Tempeltour 2.0

Die hütigi Tour beinhaltet also nöd grad wenig… Mir sind am 08:30 Uhr abgholt worde und sind direkt in wiise Tempel. Dä findet mir also bis jetzt de schönsti wo mir gseh hend. Witer isch es zum blaue Tempel gange und im Ahschluss zum „black House Museum“. 40 schöni, verzierti Gebäude zum ahluege.
Denn hets ä churzi Pause zum Zmittag ässe geh und scho witer is „Long neck Village“.
Da mir beidi recht vercheltet sind, isch dä nögsti Stop uf de Teeplantage super gsi und mir hend üs grad es Päckli kauft.
Die letzte zwei Haltestelle sind denn s goldene Drüegg, wo Thailand uf Myanmar und Laos trifft und s „House of Opium“ gsi. Mir wüssed jetzt also wie Opium hergstellt und konsumiert wird 😂🫣. Nach dem Tag sind mir aber scho recht erschöpft gsi und bezite is Bett.もっと詳しく