La Malinche - 4462 m ü. M.

Min grössti Ufstieg bisher, und au de Ahsträngendst. De vierthöchst Vulkan und de füfthöchst Berg vo ganz Mexico sells sie. Was es Erlebnis.
Zu sechst simmer mitem Mietauto am Fritigobe losgfahre, um am Samstig morge früeh au direkt chönne loszlegge. Am halbi 8ti uf 3090m ü. M. hed eusi wanderig gstartet und fascht 1400 Höhemeter und be mer 5.5 Stund spöter beni ufem Gipfel gstande!
Sit 2 Wuche beni chli am Chränkele und do hani mer bezeli sorge um d Höchi gmacht, aber mit gnüegend Ziit und vellne Pause heds klapped. (d Höchi isch tatsächli für mich keis problem gsi, selbst be nume 60% Surstoff)
Es isch würkli es wahnsinns Erlebnis und das wirdi ned so schnell weder vergesse!
Au velli liebi und spannendi Lüt hemmer troffe und einigi schwätzli mit Mexikaner ghalte.Leggi altro