Hilfe, d Schuel heds gfluetet

Am Fritig obe heds ahfo rägne und no ohni hintergedanke (mer send jo ide Rägezit in Mexico) beni gmüetlich deheime gsi.

S Problem am Ganze: s hed nömme ufghört..
Zuesätzlich heds gemäss mim Gastvater isch no nöime es Wasserrückhaltebecki überfluetet oder ebbis sig broche, wodurch e riesigi Mengi Wasser sich ufe Wäg id Stadt gmacht hed.
S Resultat? Euse Schuelcampus isch komplett überfluetet gsi und au grosse Teile vode Stadt heds stark zuegsetzt. Teilwies sind d Lüt wo no unterwägs gsi send nedmol me heicho, d Studenteheim hends nächher am nöchste Tag müesse evaquiere, da grundlegendi Sache wie au Strom usgfalle sind. S hed au Toti geh a dem Wucheänd wie sich usegstellt hed.
Gemäss Ussage vode Lüt do hends das so stark nümme sit ebbe 15 Johr gha. Generell isch das sones Rägerichs Johr bisher wie scho längers nömme.. Klimawandel lässt grüssen
Uf jedefall hends denne am nöchste Tag kommuniziert das sicher mind. 1 Woche de unterricht vor Ort (es sind denne 2 gsi) usfallt und mer online müesse teilneh.
So schlimm das Ganze isch, hends alli woni kenne und ich ohni witteri Problem überstande und d Online Woche sind bide Ustuschstudente au zunere neui Chance für Usflüg / Ferie worde..
Sie hend stark dra gschaffed,de Campus weder här zrichte, jedoch leider esch de Pool wie au s Gym so schnell ned reparierbar, wodurch befürchtig momentan ume isch, dases au bis endi Semester ned bruchbar werd sie. Mini Schwümmkarriere stoht vore unklare Zuekunft.Leia mais