Game Drive Nyerere NP/ Lunchboot

Einisch meh semmer am Morge met Kaffi gweckt worde, bevor dass mer am halbi siebni los send. Mer händ en Versuech gmach, um d'Loie nomoll z'gseh. Leider händ sech die guet versteckt und mer händ si nömme gfonde:-(.
Defür hämmer vell anders gseh. Bim zruggchoh hämmer en riese Überraschig erläbt, s'Mittagässe het ufem Boot stattgfunde, sogar d'Mägi het am Schluss de Plausch gha.
Am Nommittag hämmer de Pool gnosse, bevor Doris und ech uf d'Abigpirsch sind. Well Strasse eher schLächt send, hend die andere zwoi nümm welle metchoh.
Das moll send mer in en anderi Richtig los, händ de "Flughafe" agluegt, wo im Oktober setti ufgoh und denn de Sundowner bim See gha.
Bim Apero hämmer no zwe witeri Schwizer troffe (Andrea und Reto) und nochem Znacht hämmet nochli Sternekund metem Chef Emil gha.Read more