaub vo Matara für die nächste 6 Nächt. Schins hets viu Affe wome bim Zmörgele cha beobachte da simer auso scho gspannt.Leer más

    Ver traducción
  • Sri Lanka

    Churzes Bsüechli in Matara

    4 de abril de 2019, Sri Lanka ⋅ ☀️ 29 °C

    Nachem Erholä vo üsere Fahrt simer hurti chle gah d Lag abcheckä. Am Strand hets e Kokosnuss zum schlürfe gäh u ner simer uf Matara. Matara isch die grössti Stadt im Süde. Es riiisää Puff. Es stinkt und die Abgase vo dene aute Outos. Das isch de es Erläbniss! Jedefaus het d Eustärä Nora e Lade gfunge mit richtig viu glimmer, glänze und kitsch. Nach dem churze Shopä simer öpis gah ässe. Dert hei mir e riiise Kampf mit dene cheibä Mugge gha. I würd säge Unentschide... Opfer uf beidnä sitä. Itz kaputt und gschafft ab gah ligä damit mir für morn Fit si.Leer más

    Ver traducción
  • Sri Lanka

    Surfä und Beach Road

    5 de abril de 2019, Sri Lanka ⋅ ⛅ 33 °C

    A üsem erste Tag in Matara simer mau gah d Wäue uscheckä. Mir hei de schnäu gmerkt das d Bedingige hie chle schwiriger si aus in Weligama. Denoch hei mir paar Wäue verwütst u hei no chle dä richtig guete Surfer chöne zueluege. Nachem Surfe hets mau wider es bombastischs Frühstück gäh. Gäge abe simer de no zur Beach Road. Die sogenannti Strandpromenade. Gässe hei mir i somene Iheimische chline Bistro wo Froue kochet hei. Mir si recht komisch agluegt worde. Isch äuä nid e so dr Touristeträffpunkt gsy. Z Ässe isch aber super Lecker gsy eifach Mässer u Gablä hets nid gha. 4 Franke hets für beidi zäme mit früschem Fruchtsaft kostet und satt isch meh definitiv ou gsy.Leer más

    Ver traducción
  • Sri Lanka

    Letzte Täg am Meer

    8 de abril de 2019, Sri Lanka ⋅ ⛅ 31 °C

    D Tage hie im Süde vo Sri Lanka si leider scho zeut. Mir gniesse no einisch richtig ds Meer, ds Surfe, u ds feine ässe. Mir gö no a verschideni Stränd ga verschideni Köschtlechkeite gniesse. Hüt heimer zwar mau es eher nid so feins Curry verwütscht. Mir si uf Empfählig vo üsere Ungerkunft ad Blue Beach. Sehr schöni Bucht aber recht viu Lüt. Ufem Weg dert häre het üse Tuktuk Fahrer üs no verzeut, wi är dr Tsunami im 2004 erläbt het. Sehr idrücklech xi. Die Blue Beach isch vom Tsunami totau überschwemmt worde.Leer más

    Ver traducción
  • Sri Lanka

    nochli doofi Selfies am Meer

    8 de abril de 2019, Sri Lanka ⋅ ☀️ 31 °C

    Ja mängisch ischs eim durchus chli längwillig.. ömu mir (Nora) Dr Luca chasech guet mit läse beschäftige nachem Surfe.. Ig ma aube einisch nümm..resp. mir fäut mängisch dr Mittagsschlaf imene chüele Zimmer imene aständige Bett nachere chaute Duschi🤓😅Leer más

    Ver traducción
  • Sri Lanka
    1

    Dr Letzt Tag am Meer inkl. Pizza

    9 de abril de 2019, Sri Lanka ⋅ ☀️ 31 °C

    Hüt simer no ds letzt mau am Meer xi. Hei no mau di schöne Wäue wöue nütze am gliche Ort wo gester. Wobi für mi ischs eher e frustrierende Surftag xi.. 2h =2 Wäue verwütsch. Es si nid so viu Wäue xi aber wenn de sisi riisig xi😁 Am Luca isches hüt definitiv besser glunge. Aber heee immerhin keni preute Hauswirble oder Schleudertrauma👍
    Sogar e Pizza heimer üs no gönnt imene Resti mit ganz viu amüsante Mönsche😅🤔 Di iheimische si sooo unfründlech xi und aues isch riiichtig Tür xi im Verhäutnis. ä ehemaligi Gheimtipbucht isch zure Touristeatraktion worde.. Miner 2 grittne Wäue dür das eher tür hätti xeit..Aber ja..chli ufem Brätt lige u ds Füdli verbrönne ghört haut o derzue😫🙈 Iz packemer de üsi Sache u Morn gömer no für 2 Tag nach Colombo id Stadt bevor mir am Friti wider heiflüge...    Leer más

    Ver traducción
  • Sri Lanka

    Renuka City Hotel

    10 de abril de 2019, Sri Lanka ⋅ ☀️ 32 °C

    Aus letschti Station hei mir no im Renuka Hotel icheckt. Das Hotel isch sehr luxuriös und guet im Zentrum gläge. Nachemne churze erholigs pöiseli simer hurti gah d Dachterrasse mitm Infinity-Pool gah uskundschafte. Super gmüetlech dört obe ghört meh dr Lärm vor Stadt gar nüme so fest. Es isch aber sehr beeidruckend wie viu grossi Hotelbunker überau bout wärde. Eis grösser aus z angere.Leer más

    Ver traducción
  • Sri Lanka

    Shopping und z Wisse Huus?

    10 de abril de 2019, Sri Lanka ⋅ 🌧 31 °C

    Nachem sünele ufem Dach simer no chle gah lädele und gah züg aluege. Mir hei sogar z Sri Lankanische Wisse Huus gseh! Aber z beste am ganze isch äuö scho das ganze *Bling Bling* züg fürd Nora gsy. Aber ou i bi nid grad schlächt wäg cho. Itz gönne mir üs äuä de dr Room Service u ner schlafe, damit mir morn ready si fürne witere und ou üse letscht Tag in Colombo. Leider isch morn ou üse letscht ganz Tag in Sri Lanka. Langsam chunt chle truur stimmig uf aber d houptsach es wird nid gstürmt. 😊😄😉Leer más

    Ver traducción
  • Sri Lanka

    Colombo City Shopping

    11 de abril de 2019, Sri Lanka ⋅ ☀️ 31 °C

    A üsem letschte Tag simer no chle gah Colombo erkunde und gah lädele. Dr iheimisch Markt isch sehr beeidruckend gsy. Aber jedä dert het z Gfüeu gha mir si rich. Das het gnärvt. Colombo im augemeine isch sehr lärmig und dräckig. Meh aus 1 Tag muess meh dert definitiv nid verbringe. Mir hei aber gloub z bestä druss gmacht und hei üs e Massage und e Pedicure gönnt. Morn geits leider o scho wider heimä zue.Leer más

    Ver traducción
  • Sri Lanka
    1

    Da simer wider!

    12 de abril de 2019, Suiza ⋅ ☁️ 9 °C

    Sicher in Züri glandet geits no hurti ad Gepäckusgab u ner ufe Zug damit mir scho gly wider i üsem vertroutä Heim chöi häre lige und erholä.
    Fazit: Es si super tolli und idrücklechi Ferie gsy u mir hei jedi Sekundä gnossä.Leer más

    Ver traducción
    Fin del viaje
    12 de abril de 2019