Restablecer búsqueda
HawaiiWestCoastCostaRica
  • Manuela Michel
  • Manuela Michel

HawaiiWestCoastCostaRica

Una aventura de 74 días de Manuela Leer más
SeguirResumenResumenCalendarioCalendarioFotosFotosCompartirCompartirLista de deseos
Más recientes primero
  • Inicio del viaje
    2 de agosto de 2023
  • Manuela MichelHawaiiWestCoastCostaRicaViajero
    11

    Diamond Head

    4 de agosto de 2023, Estados Unidos ⋅ ☀️ 27 °C

    Es isch chli heiss gsi zum Ufeloufe, aber s het sech glohnt😃
    Ps: Gester hei mir nid ufechönne, wüll me nöi es Ticket brucht. Ds nächste Zytfänster wär ersch 2h später gsi.

    Ver traducción
  • Manuela MichelHawaiiWestCoastCostaRicaViajero
    12

    Manoa Falls

    6 de agosto de 2023, Estados Unidos ⋅ ☀️ 25 °C

    Dr Wäg häre isch fasch schöner als dr Wasserfall sälber.
    Für dert häre z cho, simer z erste Mal mitem Bus underwägs gsi. Dr Fahrer isch sehr hilfsbereit gsi und üs (mir si nid di einzige Touris gsi;-)) cho säge, wo mir müesse usstige.
    Dr letzt Abe ds Oahu hei mir ir Skybar la usklinge.    Leer más

    Ver traducción
  • Manuela MichelHawaiiWestCoastCostaRicaViajero
    Spouting HornHanapepe Valley Lookout1Bsuech bim Zmittag - är het o Durst ghaWaimea Canyon

    Kauai - Waimea Canyon

    8 de agosto de 2023, Estados Unidos ⋅ ☀️ 25 °C

    Mir si gester guet ds Kauai im Aston on the Beach acho. Vom Flughafe hei mir als einzigi dr lokal Bus gno.
    Hüt simer ufeme Usflug i Waimea Canyon gsi. Ufem Wäg hei mir no a paar andere Orte aghalte. Dr Huricane Dora, wo zum Glück verbi zieht, het üs ds Fötele massiv erschwärt und dr Sand id Ouge gluftet.Leer más

    Ver traducción
  • Manuela MichelHawaiiWestCoastCostaRicaViajero

    The power of nature

    9 de agosto de 2023, Estados Unidos ⋅ ☀️ 26 °C

    So schnäll chas ga. Gester hei sech no alli gfreut, dass dr Huricane verbi zieht, u hüt gsehts ganz anders us. D Region z Maui, wo mir hei buechet gha, steit i Flamme.
    Mir wärde glich am Fritig uf Big Island ga. Maui hingäge düe mir storniere u gö drfür nomal uf Oahu. Itz heissts umplane u umbueche...
    Hüt hei mir e Usflug mitem Bus gmacht. Hie im Norde hets viel weniger gluftet u mir hei chönne ga bade.😄    Leer más

    Ver traducción
  • Manuela MichelHawaiiWestCoastCostaRicaViajero
    11

    Nā Pali Coast

    10 de agosto de 2023, Estados Unidos ⋅ ☀️ 26 °C

    Merci für öii liebe Nachrichte🙂 Üs geits guet u o ds Umplane chunnt guet! Morn gö mir de chli früecher a Flughafe u probiere no d Flüg umzbueche. E Unterkunft hei mir scho gfunde.

    Dä Tag hüt i Wort z beschriebe isch unmüglech. Näbst dr Nā Pali Coast hei mir no extrem viel Delfine, o mit Jungtier, dörfe beobachte. Me het mängisch gar nümme gwüsst wo luege...🥰Leer más

    Ver traducción
  • Manuela MichelHawaiiWestCoastCostaRicaViajero

    Richards Beach Park

    12 de agosto de 2023, Estados Unidos ⋅ ☀️ 26 °C

    Mir si gester guet ds Big Island acho. Leider hani bim Bueche nid gmerkt, dasses zwe Flughäfe git. Drum hei mir miteme Uber no einisch quer über d Insle müesse. Grad näbem Big Island Hostel hets ä feine Burger gä.
    Hüt si mir ds Hilo am ne Strand mit schwarzem Sand ga schnorchle. D Koralle ud Fische si mega schön gsi, d Schildchrötli hei sech leider nid zeigt.    Leer más

    Ver traducción
  • Manuela MichelHawaiiWestCoastCostaRicaViajero

    Volcano Nationalpark

    13 de agosto de 2023, Estados Unidos ⋅ ⛅ 18 °C

    Gester am Abe hei mir d Anna vo Ängland lere kenne. Sie het sech üs spontan aagschlosse für die nächste Täg u mir hei üses Programm zämegstellt.

    Hüt si mir dr ganz Tag im Park unterwägs gsi u hei die meiste Wanderwäge erkundet. Häre u zrugg si mir mitem Bus, dä isch hie gratis.

    Am Abe hei mir no anderi Lüt lere kenne... vilech ändere mir de ds Programm nomal🙂.    Leer más

    Ver traducción
  • Manuela MichelHawaiiWestCoastCostaRicaViajero
    Akaka FallsWaipio Valley LookoutManini BeachPunalu'u Black Sand Beach

    Girls-Tour uf Big Island

    14 de agosto de 2023, Estados Unidos ⋅ ⛅ 22 °C

    Hüt hei mir ds viert es Outo gmietet und hei Big Island erkundet. Mir hei viel gseh u e lustige Tag verbracht. Bim Schnorchle het me rächt müesse ufpasse wäg dr Strömig. D Anna und ig hei nähr chline chistrigi Stimm gha, wüll mr die ganzi Zyt hei gsunge.

    Special thanks to our fantastic driver Anna😁.    Leer más

    Ver traducción
  • Manuela MichelHawaiiWestCoastCostaRicaViajero

    Stärnehimmel

    15 de agosto de 2023, Estados Unidos ⋅ 🌙 9 °C

    Hüt am Morge hei mir ke Programm gha, das het guet ta. Am Nami/Abe si mir zersch paar Sache uf dr Insle ga aluege u nähr über dr Wulchedechi ga dr Sunneuntergang und d Stärne beobachte. D Milchstrass het me super gseh u dr Guide het üs mitem Teleskop unter anderem dr Saturn zeigt. Für gueti Fotos hei mir nid die richtigi Kamera gha😉.
    Leider hei mir nid ufe Gipfel vom Mauna Kea chönne, die Toure si scho usbuechet gsi.    Leer más

    Ver traducción
  • Manuela MichelHawaiiWestCoastCostaRicaViajero

    Turtle Canyon

    18 de agosto de 2023, Estados Unidos ⋅ 🌙 25 °C

    Mir si gester guet ds Waikiki i üsem Airbnb im 18. Stock acho. Am Abe hei mir üs mit 3 anderne usem letzte Hostel troffe. Hüt si mir i Turtle-Canyon ga schnorchle u hei Glück gha u mehreri Schildchrote gseh. Bim Zrüggfahre isch no e Gruppe Delfine diräkt vor üsem Boot gschwumme.
    Bim Hilton Hotel isch einisch ir Wuche no äs Füürwärk.    Leer más

    Ver traducción
  • Manuela MichelHawaiiWestCoastCostaRicaViajero
    1

    Kailua und Lanikai Beach

    20 de agosto de 2023, Estados Unidos ⋅ ☀️ 27 °C

    Gester isch d Elina ga surfe - sie hets mega guet gmacht🙂. Am Abe si mer no ire Luau gsi, ere Show mit traditionelle Tänz u lokalem Ässe.
    Hüt isch d Elina uf ne mega strängi Wanderig. Sie isch heil, aber vo Chopf bis Fuess voll Schlamm wieder acho. Leider hei sie nidemal öppis gseh vo obe...
    I bi derwile mitem Bus ad Ostküste u ha die wunderschöne Buchte u ds kristallklare Wasser gnosse. Mini Wanderig hani abbroche, wüll o ig imne mega stotzige, rütschige Hang mit Seili zum ufezieh bi glandet...    Leer más

    Ver traducción
  • Manuela MichelHawaiiWestCoastCostaRicaViajero

    Mahalo Hawaii

    22 de agosto de 2023, Estados Unidos ⋅ 🌙 26 °C

    Die erste drü Wuche si so schnäll verbi gange. I ha d Zyt da mega gnosse. D Insle si alli verschiede u wunderschön. Mir hei vieli tolli Orte gseh, super Lüt lere kenne u s het trotz Umplane alles guet klappet.

    Es paar Fun Facts:
    - we me usserhalb vo Waikiki oder emne bekannte Wanderwäg meh als 10 Meter z Fuess unterwägs isch, isch me extrem einzigartig
    - dr Salat als Biilag isch türer als Pommes
    - d Busse z Kauai si chlin, fahre maximal einisch ir Stund, hei aber gratis Wifi

    Di letzte zwöi Täg hani mehrheitlech am Strand und mit läse verbracht. D Elina isch gester gäge Abe zrugg id Schwiz gfloge. Morn geits für mi wyter, jetz drü Wuche allei.

    Mahalo Hawaii, es het gfägt🙂.    Leer más

    Ver traducción
  • Manuela MichelHawaiiWestCoastCostaRicaViajero

    Columbia River Gorge

    24 de agosto de 2023, Estados Unidos ⋅ ☀️ 26 °C

    Gester ir Nacht bini ds Portland acho. D Janet, wo näbe mir isch ghocket im Flüger, het mr äxtra ihres Nummero gä falls öppis wär🙂. I hoffe aber sehr dassis nume bruche zum Föteli schicke.
    Hüt bini mit Uber und Bus zu de Multnomah Falls gfahre u dert ga wandere. Zum zrügg hani dr Bus verpasst - das passiert, wenn me nid weiss wo warte😉. Zum Glück hani d Ebooks ufem Handy...    Leer más

    Ver traducción
  • Manuela MichelHawaiiWestCoastCostaRicaViajero
    Ecola State Park
    2Indian Beach - chunnt unter anderem im Film Twilight vor11Dr Lachs isch super gsi. A ds Plastik- u Kartongschirr wirdi mi gloub nie gwöhne😉Uf de churze Wanderige hei mir no ds Dessert gfundeCannon BeachSouth Waterfront Park, Portland

    Oregon's beautiful Coast

    25 de agosto de 2023, Estados Unidos ⋅ ⛅ 15 °C

    Hüt hani e gfüehrti Tour ad Küste vo Oregon gmacht. Für die Ussichte het sechs mega glohnt. D Lüt si mega nätt gsi u mir hei viel glachet. Meh Infos hets bi de Bilder🙂.
    Vor Stadt Portland hani süsch nid viel gseh. Aber das wo me het ghört het, sech bim Dürefahre schnäll zeigt: uf de Brügge steit eis Zält am andere a. Es git o hie sehr viel Obdachlosi, was o für die Iiheimische schwierig isch.

    Morn isch wieder e Reisetag...    Leer más

    Ver traducción
  • Manuela MichelHawaiiWestCoastCostaRicaViajero
    Rogue River
    2We no öpper e Näihmaschine muess ha - hie hätts😉Die paar Meter Grüenflächi nenne sech Gold Hill City Park😉

    Rogue River

    27 de agosto de 2023, Estados Unidos ⋅ ☀️ 33 °C

    Zu gester: D Reis uf Medford isch für mi bis itze di grössti Überwindig gsi. I ha e Greyhound-Bus buechet u nähr hei mir viel gseit, i müess de guet ufpasse. Ds het mit dr Zyt es unguets Gfüehl usglöst. Und ja, es het komischi Gstalte gha und irgendwo are Haltstell, wo süsch nüt ussert e Tankstell isch, het mi no eini aquatscht, sie bruch äs Billet. Es isch alles guet gange, aber i bi sehr erliechteret gsi, woni bi acho.

    Hüt hani e Rafting-Tour buechet gha. Am Abholort isch nume e andere Abieter uftoucht wo mir het gholfe. Mir hei nähr bi mim Abieter aglütte u sie hei gseit sie heige mi ufe Morge gschobe...leider hani ke Nachricht übercho.
    Drum gits o keni spektakuläre Fotos🤣...
    Lut Uberfahrer würdi me hie z Medford mega wyt gseh u d Landschaft wär sehr schön. Leider isch alles "vernäblet" dür die viele Waldbränd z Kanada u da ar Westküste.    Leer más

    Ver traducción
  • Manuela MichelHawaiiWestCoastCostaRicaViajero

    The power of nature II

    28 de agosto de 2023, Estados Unidos ⋅ ☀️ 32 °C

    Ds Elemänt Füür verfolgt mi o da wieder. Ds Medford hets scho gester so viel Rouch gha, dass me d Landschaft nümme het gseh. Das isch über Nacht nid besser worde u d Luftqualität isch so schlächt, dass me nid use sött. I ha drum länger im Zimmer dörfe blibe u bi nähr am 4i ufe bus richtig Klamath Falls. Ir Hoffnig, dert am Rouch z entflieh...Leer más

    Ver traducción
  • Manuela MichelHawaiiWestCoastCostaRicaViajero
    Dr Park isch ersch sit es paar Wuche schneefrei, drum isch da Bärgfrüehlig11Da drüber isch mal e Vulkan gsi. Dür ne Usbruch isch dr Krater entstande.Dr See entsteit dür Schnee und Iisch wo schmilzt. Es git süsch ke Zuefluss.

    Crater Lake Nationalpark

    29 de agosto de 2023, Estados Unidos ⋅ ☀️ 14 °C

    Gester bini miteme unguete Gfüehl ga schlafe, i bi nämlech vor allem wäge däm Nationalpark da unterwägs. Bim Zmorge hei scho die erste gseit, sie heige gester gar nüt gseh.
    Aber... das mal isch ds Glück uf mire Site gsi. Scho bim Ufefahre hets immer meh ufghellt und mir hei ä Prachtstag im Park chönne verbringe. D Jeri isch ä super Tourguide gsi, dr ander Teilnähmer eher e spezielle Vogel. Mir Froue si gloub gägesitig froh gsi, dass die anderi da isch😉.
    I ha dä Tag, die chüeli früschi Luft u natürlech die ungloublechi Ussicht mega gnosse🥰.    Leer más

    Ver traducción
  • Manuela MichelHawaiiWestCoastCostaRicaViajero
    Gingerbread HouseUpper Klamath Lake

    Moore Park

    30 de agosto de 2023, Estados Unidos ⋅ ☀️ 24 °C

    Hüt bini im Moore Park gsi u ha dert es paar Wanderwäge uskundschaftet. Nähr bini am Fluss entlang richtig Innestadt gloffe. O da si mir wieder chum Lüt begägnet.
    Am Abe hani mi nähr no chli usgrueht. I ha nämlech spontan mini Plän gänderet bzw. um ei Tag gschobe...😉Leer más

    Ver traducción
  • Manuela MichelHawaiiWestCoastCostaRicaViajero
    Ds Kaffee hani mir zersch müesse verdiene...
    Ussicht vom Coit Tower ufem Telegraph HillBlick vo unde ufe Telegraph Hill

    San Francisco ❤️

    31 de agosto de 2023, Estados Unidos ⋅ ⛅ 17 °C

    Gester am Abe bini ufe Nachtzug u nach San Francisco greist. Es het komischi Gstalte gha u die Frou näb mir het mr verzellt wie sie ihre ds Chind hei wäggno u sie id Droge abgrütscht isch...
    Es isch aber alles tiptop gange u i ha im Hostel scho am Vormittag chönne iichecke. Nähr hani mi ufe Wäg gmacht, die Stadt wo scho so lang uf mire Bucket List isch, ds erkunde. Zersch bini ufem Coit Tower no ane Frou häregloffe, wo vor luuter Asträngig e Kreisloufzämebruch het gha. Wo mir sie du heil die 234 Stägetritte wieder abebegleitet hei gha, bini no wyter i Richtig Fisherman's Wharf. I ha mi hie vor erste Minute a viel wohler gfüehlt als ide lääre Strasse vorhär.Leer más

    Ver traducción
  • Manuela MichelHawaiiWestCoastCostaRicaViajero
    Insel Alcatraz
    Zersch no so...Muir Woods National MonumentUssicht uf SanFran vo SausalitoU nähr so🥰

    Alcatraz, Muir Woods und Sausalito

    1 de septiembre de 2023, Estados Unidos ⋅ ⛅ 16 °C

    Hüt si mir wieder dr ganz Tag unterwägs gsi. I ha gester im Hostel d Cecilia vo Italie lehre kenne u mir hei dä Usflug hüt zäme gmacht.
    Ds Gfängnis uf dr Insle Alcatraz isch mega iidrücklech gsi. Am Nami si mir z erste Mal über d Golden Gate Bridge gfahre u nähr ids Naturschutzgebiet Muir Woods. Ds letzt simer no uf Sausalito. Hüt isch dr ganz Tag näblig u bedeckt gsi. Aber bim zruggfahre uf SanFran heimer doch no chli Wätterglück gha🥰.Leer más

    Ver traducción
  • Manuela MichelHawaiiWestCoastCostaRicaViajero
    31

    Whale watching

    2 de septiembre de 2023, Estados Unidos ⋅ ⛅ 19 °C

    Die Tour hüt hani scho lang zum Vorus buechet. Es isch viel schöners Wätter gsi als gester. Dr Wal hei mir öppe nach 7 Minute gfunde, das sig neue Rekord. Meistens het är üs aber nume si Rügge zeigt.
    Süsch hani hüt ke Programm u erhole mi vo de letzte Täg.    Leer más

    Ver traducción