Oaxaca - Kulinarisches Zentrum

De erst Stop uf de Reis ohni Verpflichtige isch Oaxaca de Juárez im glichnamige Bundesstaat. Bekannt für die indigeni Vielfalt, kulinarik (z.b Mole, Schoggi oder Mezcal) sowie Märkt voller Kunst und Handwerk.
Ich und Dana reise gmeinsam über Mexico City mitem Bus dert hi und hend insgesamt 16h gha.
Zerrsch hemmer gstartet mit Stadtsightseeing und de e chlini obefüehrig mitem Darian usem Hostel. Denoch en Kochkurs womer Sopas, Mole Negra und zum Dessert en Art Creme us Milch hergstellt hend. Natürlich begleitet mit ganz viel Mezcal (ähnlich zu Tequila) und Mezcalitas (Margaritas aber halt met Mezcal).
Marius, Elia und Julian sind denne Mitti Wuche no dezuegstosse und mer hend zäme en Usflug zum Hierve del Agua gmacht. En versteinerete Wasserfall wo no naturpools hed wome cha bade (iischalt). Uf de gliche Tour hemmer no de Árbol del Tule ahgluegt, en über 1400 johr alti Sumpfzypresse und eine vode dickste Stämm vode Wält. Zudem en lokali Weberei und natürli nomol en Mezcalverkostig.
Am ändi heds gheisse bye bye alli andere, ich mach mi jetz ufe Wäg für 5 Täg Soloreis in Chiapas.Leggi altro