Reimposta ricerca
Mexiko-Kuba-Hawaii
  • aannasu
  • Alain Wohlgemuth

Mexiko-Kuba-Hawaii

April - Juli 2019 Leggi altro
SeguiPanoramicaCalendarioCondividiCondividiLista dei desideri
Prima i più nuovi
  • Inizio del viaggio
    9 aprile 2019
    Mexiko-Kuba-Hawaii

    Off we go!

    9 aprile 2019, Svizzera ⋅ ⛅ 9 °C

    Nach langem warte gahts endlich los! 1. Flug: Zürich nach Oslo ✈️ wueee🎉
    (Anna isch sicher)

    Guarda la traduzione
  • Mexiko-Kuba-Hawaii

    Oslo

    9 aprile 2019, Norvegia ⋅ 🌬 2 °C

    Hends check in und security gschaft trotz de 2h wommer gha hend. Norweger ebe fasch so organisiert wie mier schwiizer.
    (Anna isch Safe)

    Guarda la traduzione
  • Mexiko-Kuba-Hawaii

    Flug uf NY

    9 aprile 2019, Stati Uniti ⋅ ☁️ 8 °C

    Während mer wieder mal drüber diskutiered eb am juli oder am alain sini chopfhörer besser sind nächered mer ois new york.
    Dihei isches halb 1 am morge und da halb 7 am abig. let the jetleg begin.
    (Anna isch müed aber safe)    Leggi altro

    Guarda la traduzione
  • Mexiko-Kuba-Hawaii

    Achoo in Mexiko

    10 aprile 2019, Messico ⋅ 🌙 10 °C

    Genau 24h nach Abflug in Züri simmer acho
    Lazi Nevia und Moira chömed eus go hole. Finally isch dt odysse verbii.
    Müed simmer bim Lazi ide schöne wohnig acho. uf en schwum simmer sho gange und jetzt gad wiiter uf paar tacos. (Anna het heiss isch müed und sicher)Leggi altro

    Guarda la traduzione
  • Mexiko-Kuba-Hawaii

    GoKart!

    11 aprile 2019, Messico ⋅ ☀️ 25 °C

    Gester abig simmer alli glaub so froh wie nonie is bett gheit. mir weg de lange reis (« das isch de lengsti tag woni je erlebt han » - alain, öppe 50 mal), de lazi & d moira immerno jetleg vo china und t nevia will sie am 6i het muesse ufstah eus cho hole 😊 mer sind denn aber doch no zerst go esse mit em abuelo, ariana (grossmueter) und em diego (unkel), wobii die einte noed eso glück gha hend mit bstelle (salat mit fischgschmack). Hütt ischs denn also allne es stuck besser gange, und nacj emene schwumm im pool simmer go GoKart fahre, wo erbittereti kämpf gfüehrt worde sind. De lazi het am end denn doch gunne und nachdem mer eusi helm und sexy haarnetzli wieder abgeh hend simmer nachher gad go esse, wobi de Juli schowider s falsche bstellt het (seeeeehr trochnigs poulet).Leggi altro

    Guarda la traduzione
  • Mexiko-Kuba-Hawaii
    1

    Surfe, Märt & Sunnebränd

    13 aprile 2019, Messico ⋅ ☀️ 27 °C

    Obwohl mer erst so churz da sind, sind die meiste scho chli vo sunnebrändli ghittet worde. Das het eus natürli trotzdem nöd devo abghalte, gester go Surfe gah. Zwar indoor uf ere künstliche Welle, aber immerhin isch s Dach chli offe gsi. Am Abig simmer no ine Bar öpis go trinke, & nachemene Ziitli isch t Adriana no dezue cho und denn isch denn zumindest bi paarne recht Post abgange. Sind denn aber doch beziite zrugg und am 2 sind t liechtli glöscht worde. Hütt simmer denn wieder am Pool gsii (Sunnebrand, Sunnebrand, Sunnebrand), und nachher simmer ines cools Viertel go esse und churz bim Märt dure gloffe. Da t Jungs ez endlich ihri PS installiert hend werded mir wahrschindlich bis zum Usgang hütt Zabig nüt me vo ihne gse. 🤷‍♀️Leggi altro

    Guarda la traduzione
  • Mexiko-Kuba-Hawaii

    La casa de Carla

    14 aprile 2019, Messico ⋅ ⛅ 28 °C

    Gester isch no de letschti vo de glorriche 7 nach 32 stund Reis iitroffe & natürlich simmer mit em Flavio direkt go Tacos esse (wie sichs ghört). De Abig isch denn sehr gmüetlich verloffe und mer sind all nöd z spaat is bett will mer eus hüt morge hend welle beziite uf de Weg mache is hüsli vo de Carla in San Juan Cosalá im Raquet Club wo mer die Nacht werded sii. Natürlich het de mit em « beziite » nöd so ganz funktioniert und mer sind erst jetzt aacho. Was mer mache werded isch no unklar, denn nach ganze EINEHALB (!) stund ohni wlan sind ez zerst mal alli ufs Handy fokussiert.Leggi altro

    Guarda la traduzione
  • Mexiko-Kuba-Hawaii

    Lago de Chapala

    16 aprile 2019, Messico ⋅ 🌙 22 °C

    Vo de Wohnig mit Usblick uf de See simmer den losgfahre zum öppis go esse. Per Zuefall hemmer imne chline Dörfli, wommer auno eh erchundigs-tour gmacht hend,es Resti mit mexikanischem esse gfunde. De Juli isch leider sit paar teg chli chrank und het nüt gesse. Updates folged. Nachem esse simmer ine Badi go chille und sünele. Nachm vo de Nevia kochte Pasta znacht sind de flavio de juli dt moira und de alai loszoge zum bi sunneuntergang mit ussicht uf de see chli fuesball go spille.
    (Anna isch Safe)    Leggi altro

    Guarda la traduzione
  • Mexiko-Kuba-Hawaii

    Horor Nacht am See

    17 aprile 2019, Messico ⋅ 🌙 19 °C

    Die gschicht spillt immerno am See wommer 1 nacht gschlafe hend.
    Genau idere Nacht isches passiert.

    Zfriede und müed simmer is bettli gange. Dt anna und de alain imne zimmer. De Juli moira und de lazi i eim und dt nevia und de flavio im wohnzimmer. Us de sicht vo mir (Alain) verzellt.
    Agfange hets mit me lislige summe.
    Em summe vo mugge.
    Nach stich uf minre huut und wiit meh stich uf de anna ihrere huut ( voralem gsicht - siehe Bild) hemmer langsam müsse igseh dasmer so ned schlafe chend. Zersch hemmers versuecht ignoriere, aber nach mehrere Schmerzhafte ufschrei vo de Anna hemmer den am 2 am morge eus beschlosse eus uf mugge jaggt zmache. 5 mugge hemmer chönne zerschlah. ich han mich beschlosse de gruppe mitzteile dasmer biz spöter wennd ufstah welmer solang ned hend chönne schlafe. drufhii hemmer cheggt das sich das mugge problem ned nur uf euses zimmer beschränkt het. (siehe screenshot).

    (Anna ihres gsicht isch ahgschwulle sie isch aber safe)    Leggi altro

    Guarda la traduzione
  • Mexiko-Kuba-Hawaii

    Geburtstag vom Lazaro

    17 aprile 2019, Messico ⋅ ☀️ 19 °C

    Am morge het de Alain Rüehrei, Speck und Pancakes gmacht. Nachher simmer ines Spa gfahre zum biz chille. Hauptsächlich sind alli am sünele gsi wehrend de Flavio und de Alain de Championsleague match Barcelona geg Manchester United gluegt hend. 3:0 Barca!🔥🔥🔥
    Nachdem simmer go tamales esse. Meis und Fleisch irgendwas. Typisch mexikanisch. Sind sich ned alli einig wie geil dases isch. De julian (wo bis jetzt ned glück gha het mit esse uswerts) het serschte mal eppis geils bstellt und isch wieder happy (obwohl er no bizli chrank isch). Nachr simmer heigfahre und italienisch mitem Lazi sinre Familie go esse.
    (Anna isch Safe ihres gsicht aber no viz gschwulle vode mugge)    Leggi altro

    Guarda la traduzione
  • Mexiko-Kuba-Hawaii

    Tequila Tequila

    18 aprile 2019, Messico ⋅ ☀️ 35 °C

    hütt simmer uf Tequila. Da die meiste vo eus scho letscht Jahr inere Tequilafabrik gsii sind hemmer das das Jahr sii gla und hend eif da s Dörfli ahgluegt. Mer sind jetzt grad no zumeme Wasserfall abe pilgeret (für mich (Anna) mit minere nöd so gschiide chleiderusrüschtig (FlipFlops) nöd e eifachi ahglegeheit, da s Wägli zum Teil sehr steil und steinig isch). Händs aber alli wieder ufe gschafft 👍🏼 ich bi zwar sehr ueberzügt dasis nu weg em alain heil abe und ue gschafft han (liebi a dere stell) aber trotzdem.
    (Anna isch müed, mag nüme und t Bei zitteret aber isch safe)    Leggi altro

    Guarda la traduzione
  • Mexiko-Kuba-Hawaii

    Puerto Vallarta

    19 aprile 2019, Messico ⋅ 🌙 23 °C

    Am morge simmer mitme Bus, wo verglichbar mit first class im flugi isch, uf puerto vallarta gfahre. Nach 4h fahrt hemmer dt unterchunft vom Lazi sine Kollege, wo so lieb gsi sind eus ihre Wohnig zur Verfüegig zstelle, müsse sueche. Det acho simmer go fein Mexikanisch esse. De Alain het Wings gha mit vill zu scharfer sosse obwohl er scharf guet vertreit. De Kellner het luuthals müsse lache wo er gseh het das de Alain dt Sosse wieder wegputzt wo so verdammt scharf gsi isch. Am abig simmer den an Strand de Sunneuntergang go luege bismer dt sterne gseh hend.
    (dt Anna isch safe.)    Leggi altro

    Guarda la traduzione
  • Mexiko-Kuba-Hawaii

    Penthouse D, Torre 2

    21 aprile 2019, Messico ⋅ ⛅ 25 °C

    Vorgester simmer zimlich de ganz Tag am Strand gsii. T moira isch nöd eso fit gsi, will sich das mexikanische Resti vom 1. Tag in Puerto (das mit de scharfe Wings) als doch nöd soo chillig usegstellt het. Am abig sind denn paar in usgang & paar dehei bliebe. Nach em Zmorge im Hafe (inklusive Krokodil-sichtig) hemmer gester t Wohnig vo eusne Gastgeber ufgruumt und zwei Uber gnoo zu de Wohnig vom Lazi sim abuelo, wo mer die negst Wuche defed verbringe. Genau wie letscht Jahr het die spektakuläri ussicht & mega grossi Wohnig alli mega beiidruckt & mer sind grad nachher an Pool go chille (usserd die wo im usgang gsi sind, die sind go schlafe). Am abig simmer no go poschte das mer die negste Täg choche chönd (riiiiiese Plastik Verschwendig, so wie die « iipacker » iipackt hend im Lade) und hend denn grad knapp no en wunderschöne Sunneuntergang chöne bestuune. Am abig hemmer vo obe abe (!) no chöne es chlises fürwerch bestuune (ostersunnig wahrschindli). Hütt isch wahrschindli für die meiste eifach de ganz Tag: nüt (und sich am Pool wieder mal verbrenne, hend scho lang nüme 👍🏼😂)Leggi altro

    Guarda la traduzione
  • Mexiko-Kuba-Hawaii

    Penthouse (es het brännt)

    27 aprile 2019, Messico ⋅ ☁️ 28 °C

    Sit bald ere Wuche simmer in Puerto Vallarta. Hemmer vill gmacht? Nö.
    Trotzdem paar chlini Impressions:
    De tagesverlauf isch meistens glich - Zmorge Pool Pool Pool Znacht Chille Schlafe. Dezwüsched sind de Lazaro und Ich (Alain) immer mal wieder go Billiard spille 12:2 für de Alain staht. Nachdem de Lazaro scho im Gokart gege mich verlore het vertreit er die wiiteri niederlag ned so guet.
    Am Abig het jede eis menu defe ussueche Wo den die person mit mir (den musi ebe ned abwesche) kocht het. Carbonara, Gratin, Burger, Cousus und hüt no Paella. So sparemer gad no chli Geld. Hend gester müsse Putzfrau cholah wels mer de Teil mitem Suber ned so begriffe hend. Gester und vorgester sind zersch Nevia uf Costa Rica und de Flavio wieder heii gange. Jetzt sind nurno mir Foif Anna, Lazaro, Moira, Juli und ich. Am abig hemmer no es auto für Cancun gmieted und die erschte 6 nächt buecht. De rescht machemer spontan. Am gliche Abig hets eh Pokerrundi under de Jungs geh. Plötzlich füllt en ohrebetäubende Larm de Ruum. De Füüralarm gaht los. Instinktiv simmer grad Handy und pass go hole und direkt us de Wohig is stegge huus. Dt Fraue sind zu dem Ziitpunkt am Billiard spille gsi im erdgschoss. Im oberste stock dtsie (25te) Isch zum erste mal doch nem so geil. Im 10 stock eppe hemmer es alts päärli, wo sho im pijama gsi isch, troffe, wo gseit het es chönt en falsche alarm sii. Trotzdem hemmer wele sicher gah. Und go nahfrege bi de securitys. Doch wehrend em wiitere abstiig hemmer uf eimal en verbrennte gruch ide nase gha. Je tüfer mer gange sind desto stärcher ischer worde. Ersh nachem 3 stock ischs den wieder weg gsi. Ganz une sind secutirys usem lift cho (gschiid im brandfall oder) wo gseit hend epper heggi esse verbrennt. Hahaha. Und Dt fraue hend wehrend dem ganze friendlich witer billiard gspillt. So
    Dt Anna isch safe und hüt gemmer de neuscht Avengers go luege wo alli ussert de Julian wo dihei bliibt, druf gwarted hend.    Leggi altro

    Guarda la traduzione
  • Mexiko-Kuba-Hawaii

    back in Guadalajara

    1 maggio 2019, Messico ⋅ ☀️ 25 °C

    Nach wiitere ereignislose, jedoch sehr entspannende & schöne Täg mit vill Pool, Sunne, Meer, Billard, Guacamole, Sunneuntergäng und sehr sehr vill Club Sandwiches simmer gester abig am halbi 10i wieder uf de bus richtig Guadalajara. Mer sind jetzt no ein Tag da, wo de Lazi und t Moira no versueched, es paar sache hei z schicke. Morn am 4i gahts denn wiiter mit em Flug uf Cancún.Leggi altro

    Guarda la traduzione
  • Mexiko-Kuba-Hawaii

    Bacalar

    3 maggio 2019, Messico ⋅ 🌧 31 °C

    Vorgester, also am 2. Mai, simmer am Namittag am 5i uf Cancun gfloge. Vor em Flug simmer no recht in stress cho, will mer z spaat gange sind, aber da s Flugzueg denn Verspötig gha het hemmer denn doch no gnueg ziit gha. In Cancun achoo hemmer s Mietauto abgholt und hend churz öpis gesse imene mega feine chline Taco-Resti uf de Strass, womer nones chätzli troffe hend. De Lazi het afange s füetere & het sich so sehr beliebt gmacht bi de Chatz. Denn isch de öppe 4-Stündig Fahrt uf Bacalar losgange, wo de Alain & de Lazi unter sich ufteilt hend. De letscht Abschnitt isch ufere zimmlich steinige Strass (wenn me ueberhaupt cha strass sege) zum hus gfahre. Euses airbnb isch chlii und herzig gsii & het es plumsklo, zum de wunderschöni see nebedran nöd z beschmutze. Gester simmer denn recht spaat ufgstande, will mer erst am 4i am Morge da acho sind. Mer sind denn go zmorge/zmittag esse imene (eigentlich) fisch-restaurant wo mer all chli s falsche bstellt hend & drumm recht enttdüscht worde sind. S isch aber susch mega schön gsi, chli wie im Regewald und de See nebedra. Nachher simmer e Burg go aluege, Fort San Felipe Bacalar. Denn simmer inere Cenote go schwüme, es riisigs tüüfs Wasserloch wo mer sicher ez denn no meh werded gseh. Denn hemmer beschlosse, em Resti nomal e Chance z geh, und hend dasmal besser bstellt, und s isch fein gsi. Sind denn no lang det am höckle gsii und denn zrugg über de bumpy road is hüsli go schlafe. Jetzt simmer grad uf em weg uf Tulum, womer die nögste 4 Nächt verbringed.Leggi altro

    Guarda la traduzione
  • Mexiko-Kuba-Hawaii

    Tulum

    4 maggio 2019, Messico ⋅ ⛅ 28 °C

    Ufm weg Nach Tulum hemmer per zuefall eh Maya Ruine gfunde wommer grad agluegt hend. In Tulum acho hemmer euses nechste, besser abeküelte, AirBnB belagert. Nachdem simmer an Strand, wo kilometer wiit mit Allge, wo en eier duft vo sich gebed, voll isch. Es het en Nap geh und Kokossnüss.
    Day 2 simmer zu de berüemte maya ruine wo sdorf de name devo treit. Tulum ruine sind recht overcrowded gsi. Trotzdem schön. Überall Iguanas (sogar zwei wo um es wiibli kämpft hend). Nachdem wiiter zu Cenotes. Overcrowded. Zersch het de Juli und de Alain en chline aschiss gha wel die ami touris chli gnervt hend. Aber wommer frei hend devo go schwümme und vo de klippe springe hemmers den doch gfühlt. Zum abschluss simmer no ine höhli go schwüme mit stalagnite und tite oder wie au immer die heissed. Wasser isch glas klar gsi. Am abig hend de Juli und Alain es Thai curry gmacht. 😛.
    Day 3.
    Nomal Cenote. Dasmal eher en insider tipp. Wenig lüüt. Mer schwümt dur mangrove mit glasklarem wasser. Det en waschbär da en Weissrüsselnasenbär, en farbige vogel (farbiculus vogum- latinisch). De Lazi het sis handy is wassergno wommer paar unterwasser ufnahme gmacht hend. Nachm schwümme simmer muggeverstoche go tacos esse. Am abig chillt. Am Tag druf am 12 losgfahre is Landesinnere uf Valladolid.    Leggi altro

    Guarda la traduzione
  • Mexiko-Kuba-Hawaii

    Valladolid

    9 maggio 2019, Messico ⋅ ☀️ 33 °C

    Vorgester simmer gege de Abig im neue AirBnB acho in Valladolid. S huus staht uf ere art Ranch und isch recht gross. Hend denn nüme allzu vill gmacht, de Alain & ich sind no go poste & hend de chlini Stadtchern, wo nur us emene chline Pärkli und de chile bestaht, gfunde. I de nacht hets no paar Sternefotis geh, will mer die vo da us mega guet gseht, wills fast stockdunkel isch verusse. Gester simmr denn Chichén Itzá go aluege und sind debi schier verloffe vor Hitz. S isch aber mega beiidruckend gsii, all die alte Ruine z bewundere. Denn simmer eus no ine cenote go abchüele. Am Abig simmer no ines feins Resti go esse in Valladolid und sind churz durs herzige Pärkli gloffe. I de Nacht hets nomal Sternefotis geh. Hütt simmer bi rosarote Salzsee (Las Coloradas) gsii, riesigi Flächene, wo Meerwasser verdunstet wird und so Salz gwunne wird. Sie sind rosa weg de Mikro-Alge & Bakterie wo drinn schwümmed. Nachher simmer no in Rio Lagartos es chlises Bootstürli go mache, womer Flamingos und Pelikane gseh hend. Dehei hemmer no kochet & gesse. Morn gömmer früe los (zumindest isch de Plan eso) damit mer die erste sind binere anschiinend zimmlich touristische Cenote. Nachher fahremer wieter uf Playa del Carmen.Leggi altro

    Guarda la traduzione
  • Mexiko-Kuba-Hawaii

    bye bye mexico!

    14 maggio 2019, Messico ⋅ ⛅ 27 °C

    In Playa del Carmen hemmer es mega schöns & grosses AirBnB mit Dachterasse und Pool bezoge. Am Abig hend Moira & ich Omelette/Crepes gmacht (was ez die besseri bezeichnig isch het denn no zu hitzige Diskussione gfüehrt), wo so guet gsi sind, das mer glatt beschlosse hend, das wenn alles schief gaht mir en Foodtruck ufmached. Am 11. Mai simmer uf Xcaret, sone Art Naturvergnüegigspark. Zerst hemmer gar nöd welle ine wills so tür gsi isch, aber öpper het denn gmerkt das mer im Begriff gsi sind z gah, und het mit eus en andere, aber immerno höche Priis verhandlet. Da de Lazi de Park vo letscht mal mega cool in Erinnerig gha het hemmers denne doch zallt und sind ine. De Park isch alles in allem recht enttdüschend gsi, vill Attraktione sind zue gsii und die wo offe gsi sind hend eus nöd eso us de Söckli ghaue (niemmer het d Handy debi gha, drum kei Fotis). Am abig hets Pasta geh und mer sind natürli no lang gnueg wach blibe zum am Juli am 00.00 am 12. Mai chöne z gratuliere zum 21. Geburtstag! Nach de Gschenkliübergab (es HÖCHST dringends Musig Abo uf Spotify, will de arm bueb alles immer illegal im Internet abeglade het) simmer den go pfuuse. Am negste Morge hets Crepes/Omelette (t diskussion lauft no) geh vo mir (ich mach de Foodtruck ez ellei uf) und mer sind nachher uf Akumal Beach go Schnorchle, was mega cool gsi isch. Am Abig hets e Grillade uf de Dachterasse geh & alli sind recht überesse und happy is Bettli gheit. Am negste Tag simmer uf Cancun gfahre und hend dete euses chline AirBnB (imene Hotel) fuer die Nacht bezoge. Mer sind no churz euses Mietauto go zrugg bringe & es letschts mal mexikanisch go esse. Hütt Morge simmer am 5i ufgstande, hend eus parat gmacht & sind jetzt mit em Taxi zum Flughafe. Jetzt simmer scho am Check-in und bald heissts: Adios Mexico 🇲🇽 & Hola Cuba 🇨🇺 !Leggi altro

    Guarda la traduzione
  • Mexiko-Kuba-Hawaii

    Acho in Havanna

    14 maggio 2019, Cuba ⋅ ⛅ 31 °C

    Cancun, morge am 5fi. Gschnell pakt, taxi gruefe, icheggt, zmorge gesse und is flugi gsesse wo ei stund nach abflug sho in havana acho isch. Direkt miteme Taxi is AirBnB. Oisi Hostess wo meeega fründlich gsi isch het eus alles erchlert vo taxi über bus bis zu de nechste unterchunft in vinales wo sie sogar für eus buecht het. Den simmer go zmittag esse, gschnell as meer und den zum plaza de la revelution. Mit che guevara denkmal riiise turm etc. Det hemmer shomal euses Bus ticket für uf vinales glöst. Vo det is Zentrum mitme Taxi wommer gekonnt vo 10 uf 8 franke abeghandlet hend. Da liit aber no meh drin. Im Zentrum simmer den chli umegloffe. Die alte huuser und autos lönd eim idt welt us de 70ger itauche. Fühlt sich ah wie inre Ziitreis. Per zuefall simmer no amne volleyball feld mit paar jugentliche verbiigloffe. Det hemmer den geg die iheimische gspillt und s isch mega lustig gsii, aber natuerlich hends eus schnell afange froege nach suessigkeite, taeschli ect und au geld. Nachher simmer no zumene andere platz und sind denn no churz amene fluss ghoecklet und denn mitm taxi zum airbnb zrugg. Will aber no hunger ume gsii isch, simmer nomal use oeppis go esse und komplett verschifft worde. Dehei simmer nurno is bett gheit. Anna isch safe und Hellblond.Leggi altro

    Guarda la traduzione
  • Mexiko-Kuba-Hawaii

    Havanananana

    16 maggio 2019, Cuba ⋅ ⛅ 25 °C

    Am 2. Tag in Havana hemmer eigentlich welle ines Museum & denn ine Zigarrefabrik. Leider isch chli z lang pfüselet worde & mer hend s usegsuechte Zmorge Resti nöd gfunde & durch das het sich alles chli verspötet. Da beides denn schlussendlich scho zue gsi isch, simmer (nach zuefällig gfundenem Café mit Wlan) nochli im Stedtli ume flaniert & sind denn zunere Burg übere gfahre uf de andere siite vom Fluss wo mer mega schön uf Havana übere gseh het. Am Abig simmer imene mega feine & schöne Resti, ebefalls mit ussicht, go Znacht esse. Hütt simmer wieder zum gliche Café mit Wlan go Zmorge esse & denn is Museo de la Revolución. Nachher simmer wieder go esse & hend per zuefall es mega schöns chlises resti entdeckt. Denn simmer no chli dur t Strässli gloffe und de Lazi het grad no sponti en Tattoo Termin abgmacht. De Alain und ich sind währenddem churz hei & hend die andere im gliche Resti wie am Mittag troffe & de Juli & de Lazi hend sich au gad no gschwind t Haar schniide lah. Am Abig hemmer wieder glich fein gesse wie am Mittag & sind jetzt alli scho im Bett. Morn gahts wiiter uf Viñales.Leggi altro

    Guarda la traduzione
  • Mexiko-Kuba-Hawaii

    Viñales

    19 maggio 2019, Cuba ⋅ 🌧 28 °C

    Am 17. simmer mit em Bus vo Havanna ca 4h uf Viñales gfahre. Am Busbahnhof simmer abgholt worde vo eusere neue Gastgeberin, wo eus wieder mega herzlich in Empfang gnoh hend. Denn simmer als ersts go esse. Denn het eus eusi Gastgeberin en Salsakurs organisiert wo mega Spass gmacht het. Mer sind all so begeisteret gsii das mer nachher uf de Veranda na güebt hend. Nachher simmer no is Internet-Café nebedra, womer dank de kaufte Wlan chartene gschwind hend chöne is Internet & für exakt e stund isch nödd gredt worde. Denn simmer hei go schlafe. Am negste Morge het eus t gastgeberin zmorge gmacht & denn simmer los zumene chline Pferdehof, womer losgritte sind und e chlini Tour hend welle mache. Will ich aber sauschiss gha han uf dem Pferd obe sind de alain & ich scho vorher zrugg & hend die andere allei wiiter riite lah. Mir hend stattdesse Velos gno & hend welle zum Mural de la Prehistoria fahre, sind denn aber uf em weg vomene eltere maa ufgablet worde, wo eus uf e chlini wanderig uf en berg ue mitgno het, wo mer mega schön ufs ganz tal abe gseh het. er het eus no sini eigete zigarre probiere lah & mir hend no chöne honig chaufe. Uf em weg zrugg mit de velos simmer no ines mega feins, chlises resti go esse. Am abig hemmer eus all wieder troffe & nach emene päusli simmer spaat go znacht esse. Hütt hemmer eus entschlosse, will de alain & ich so begeisteret vom Roberto gredt hend, demm ahzluete damit er eus no die ander siite vom tal zeigt. Leider het er eus denn genau das zeigt, wo de juli, de lazi & dt moira sho gester uf de pferd gseh hend. Mer hend eus jetzt vor em Rege wieder is Internet-Café grettet & huet abig werdemer mit eusne Gastgeber bi ihne dehei Znacht esse. Morn gahts wiiter uf Cienfuegos.Leggi altro

    Guarda la traduzione
  • Mexiko-Kuba-Hawaii

    Cienfuegos

    22 maggio 2019, Cuba ⋅ ⛅ 33 °C

    Am letschte Abig het eus t Gastgeberin je (!) en Hummer zuebereitet mit Riis & Erbsesuppe. Am negste Morge hemmer recht früe müse uf. Leider simmer z spaat gsi mit Tickets chaufe fuer de Bus uf Cienfuegos, drumm hemmer muese es Taxi collectivo ne, enart grössers Taxi, wo aber recht eng isch will nome lüt zuestiiged. Nach ca 2h fahrt hemmer churz ahghalte & hend müse umstiige ines anders Taxi. Mer hend denn no müse ca 1h warte will en andere wo auno us Viñales cho isch verspötig gha het aber au uf euses Taxi het müse. Nachher simmer no 4h imene höchst unbequeme Taxi gfahre und sind denn vor eusem neue dehei abglade worde. S het churz e Pause geh & mer sind no go Znacht esse, womer zum erste mal sit mer da sind (und mers merked wahrschindlich) frech usgno worde sind. Euse chellner het eus epis uf de Tisch gstellt wos vorher gheisse het seg Inklusiv, s het sich denn use gstellt das es das ned isch. Sie hend zue geh das es en Fehler gsi isch vo ihne aber wel mers gesse heged müessemers zahle... simmer denn all chli hässig gsi nachhher. Nachher simmer no churz is Wlan. Am negste Tag simmer an Strand. Am Abig simmer imene mega feine Resti go esse. Jetzt simmer scho mit em Bus uf Trinidad gfahre, womer die negste 4 Nächt sind.Leggi altro

    Guarda la traduzione
  • Mexiko-Kuba-Hawaii

    Trinidad & change of plans

    24 maggio 2019, Cuba ⋅ ☀️ 30 °C

    Vorgester simmer mit em Bus die nöd allzu langi Strecki vo Cienfuegos nach Trinidad gfahre. A dem Tag hemmer denn nütme gmacht, will all echli kaputt gsii sind. Gester simmer denn an Playa Ancon und zum verzelle, was det passiert isch, mus me churz zrugg griife zu de Taxifahrt uf Cienfuegos. I dem Taxi hemmer nemli zwei Kanadier troffe, womer denn uf de Fahrt vill demit gschwätzt hend. Bedi sind eppe um die 60i und zwei mega sympatischi Herre. Mer hend sie denn z Cienfuegos vor ihrem Casa verabschiedet.
    Ufjedefalll hemmer denn am Strand s Portemonnaie vom einte gfunde! Mer hends mitgno & de Strand abgsuecht aber sie nöd gfunde. Im Portemonnaie hemmer ihri Adresse vo ihrem Casa da in Trinidad gse und sind det hi. Leider sinds nöd ume gsii. Mer hend eus vorgno, das mer spöter zrugg choemed, will mer eh direkt im Resti vis a vis hend welle go znacht esse. Uf em weg zrugg hemmer sie denn aber per zuefall troffe & s Portemonnaie choenne ueberreiche. De wos ghört het isch natürli komplett us de söckli gheit und het eus vor luuter freud no zumene Drink iiglade.

    Am abig simmer denn in besagtes Resti go esse, wo sehr guet gsii isch. Hütt hemmer welle an Strand gah, aber da am Alain sini Ruggeschmerze, wo scho die ganz Reis echli ume sind, jetzt chli en Peak erreicht hend sind mir dehei blibe. Mir zwei goend drumm au morn zrugg uf Havanna, zum dete ines Spital gah, wo anschinend sehr guet seg. D moira, lazi & juli gönd uebermorn no zwei Täg uf varadero & mer treffed sie denn z havanna wieder.    Leggi altro

    Guarda la traduzione