Orientation Days

Die erste Täg sind gschafft und demit au s erste ihläbe und die wichtigste Informatione. Sehr viel Infos, und sehr viel Tanze, Singe und Rede... Mexikaner kenne wörkli keini Pause. De Campus isch riesig und insgesamt simmer ebbe 130 Ustuschstudente us 20 verschiedene Länder überall us de Wält. Min Kopf raucht zwar vor luter Inputs, aber so langsam findet me sich zrächt.
Min Gastvater, de Ivar, isch en lustige Cheib, aber au chli en spezielle. Zuesätzlich hani en Gastschwöster us Californie (Nichelle) und genau nebe eus Wohnt d Gastmuetter vode Dana (Carla, Tante vom Ivar). Sie hed au no e Gastschwöster us Pole (Maya). Zäme simmer sozsäge en riesigi Multikulti-Familie, was eigentlich scho ganz cool isch!
En Stadtfüehrig heds au no geh, mit viel Musikalischer begleitig und natürlich au viel Tanze. Downton Querètaro hed veles z biete, härzigi Gässli, netti Lüt und feins, aber au interessants Ässe 🦟En savoir plus