HawaiiWestCoastCostaRica

Newest first

HawaiiWestCoastCostaRica Traveler
2 1
Mangrove Tour
September 30, 2023 in Costa Rica ⋅ 🌧 29 °C
Hüt am Morge si mir als ersts ids Meer gumpet. Uf üsem Spaziergang dür d Lädeli hei mir feini Empanadas gfunde. Nähr hei mir üs ufe Wäg gmacht Richtig Quepos. Statt i touristisch Park Manuel Antonio si mir ufne Bootstour dür d Mangrove (Danke für d Beratig Sibä😉). Mir hei gstuunet, was dr Fahrer vom Boot i däm Gstrüpp alles het gseh. Nähr hets ds Quepos no es feins Znacht gä.

Fun Fact vor Manu: mit üs isch no e Familie ufem Boot gsi, wo ds L.A. läbt. Im Restaurant, wo dr eint Sohn ds Santa Monica füehrt, hani vor es paar Wuche Znacht gässe...Read more
See translation
Traveler Was isch de das
10/1/23ReplyTranslate
TravelerEs affli🙈
10/1/23ReplyTranslate
🥰 das sind ja meine absoluten Lieblinge! Super tolle Bilder, ich freu mich für euch! [Barbara M]
10/5/23ReplyTranslate
11 likes
HawaiiWestCoastCostaRica Traveler
On the road
October 1, 2023 in Costa Rica ⋅ 🌧 30 °C
Auf nach Monteverde!
Planet hei mir e Zwüschestopp bim Playa Blanca, wo me schiins guet chönn schnorchle u Fischi luege. Playa Blanca gits natürlech mehreri. Eine vo dene hei mir scho gfunde, ersch no es beliebts Sunntigsziel vo vielne Locals, aber schnorchle isch gwüss nüt gsi i dem trüebe und grüslig Badwannewasser-warme Bitz Meer.
Verfahre hei mer üs nume einisch u de Schlaglöcher si mer o mehrheitlech usgwiche.
Am Abe hei mir ir superhübsche Lodge welle Pasta choche. D Sosse wär guet cho, abr da d Nüdeli mitsamt ca. tuusigmillione Chrabbelviecher ir Pfanne si glandet und üs das de doch grad e chli z fest het gruuset, hei mer när glich öpis bstellt.Read more
See translation
TravelerAlso, ha gmeint die vor Pfleg sige nid heickel?😂 #bonappetit🤮
10/2/23ReplyTranslate
TravelerD Lehrer äbe scho, u Vegi no derzue 😉
10/2/23Reply
TravelerDad is fiiss😂
10/2/23Reply
8 likes
HawaiiWestCoastCostaRica Traveler
In the Jungle
October 2, 2023 in Costa Rica ⋅ ☁️ 22 °C
No vorem erste Kafi bzw. Fruchtsaft si mir a de Seili ghanget und düre Rägewald düset.
Chli später si mer über d Hängebrügge spaziert u hei d Rueh und s viele Grüen gnosse.
Uf dr letschte Wanderig isch de ds Dschungelgfüehl uf de verzworglete u matschige Wägli no grösser worde. Mir hei zwar flissig Usschou ghalte nach Fuultier, Tuusigfüessler und dr Samantha (Tarantula), abr gseh hei mer nume e Horde Dschungelhüehner.Read more
See translation
Was!Tarantula??????die lasch aber dert !Bitte! [Priska]
10/4/23ReplyTranslate
12 likes
HawaiiWestCoastCostaRica Traveler
3
On the road II
October 4, 2023 in Costa Rica ⋅ 🌧 28 °C
About yesterday...
Mauli: Bim Morgesport-Canyoning hani mi meh oder weniger elegant dür Wasserfäll abseilet. Pflotschnass bini gsi u di müede Ärmli hani geng no.
Dr Abespaziergang het i strömendem Räge düre stockfiischter Urwald gfüehrt. Gseh hei mer Glasfröschli, Vipere, Insekte, Tucane und sogar e Honey bear!
Manu: Pause! I ha mis Buech fertig gläse u öppis Znacht kochet. So schnäll isch dä Tag zämegfasst😉.

D Fahrt uf la Fortuna isch abentürlech gsi. Ufem erste Teil het me mängisch meh Löcher als Strass gfunde. Wo du d Strass wieder guet isch gsi, hets drfür gredi abe gschiffet. Aber ds letscht hei mir drfür e wolke- u näbellose Vulkan Arenal vor üs gha. Dr Nami hei mir im Thermalbad gnosse.Read more
See translation
Traveler Cool
10/5/23Reply
TravelerLiebe Manuela, die Frösche könnten mir gestohlen bleiben! Aber die Bilder sind fantastisch! Danke für deine Teilung deiner Reise! Ich genieße die Bilder! LG Lori 🙋‍♀️/ Grüße aus 🇬🇷, heute geht es retour in die 🇨🇭!
10/5/23ReplyTranslate
Traveler Der würde auch super im Garten aussehen
10/5/23ReplyTranslate
TravelerDe würdi gloub wieder zrügg cho🤣
10/5/23ReplyTranslate
9 likes
HawaiiWestCoastCostaRica Traveler
2
In the Jungle II
October 5, 2023 in Costa Rica ⋅ ☁️ 28 °C
Wandere fägt! Über Stock und Stei si mir am Fuess vom Vulkan umekrakslet, zumne Lavafeld mit toller Ussicht (und emne nachem tropisch-schweisstribende Ufstieg üsserst wohltuende Lüftli). Bim Abstieg isch dr Wäg chli under de Wurzle verschwunde odr o mal drunder wäggrütscht...

Nachemne churze Abstächer mit feinem Zmittag im Dörfli si mir mitem Armando ga Fuultier sueche. Är het se gfunde u gfötelet (das nume zum Teil😉) u mir hei gstuunet. D Tour macht är usserhalb vo de Fuultier-Parks wos da het. Am Abe het är üs im stockfiistere Gstrüpp im Garte vor Unterkunft no d Fröschli zeigt und di grossi Spinnele für d Manu hinder sire Hand versteckt...Read more
See translation
Traveler Was für unglaublich coole Fotos. Echt eindrücklich
10/6/23ReplyTranslate
Traveler🥰
10/6/23Reply
14 likes
HawaiiWestCoastCostaRica Traveler
Rafting ufem Rió Balsa
October 6, 2023 in Costa Rica ⋅ 🌩️ 30 °C
Ready to get wet?...das hei sie gfragt, bevor s isch losgange. D Antwort: ob ready oder nid het definitiv ke Rolle gspielt😉.
D Mauli het nähr no meh Wasser u Adrenalin brucht u isch mit dr Judith (o die isch cho rafte) ga Tarzan spiele.Read more
See translation
Mega cooli Ufnahme [Heidi]
10/14/23ReplyTranslate
14 likes
HawaiiWestCoastCostaRica Traveler
1
Tortuguero
October 8, 2023 in Costa Rica ⋅ ⛅ 31 °C
Gester het sech üses Wöschmobil nume öpe drü mal verfahre.
Für d Flussfahrt zum Tortuguero Nationalpark hei mer es Böötli voller Schwizer verwütscht.
Will mir das Paradies hie voll wei uschoste, si mir scho am 6i am Morge e Kayaktour ga mache. Während drü Stund si mir immer wieder is Gjätt ine paddlet u hei versuecht, üs a de Äst und Spinnhuppele verbi z manövriere.
Jetz si mer fuul u bereite üs mental ufe Muskelkater i de Arme vor.
Später geits no ufne Nachttour zum Schildchröttli luege - da dörfe mir aber nid fötele.Read more
See translation
Traveler Ühh, huss! Das Tierli hätt i nume vo witem zoomt! 🤣🤣
10/10/23ReplyTranslate
Wouh, abetür pur, so schön [Heidi von Allmen]
10/14/23ReplyTranslate
10 likes
HawaiiWestCoastCostaRica Traveler
1
Vom Paradies ids Paradies
October 10, 2023 in Costa Rica ⋅ ☁️ 29 °C
D Nachttour im Tortuguero het sech mega glohnt. Mir hei zwöi Meeresschildchröte dörfe beobachte, wie sie Eier abgleit u später mit Sand zuedeckt hei. We me ir Schussbahn isch gsi, het me am Schluss sälber überall Sand gha😉.
Gester si mir nachere länge Boots- und Outofahrt, tatsächlech ohni üs z verfahre, z Cahuita acho. Mir gloube, es git kes anders Wort als Paradies für dä Ort. Teile düe mir üs dä mit viel Tierli. We me weiss wie gross d Brüllaffe si, stuunet me doch ab dr Lutsterchi...🤣
Bim Zmorge hüt si mir gfragt worde, ob mir no d Fröschli wölle cho luege.
Später si mir zersch da dür z Dörfli u nähr no uf Puerto Viejo. Ds Meer isch herrlech u extrem ruhig, was sehr ussergwöhnlech sig.Read more
See translation
So gäil, danke fürcdä song [HeidivonAllmen]
10/14/23ReplyTranslate
12 likes
HawaiiWestCoastCostaRica Traveler
1
Cahuita Nationalpark
October 11, 2023 in Costa Rica ⋅ ☀️ 30 °C
Hie muess me d Kamera würklech scho zum Zmorge mitnäh. Hüt isch nämlech es Fuultier mit sim Bebe im Garte umeklätteret.
Uf dr Schnorcheltour hei mir under anderem e Stachelroche, Chugelfisch, Qualle, Baracudas u ganz viel Discofischli gseh und üs näbebi no e chline Sunnebrand gholt.
Wo mir später z Fuess no chli düre Park si, hets nume so gwimmlet wo Waschbäre und Äffli. Krokodil und Schlange hei mir leider/zum Glück keni gfunde.Read more
See translation
Dä Ort ischecde scho troumhaft schön - paradiesisch [Heidi]
10/14/23ReplyTranslate
14 likes
HawaiiWestCoastCostaRica Traveler
Hasta luego👋
October 13, 2023 in Costa Rica ⋅ ☁️ 27 °C
Gester hei mir d Utchi u d Brigitte i ihrem Dschungelparadies zrugg gla u si via Limón uf Alajuela gfahre. Übernachtet hei mir dert, wo mir üsi Reis hei gstartet.
Hüt am Morge hei üs 6 Manne üse tröi Begleiter useputzt, dass är nume so glänzt het. Itz heissts warte ufe Flug...

Pura Vida Costa Rica - es isch super gsi🥰Read more
See translation
TravelerGuete Flug!!
10/13/23ReplyTranslate
11 likes

Trip end
October 14, 2023