Korsika

En gmüetliche Tag sölls wärde, ohni Stress, Verkehr, au ohni Töff...eifach mal en Tag Pause, Seele bambele lah, wieder dGfühl sortiere und ändlich mal aacho am Meer.
Am Morge aber chli grederet verwached, das biz Schräglag langed scho, zum vom Mätteli rutsche und de Wind flatteret luut am Zelt (das isch halt, wenn mers Tunnelzelt quer ufstellt)
Drum hani mis züg packt und bin paar Meter wiiter hindere, underd Bäum, wos Windstill isch. Hät ewigs und 1h duured, zum de Platz vo Stei befreie und dHering ineschlah aber bi so tolle Platznachbere häts sich scho glohnt.
Drum ändlich an Strand, am Christian hinne dure schliiche, und nachem Klettere übefd Felse zu dem chline Traumstrand hindere...wo ich wieder ufd Nachbere träffe :D
Und will ich ja nöd ruhig en ganze Tag am Strand ligge chan, gaht mer doch zfuess zum nächste Strand hindere, de Lüchtturm aaluege, go bädele, im verlassene LuxusVillaQuartier verlaufe und völlig dehydriert nach dere Einöde uf die erste Mänsche freueBaca lagi