Puerto Vallarta

1. Tec Week (sozäge Ferie)
Mit de Dana hani mi am Fritig nach de Schuel mitem Bus 10h ufe Wäg nach Puerto Vallarta gmacht. Endlich mol Sunne und Strand. Und Luftfuechtigkeit mit bis zu 95% ... Das isch eher chli ärgerlich gsi..

Mer hend zerrsch es Airbnb ide Zona Romantica gha und de Name seits scho. Das viertel läbt nur so vo party, päärli und vor allem LGBTQ+. Es isch en bekannte aort wo sehr velli Homosexuelli id Ferie gönd und dört isch au alles komplett druf usgrichtet. Es git fasch keis Hus ohni Rägebogeflagge.

Am mäntig hemmer de en Usflug buechet gha uf en Ranch, wo mer hend dörfe Western-style en Riittour mache und spöter mitem Bus Bärg uf Bärg ab bis zunere Tequila Farm. S hed natürli au es Tasting gäh und es isch würk es anders Kaliber do. Nid nur ischer unglaublich fein, sondern au in ganz vielne Variatione erhältlich. Zudem isches für sie en Graus wenn me Tequila mit Salz und Zitrone trinkt. Das macht me nur bim Shötle im Usgang oder im Usland (well de Tequila dert zu schlecht isch und me de gstreckti, chemischi Gschmack mues überdecke..)

Mitti Woche hemmer de s Airbnb no gwechslet me richtig Zentrum zum no en anderi Sichtwiis zha. Dört hemmer au no mehreri Usflüg mitem locale Bus gmacht zu Stränd, wome ab nem gwüsse Ort de nur no mitem Wasser Taxi witter chunnd. Wunderschöni, beinahe verlasseni Stränd hemmer gha. Zum glück isch dört no kei Touristeuiit, susch wär das alles voll!

Chlini Panikattacke heds de au no geh, wo de nedso technik avisierti Kellner usversehe es Null z vell ad Rechnig doh hed (hed nachher alles klapped) Oder Moment wie womer nömm gwüsst hend wodure und en Maa mit Machete eus de Wäg gwiese hed oder zwöi hotel Mitarbeiter eus zum ne wunderbare Strand gfahre hend, sind interessanti Erfahrige wo au e gwüsses Vertraue id Mensche benötige. Aber tatsächli hed de gsund Menscheverstand und s guete Buchgfühl eus do bisher emmer de Richtif wäg gwiese und mega tolli neui Möglichkeite und Erläbnis ermöglicht.
Alles in allem en tolli Tec Week gsi!Read more