Panama City Beach

Für d Nacht hend mir üs ufem Weg nach Panama City Beach fürs erst beste Motel in Bristol entschiede. Da es grad nebet em Gfängnis gsi isch, hemmer über dä liechte Horrorfilmflair hinweg glueged.. De Gerry (Kakerlake) im Badzimmer isch denn ih de Müedigkeit eifach ignoriert worde. Bin denn aber scho sehr froh gsi en Sideschlafsack debi zha 🫣. Am Morge hets denn au im Restaurant nebetdra Kakerlake ufem Tisch gha und ich han nur es bizzeli öbis vom Robin gässe…
Churz spöter simmer denn scho am Ziel gsi und mir hend chöne ih das stahlend blaue und klare Meer go bade. Nach dem es öbe 2 1/2 Meter grosses Öbis seeehr nöch ah üs verbi gschwumme isch, han ich denn gnueg bädelet gha 🤪. Dä nebet üs het gmeint es seg en Mantaroche gsi… Dä Robin het das nöd gstört und er isch tatsächlich mal länger im Wasser gsi wie ich.
Nach dem doch wunderschöne Stopp gahts witer richtig New Orleans.Read more