Acho im Traumhuus ❄️🏠💫

Am Morge früeh semmer us eusne Troim grisse worde - aber früeh ufestoh för id Ferie esch nonie es Problem gsi! 🥰
Nachere ordentliche Reiseziit semmer öber en Stond verspötet en Kittilä acho und denn metemene Bus uf Äkäslompolo i euses Dihei för die nächst Woche brocht worde. Mer send total gflasht. Trotz de Dunkelheit wo bereits gherrscht hett be de Akunft, esch eus grad sofort klar worde, dass mer do en Perle gfonde händ. 😍 Danke de Hüüsli Suecherinne und Buecherinne Sara und Nadine! 🤗
Vell esch höt nömme ufem Programm gstande usser Ichaufe, Aperöle, s'erschte Znacht ide grosse Chuchi (Pizza) mache und natürli no die täglichi Suechi nach Polarliechter starte. Wobii die met emene Schritt ufe Balkon erledigt gsi esch, well de Himmel leider total bedeckt esch... 🌌 Jäno, schloofe wärde mer höt so oder so guet 😴Read more