Cebu

De Matia isch vo Sri Lanka über Singapur, wos en wunderschöne Flughafe het uf Cebu ahgreist. D Ariane het hingege über Hong Kong nid gad diä Wahsinns ahreis ka.
Z Cebu ahcho, sind miär den doch beidi recht überrascht gsi, wiä streng & wöviel mol das Gepäck kontrolliert würd, aber für üs natürlich keis Problem gsi 😎.
Do miär zu sehr unterschiedliche Zite ahcho sind, hend miär üs direkt im Hotel troffe. Sehr ä Nobli Gschicht gsi & au döt isch z Gepäck nebst em Auto wo innegfahre bisch, namol kontrolliert worde. 🤷🏽‍♀️
Miär hend üs den entschiede en gmüetliche Ahkunftsttag am Pool z machä & sind nur na churz in d Mall nebed dra z nötigste go chaufe (d Melone trägi sit döt au im Rucksack mit..). So chaotisch wes duse zue und her gange isch, hemmer nid so perfekt ihgrumti Gstell erwartet.
Voll belade sind miär den am nächste Tag richtig Hafe und hend üs ufe weg nach Bohol gmacht.Read more