Medellín

Medellín isch 1991 zude gföhrlichste Stadt vode Welt erklärt worde. Die Stadt (het) unglaublich viel Kriminalität, Tyrannei und Gewalt duregmacht. Wie ihr sicher au wüsset isches dMuetterstadt vom Kartelbaron Pablo Escobar. Sin Name sött mer da besser nöd nenne, denn er wird vo sehr Mensche bis ufs Tüüfste verachtet, da er unfassbares Leid für so viel Menschee bracht het.

Aber nöd nume dNarcos, sondern au srechte Paramilitär und dkommunistische Guerillas sind für die nieendendi Gschicht vo Gewalt verantwortlich. D‘Mensche i dere Stadt sind sehr gspalte - das chan nie guet usecho.

Das gseht mer au wenn mer dStadt ahluegt. Im Zentrum stönd Hochhüüser, während sich ade Häng e riesigi Favela Landschaft zeichnet. Interesting fact: dHüüser sind zum grosse Teil nöd ahgmalt, will sie suscht Stüüre müesstet zahle. So sind sie immer nonig „fertig“ baut. Stüüre ad Kartel werdet aber bis hüt immerno iigholt.

Mittlerwiile het sich die Stadt sehr gwandlet. S‘einst gföhrlichste Stadtviertel (vode Welt) het sich nume innerhalb vo 20 Jahr zum touristische Quartier vo ganz Kolumbie gwandlet. Medellín het au e Metro, die suberer isch als vieli in Europa. Das chunt devo, will dMensche sehr stolz uf sie sind, da sie Hoffnig und Fortschritt symbolisiert. D‘Lüüt wennd das Leid us de Vergangeheit vergesse.

Ich bin jetzt 3 Täg da und bin sehr überrascht worde, wie spannend und entwickelt die Stadt isch.Leggi altro