Tyhjennä haku
HawaiiWestCoastCostaRica
  • Manuela Michel
  • Manuela Michel

HawaiiWestCoastCostaRica

74-päiväinen seikkaillu — Manuela Lue lisää
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
Uusin ensin
  • Manuela MichelHawaiiWestCoastCostaRicaMatkaaja
    2Lombard Street
    Baker Beach

    Lombard Street & Bakers Beach

    4. syyskuuta 2023, Yhdysvallat ⋅ ⛅ 15 °C

    Hüt bini vom Hostel us losgloffe Richtig Lombard Street. D Golden Gate Bridge hani zwar scho vo verschiedene Orte gseh, aber druffe gstande bini no nid. Drum bini wytergloffe bis uf d Brügg u nähr uf dr andere Site a Baker Beach. Es het sech no zoge u drum hani mir füre Rückwäg es Uber bstellt.
    Es git e riiese Uswahl a Restaurant u bi de Meiste cha me o mitnäh u im Hostel ässe. Das hani hüt gmacht u mit de andere vom Schlafsaal dr Abe bime Bier la usklinge.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    Painted LadiesUfstieg zu de Twin PeaksDie mit emne Outo hei sech das chönne spare😉

    Last day in San Francisco

    5. syyskuuta 2023, Yhdysvallat ⋅ ⛅ 17 °C

    Hüt si mir gfüehlt einisch quer dür d Stadt u hei no di letschte Orte uf üsere Liste agluegt. Mir het usserdäm no e Fahrt mit em bekannte Cable Car gfählt. Mit däm hei mir agfange u hei dr vorderst Platz verwütscht. Nähr si mir mitem Bus zu de Painted Ladies u nähr wyter zu de Twin Peaks. D Ussicht vo dert obe isch dr Wahnsinn😍. Mir si nähr nomal ads Meer u no zumne andere Ussichtspunkt, so het sech d Cecilia no chönne vor Golden Gate Bridge verabschiede. I chume de i 2,5 Wuche nomal zrugg uf SanFran.
    Hüt hei mir no am Hostelevent teilgnoh wos vergünstigt Znacht het gä. Nähr simer no i die ältisti Bar vor Stadt. D Musiker si öppe glich alt gsi wie d Bar😉.

    Merci San Francisco - es isch e grossartigi Wuche gsi ❤️    Lue lisää

    Katso käännös
  • Manuela MichelHawaiiWestCoastCostaRicaMatkaaja
    Santa Monica PierVenice Beach

    Santa Monica & Venice Beach

    7. syyskuuta 2023, Yhdysvallat ⋅ 🌙 20 °C

    A Day in L.A - so het dr Tourabieter hüt gheisse. Es isch u gäbig gsi, für unkompliziert vo Ort zu Ort z cho. Mi Sitznachbar im Bus isch o us dr Schwiz cho u es isch mega entspannt gsi, mal nid Änglisch ds rede😉.
    Agfange hei mir mit de zwe bekannte Stränd. Wüll Patrick und ig gester beidi scho ufem Pier ds Santa Monica si gsi, si mir bi däm Stopp meh ar Promenade entlang spaziert.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    3

    Griffith Observatory & Walk of Fame

    7. syyskuuta 2023, Yhdysvallat ⋅ 🌙 21 °C

    Dr Griffith Park isch 5x grösser als dr Central Park. Hie chönnt me sech lang vertue. D Ussicht über d Stadt u natürlech uf ds Hollywood-Sign isch da obe grossartig.
    Dr letscht Stopp isch dr Walk of Fame gsi. I ha scho viel ghört, dass es unspektakulärer isch als es tönt. Das stimmt us mire Sicht, u glich muess mes irgendwie gseh ha😁.
    L.A i eim Tag - het gfägt!

    Ps: es isch Halbzyt...🙈 d Zyt vergeit so schnäll!    Lue lisää

    Katso käännös
  • Manuela MichelHawaiiWestCoastCostaRicaMatkaaja
    Sand Dune ParkDie Düne wird als Trainingsplatz gnützt..

    Manhatten Beach

    8. syyskuuta 2023, Yhdysvallat ⋅ 🌙 21 °C

    Am Morge hani d Wösch erledigt u es paar Telefon gmacht.
    Dr Patrick het gester im Restaurant erfahre, dass Manhatten Beach sehr schön söll si. Das het sech sofort bestätigt. Es het hie keni Obdachlose gha u d Wohnhüser si uu schön u sehr gepflegt gsi. Ds Meer isch scho itz eher unruhig, es zieht schiinbar wieder e Hurricane verbi.Lue lisää

    Katso käännös
  • Manuela MichelHawaiiWestCoastCostaRicaMatkaaja
    22

    Universal Studios Hollywood

    9. syyskuuta 2023, Yhdysvallat ⋅ ☁️ 30 °C

    Hüt bini vo New York uf Europa greist, im Jungel bi King Kong und ide Gasse vo Hogsmeade gsi und vome Hai agriffe worde.
    D Harry Potter Wält isch mega cool gmacht u i ha natürlech es Butterbier müesse probiere.
    D Studio Tour isch mega spannend gsi u sie hei a de verschiedene Sets immer wieder Filmszene igspielt.

    Bim Znacht hani mi lang mit ere Iiheimische unterhalte. Woni du uf Insta ha gseh, was sie macht u wie viel Follower sie het hani nid schlächt gstuunet🤣. Ihres Houptthema: Empowerment, natürlech vo Froue. E tolli Persönlechkeit!

    L.A und d Umgäbig chönnt nid gägesätzlecher si. Vo Glamour u Riichtum übere Zouber vor Filmwält zu Dräck und Leid uf de Strasse, viel Obdachlosi und sichtbari Drogeszene.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    1Flughafe Las Vegas
    Golden Nugget Casino

    Viva Las Vegas!

    10. syyskuuta 2023, Yhdysvallat ⋅ 🌙 26 °C

    Woni d Spieloutomate am Flughafe ha gseh, hani gwüsst, dass i am richtige Ort glandet bi🤣.
    Dr hütig Tag hani ir Fremont Street im "alte" Vegas verbracht. Es het am Nami mehreri Konzärt gä mit Rock u Country.
    Am Abe hani mi nähr mit öpperem troffe, wo de o ir Gruppereis isch.
    Vegas, komplett crazy aber glich irgendwie cool. I freue mi druf, nomal für e paar Stund da verbi z cho🙂.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    1D Ussicht vom Hotel🥰

    Ab id Nationalparks 🥰

    11. syyskuuta 2023, Yhdysvallat ⋅ ☀️ 27 °C

    Jetz isches sowit! Drü Wuche allei ar Westküste reise si um. I bi mega dankbar, dass alles so guet isch gange. I ha uf mim Wäg viel tolli Mönsche troffe u wunderschöni Orte gseh, das het gfägt🙂.
    Natürlech hets o d Momänte gä, woni mir hätt gwünscht, öpper näbe mir z ha. Aber das ghört o derzue.

    Hüt nachem Mittag hani dr Räst vo mire Gruppe troffe. Mir wärde di nächste 2 Wuche zäme unterwägs si. D Gruppe isch wieder bunt gmischt.
    Mir hei üs ufe Wäg gmacht zu üsem erste Halt ds Springdale. Es hei mehreri Lüt churzfristig abgseit, drum hei mir hie alli üses eigete Zimmer😊.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    E Teil vor Gruppe bim Iistieg id NarrowsWandere im Virgin River - sie si z.T bis zur Brust im Wasser gsi.E bsundere Momänt..Watchman Trail1The Gang (zwöi fähle ufem Bild, wüll sie nid si mitcho)

    Zion Nationalpark

    12. syyskuuta 2023, Yhdysvallat ⋅ ☀️ 23 °C

    Wow, was für ne Start🙂
    Üse erst Stopp si d Narrows gsi, e Wanderig dür ds Wasser im Canyon. I bi bis a Iistieg mit u ha mi nähr scho z erst mal sälber ufe Wäg gmacht. Uf mire Wanderig hani d Ussichte gnosse u no es paar tierischi Fründe troffe.
    Am Nami hei mir üs im Hotel erholt, wüll mir gäge Abe no dr Watchman Trail hei gmacht. D Ussicht dert isch mega gsi. Nacheme feine Znacht si mir alli müed u zfriede früeh ids Bett.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    Dr nächst Insta-Hotspot
    2Ufem Wäg i Canyon im offene Jeep11

    Horseshoe Bend & Antelope Canyon

    14. syyskuuta 2023, Yhdysvallat ⋅ ⛅ 25 °C

    Es hätti nid viel gfählt, u mir wäre bi "the power of nature III" acho. Wo mir ds Kanab e Kaffipouse hei gmacht het üs scho öpper gseit, mir chönne hüt eher nid i Canyon wäge Gfahr vo Fluet. Später bim Horseshoe Bend hets würklech grägnet u üsi Hoffnig isch immer wyter gsunke. Aber mir hei Glück gha u für mi het sech e grosse Wunsch erfüllt. I ha nämlech unter anderem wäge däm Canyon die Tour buechet. D Fotos säge dr Räste...🥰Lue lisää

    Katso käännös
  • Manuela MichelHawaiiWestCoastCostaRicaMatkaaja

    Monument Valley to Grand Canyon

    15. syyskuuta 2023, Yhdysvallat ⋅ ☀️ 22 °C

    Vom Sunneufgang zum Sunneuntergang🥰

    Zersch si mir miteme Navajo ufne Jeeptour dür ds Monument Valley. Dert hei mir dr Sunneufgang gseh. Zmittag hets Navajo-Tacos gä u mir hei no meh über ihri Traditione erfahre.
    Am Nami si mir stuunend a de erste Ussichtspünkt am Grand Canyon gstande. Nachem Iichecke ids Hotel si mir los ga Snacks u Getränk iichoufe. Dr Tag hei mir bim Sunneuntergang la usklinge.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    21A small beer...D Blicke säge alles🤣 es isch zum Glück no besser worde.

    Vegas II - it's Showtime

    17. syyskuuta 2023, Yhdysvallat ⋅ ☀️ 36 °C

    Uf dr Fahrt nach Vegas hei mir no in Seligman ghalte. Das isch eis vo de Stedtli ar Route 66.

    Vegas again!
    Hüt si mir zum Strip u si dert im Wynn Hotel d Show Awakening ga luege. Eidütig öppis vom Beste woni je ha gseh. Später si mir no ir Fremont Street glandet, wos wieder gratis Rock-Konzärt het gä. Gester hätti U2 gspielt🙈.Lue lisää

    Katso käännös
  • Manuela MichelHawaiiWestCoastCostaRicaMatkaaja
    1

    Calico Ghost Town

    18. syyskuuta 2023, Yhdysvallat ⋅ ☀️ 31 °C

    Nachere churze Nacht ischs hüt am 8:00 wytergange. Zwöi us dr Gruppe hei nume dr erst Teil vor Reis gmacht, drfür si grad 6 Neui drzue cho.
    Leider isch ds Death Valley nachem Hurricane zue. Drum si mir im Calico Ghost Town gsi. Dert hets früecher über 60 Mine, vor allem Silber, gä.Lue lisää

    Katso käännös
  • Manuela MichelHawaiiWestCoastCostaRicaMatkaaja
    Mirror Lake

    Yosemite Tag II

    22. syyskuuta 2023, Yhdysvallat ⋅ ☀️ 18 °C

    Dr letscht Tag im Nationalpark...!
    Die zwe Wuche si gli um, es isch extrem schnäll gange. D Landschafte si wunderschön gsi. I cha mängisch gar nid gloube, dass mir das würklech alles erläbt hei. O mit dr Gruppe hani wieder grosses Glück gha u ganz tolli Mönsche lehre kenne. Morn geits no uf San Francisco füre Abschluss vor Tour.Lue lisää

    Katso käännös
  • Manuela MichelHawaiiWestCoastCostaRicaMatkaaja
    Wer sucht, der findet1Wortwörtlech cool da...z Znacht hei sie üs glieferet, es isch super gsi.

    Costa Rica - M&M on tour

    26. syyskuuta 2023, Costa Rica ⋅ ☁️ 21 °C

    Gester si mir beidi fix und fertig z San José glandet. D Manuela chli früecher - zum grosse Glück vor Mauli, wo när gar nüt meh sälber het müesse organisiere.
    Hüt Morge hei mir ds Mietouto gholt u de ischs los gange - Mauli & Manu on tour. D Strasse si gar nid so übel wie mes chönnt dänke. Heis aber glich härebracht, scho nach 20min z erst mal falsch abzbiege und e chline Umwäg dürnes Dörfli z mache. Aber hei - mir wei ja schliesslech öpis gseh vom Land! Drum hei mir im Labyrinth dr Ussichtspunkt gsuecht u tatsächlech gfunde🤣.
    Jetz si mir z Poás im Glamping - ar Deko nah chönt me fasch meine i de Flitterwuche. Grad gniesse mer d Ussicht ufe Räge u hei fasch chli chalt😉.    Lue lisää

    Katso käännös
  • Manuela MichelHawaiiWestCoastCostaRicaMatkaaja
    311

    Jacó

    27. syyskuuta 2023, Costa Rica ⋅ 🌧 29 °C

    Hüt am Morge si mir bi Sunneschiin erwachet u am Achti fasch di erste im Poás Nationalpark gsi. Zum Glück het dr Maa am Schalter gueti Luune gha u het üs inegla, eini vo üs het nämlech d Tickets für ds Datum vo gester glöst😉. Churz nach däm mir dr Krater hei erreicht gha, hets scho wieder afa Näbel inezieh. Es isch zwar schön gsi, aber meh als die paar Meter zum Krater loufe het me nid chönne. Nacheme chline Zmorge si mir wytergfahre uf Jacó.Lue lisää

    Katso käännös
  • Manuela MichelHawaiiWestCoastCostaRicaMatkaaja

    El Miro

    28. syyskuuta 2023, Costa Rica ⋅ ⛅ 29 °C

    Nachem Nomminommnommzmorge (wär het äch das Wort erfunde?😉) hei mir Velos gmietet und si dür di grössti Hitz gfahre. Total verschwitzt hei mir de doch no eine vo de drü Ussichtspünkt gfunde. Dr Ufstieg zum Mirador Miro het sich glohnt, o we mir fasch si verloffe und üsi duftende Chleider öpe nie meh wärde tröchne.
    Später si mir am Strand umegfläzt und hei im Meer gspielt.    Lue lisää

    Katso käännös
  • Manuela MichelHawaiiWestCoastCostaRicaMatkaaja

    ATV-Tour

    29. syyskuuta 2023, Costa Rica ⋅ ☁️ 29 °C

    Hüt si mir früech uf - was aber o nid soo schwierig isch we me scho am halbi Zähni ids Bett isch😜.
    Ar Rolleverteilig hei mir nüt gänderet u d Mauli het sech als Fahrerin dür Schlamm, Wasser u Steine kämpft. D Manuela het drfür dr Dräck abübercho. Bim Wasserfall acho - tatsächlech ganz allei - hei mir dä de chönne abwäsche. Die grossi Schlange am Waldrand isch zum Glück ab dürd Büsch, bevor se d Manuela het gseh🤣.Lue lisää

    Katso käännös
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä