HawaiiWestCoastCostaRica

Une aventure de 74 jours par Manuela En savoir plus

S’abonner Aperçu Calendrier Photos Partager

Les plus récents en premier

Début du voyage
2 août 2023
HawaiiWestCoastCostaRica Voyageur
Ready to go
2 août 2023, Suisse ⋅ 🌧 16 °C
Mir si guet z Zürich acho. Di ersti Hürde wartet, mir si no stand by. Drücket üs d Düüme, dass mir ä Platz überchöme😃
Voir la traduction
Voyageur*Daumen Drück* :-)
02/08/2023RépondreTraduire
Voyageurgood luck und ganz viiel fröid! Theo und ig fiebere vom sofa us mit😍
02/08/2023RépondreTraduire
Viel Vergnügen [Heidi]
02/08/2023RépondreTraduire
3 commentaires en plus
8 j’aime
HawaiiWestCoastCostaRica Voyageur
Aloha!
3 août 2023, États Unis ⋅ ☀️ 28 °C
Nach ere länge Reis mit Verspätig si mir gester ir Nacht guet ds Waikiki acho. Hüt heimer bimne erste Spaziergang ume Diamond Head ersti Iidrück gsammlet. Mir si begeisteret u fröie üs ufe Nami am Strand.😀En savoir plus
Voir la traduction
10 j’aime
HawaiiWestCoastCostaRica Voyageur
1 1
Diamond Head
4 août 2023, États Unis ⋅ ☀️ 27 °C
Es isch chli heiss gsi zum Ufeloufe, aber s het sech glohnt😃
Ps: Gester hei mir nid ufechönne, wüll me nöi es Ticket brucht. Ds nächste Zytfänster wär ersch 2h später gsi.
Voir la traduction
Voyageur Eifach wunderschön
05/08/2023RépondreTraduire
Voyageur Immer guet Sunnecreme istrieche 🤗 und gniesse!! Hie schiffets ☔️🤪
05/08/2023RépondreTraduire
Gniessets😍 [Vera]
05/08/2023RépondreTraduire
9 j’aime
HawaiiWestCoastCostaRica Voyageur
North Shore
5 août 2023, États Unis ⋅ ☀️ 25 °C
Life is better at the beach...
Hüt hei mir mitem Hostel e Tour zu de beliebtiste Surf-Spots ar North Shore gmacht. Di grosse Wälle vo bis zu 15m gits de im Winter wieder.
Voir la traduction
11 j’aime
HawaiiWestCoastCostaRica Voyageur
1 2
Manoa Falls
6 août 2023, États Unis ⋅ ☀️ 25 °C
Dr Wäg häre isch fasch schöner als dr Wasserfall sälber.
Für dert häre z cho, simer z erste Mal mitem Bus underwägs gsi. Dr Fahrer isch sehr hilfsbereit gsi und üs (mir si nid di einzige Touris gsi;-)) cho säge, wo mir müesse usstige.
Dr letzt Abe ds Oahu hei mir ir Skybar la usklinge.En savoir plus
Voir la traduction
Voyageur 😍😍!
07/08/2023Répondre
Voyageur Het sich glohnt so wis usgseht
07/08/2023RépondreTraduire
VoyageurSehr idrückliche momänte. .
07/08/2023RépondreTraduire
Prost 👍👍👍🫠 [Priska 😉]
07/08/2023RépondreTraduire
7 j’aime
HawaiiWestCoastCostaRica Voyageur
1
Kauai - Waimea Canyon
8 août 2023, États Unis ⋅ ☀️ 25 °C
Mir si gester guet ds Kauai im Aston on the Beach acho. Vom Flughafe hei mir als einzigi dr lokal Bus gno.
Hüt simer ufeme Usflug i Waimea Canyon gsi. Ufem Wäg hei mir no a paar andere Orte aghalte. Dr Huricane Dora, wo zum Glück verbi zieht, het üs ds Fötele massiv erschwärt und dr Sand id Ouge gluftet.En savoir plus
Voir la traduction
Voyageur Oh wie härzig. Bitte unbedingt einpacken und Vincent mitbringen
09/08/2023RépondreTraduire
7 j’aime
HawaiiWestCoastCostaRica Voyageur
The power of nature
9 août 2023, États Unis ⋅ ☀️ 26 °C
So schnäll chas ga. Gester hei sech no alli gfreut, dass dr Huricane verbi zieht, u hüt gsehts ganz anders us. D Region z Maui, wo mir hei buechet gha, steit i Flamme.
Mir wärde glich am Fritig uf Big Island ga. Maui hingäge düe mir storniere u gö drfür nomal uf Oahu. Itz heissts umplane u umbueche...
Hüt hei mir e Usflug mitem Bus gmacht. Hie im Norde hets viel weniger gluftet u mir hei chönne ga bade.😄En savoir plus
Voir la traduction
Voyageurhäbet sorg!
10/08/2023RépondreTraduire
VoyageurDas mache mir 🙂
10/08/2023RépondreTraduire
Voyageurgrad im Radio ghört 😱 u ha grad a di deicht! häbed euch sorg! 💕
10/08/2023RépondreTraduire
VoyageurOh so lieb. Chunnt guet🙂 merci für ds "a mi dänke"😉
10/08/2023RépondreTraduire
7 commentaires en plus
4 j’aime
HawaiiWestCoastCostaRica Voyageur
1 1
Nā Pali Coast
10 août 2023, États Unis ⋅ ☀️ 26 °C
Merci für öii liebe Nachrichte🙂 Üs geits guet u o ds Umplane chunnt guet! Morn gö mir de chli früecher a Flughafe u probiere no d Flüg umzbueche. E Unterkunft hei mir scho gfunde.

Dä Tag hüt i Wort z beschriebe isch unmüglech. Näbst dr Nā Pali Coast hei mir no extrem viel Delfine, o mit Jungtier, dörfe beobachte. Me het mängisch gar nümme gwüsst wo luege...🥰En savoir plus
Voir la traduction
Voyageur Wunderschön!!!!
10/08/2023RépondreTraduire
Voyageur Happy faces😍
11/08/2023RépondreTraduire
12 j’aime
HawaiiWestCoastCostaRica Voyageur
Richards Beach Park
12 août 2023, États Unis ⋅ ☀️ 26 °C
Mir si gester guet ds Big Island acho. Leider hani bim Bueche nid gmerkt, dasses zwe Flughäfe git. Drum hei mir miteme Uber no einisch quer über d Insle müesse. Grad näbem Big Island Hostel hets ä feine Burger gä.
Hüt si mir ds Hilo am ne Strand mit schwarzem Sand ga schnorchle. D Koralle ud Fische si mega schön gsi, d Schildchrötli hei sech leider nid zeigt.En savoir plus
Voir la traduction
VoyageurWeisch muesch o no e pocketliste für die nächschti Reis ha 🤣🤣
13/08/2023RépondreTraduire
VoyageurStimmt🤣
13/08/2023RépondreTraduire
10 j’aime
HawaiiWestCoastCostaRica Voyageur
Volcano Nationalpark
13 août 2023, États Unis ⋅ ⛅ 18 °C
Gester am Abe hei mir d Anna vo Ängland lere kenne. Sie het sech üs spontan aagschlosse für die nächste Täg u mir hei üses Programm zämegstellt.

Hüt si mir dr ganz Tag im Park unterwägs gsi u hei die meiste Wanderwäge erkundet. Häre u zrugg si mir mitem Bus, dä isch hie gratis.

Am Abe hei mir no anderi Lüt lere kenne... vilech ändere mir de ds Programm nomal🙂.En savoir plus
Voir la traduction
5 j’aime
HawaiiWestCoastCostaRica Voyageur
Girls-Tour uf Big Island
14 août 2023, États Unis ⋅ ⛅ 22 °C
Hüt hei mir ds viert es Outo gmietet und hei Big Island erkundet. Mir hei viel gseh u e lustige Tag verbracht. Bim Schnorchle het me rächt müesse ufpasse wäg dr Strömig. D Anna und ig hei nähr chline chistrigi Stimm gha, wüll mr die ganzi Zyt hei gsunge.

Special thanks to our fantastic driver Anna😁.En savoir plus
Voir la traduction
VoyageurVoll cool vergrössert sich Eure Gruppe spontan. Wer ist Nr 4 im Bunde?
16/08/2023RépondreTraduire
VoyageurYumiko us Japan. Mir hei sie gfragt ob sie wett mitcho wülls no Platz het gha im Outo😉
16/08/2023RépondreTraduire
13 j’aime
HawaiiWestCoastCostaRica Voyageur
Stärnehimmel
15 août 2023, États Unis ⋅ 🌙 9 °C
Hüt am Morge hei mir ke Programm gha, das het guet ta. Am Nami/Abe si mir zersch paar Sache uf dr Insle ga aluege u nähr über dr Wulchedechi ga dr Sunneuntergang und d Stärne beobachte. D Milchstrass het me super gseh u dr Guide het üs mitem Teleskop unter anderem dr Saturn zeigt. Für gueti Fotos hei mir nid die richtigi Kamera gha😉.
Leider hei mir nid ufe Gipfel vom Mauna Kea chönne, die Toure si scho usbuechet gsi.En savoir plus
Voir la traduction
9 j’aime
HawaiiWestCoastCostaRica Voyageur
Tropical Bioreserve & Garden
17 août 2023, États Unis ⋅ ⛅ 24 °C
Gester si mir no im botanische Garte gsi u am Nami chli dür d Lädeli Downtown u a Strand. Ds Hostel hie het üs mega guet gfalle u mir hei viel Lüt lere kenne.
Itz isch alles packt u mir gö gli richtig Flughafe u flüge zrugg uf Honolulu für die letzte 6 Nächt.En savoir plus
Voir la traduction
8 j’aime
HawaiiWestCoastCostaRica Voyageur
Turtle Canyon
18 août 2023, États Unis ⋅ 🌙 25 °C
Mir si gester guet ds Waikiki i üsem Airbnb im 18. Stock acho. Am Abe hei mir üs mit 3 anderne usem letzte Hostel troffe. Hüt si mir i Turtle-Canyon ga schnorchle u hei Glück gha u mehreri Schildchrote gseh. Bim Zrüggfahre isch no e Gruppe Delfine diräkt vor üsem Boot gschwumme.
Bim Hilton Hotel isch einisch ir Wuche no äs Füürwärk.En savoir plus
Voir la traduction
VoyageurAmazing
20/08/2023RépondreTraduire
Voyageur😍
20/08/2023Répondre
10 j’aime
HawaiiWestCoastCostaRica Voyageur
1
Kailua und Lanikai Beach
20 août 2023, États Unis ⋅ ☀️ 27 °C
Gester isch d Elina ga surfe - sie hets mega guet gmacht🙂. Am Abe si mer no ire Luau gsi, ere Show mit traditionelle Tänz u lokalem Ässe.
Hüt isch d Elina uf ne mega strängi Wanderig. Sie isch heil, aber vo Chopf bis Fuess voll Schlamm wieder acho. Leider hei sie nidemal öppis gseh vo obe...
I bi derwile mitem Bus ad Ostküste u ha die wunderschöne Buchte u ds kristallklare Wasser gnosse. Mini Wanderig hani abbroche, wüll o ig imne mega stotzige, rütschige Hang mit Seili zum ufezieh bi glandet...En savoir plus
Voir la traduction
VoyageurSuch a great picture of Elina surfing 👍
20/08/2023RépondreTraduire
VoyageurLooks like a pro😍 but yours are great, too!
20/08/2023RépondreTraduire
Voyageur Troumhaft.
21/08/2023RépondreTraduire
9 j’aime
HawaiiWestCoastCostaRica Voyageur
Mahalo Hawaii
22 août 2023, États Unis ⋅ 🌙 26 °C
Die erste drü Wuche si so schnäll verbi gange. I ha d Zyt da mega gnosse. D Insle si alli verschiede u wunderschön. Mir hei vieli tolli Orte gseh, super Lüt lere kenne u s het trotz Umplane alles guet klappet.

Es paar Fun Facts:
- we me usserhalb vo Waikiki oder emne bekannte Wanderwäg meh als 10 Meter z Fuess unterwägs isch, isch me extrem einzigartig
- dr Salat als Biilag isch türer als Pommes
- d Busse z Kauai si chlin, fahre maximal einisch ir Stund, hei aber gratis Wifi

Di letzte zwöi Täg hani mehrheitlech am Strand und mit läse verbracht. D Elina isch gester gäge Abe zrugg id Schwiz gfloge. Morn geits für mi wyter, jetz drü Wuche allei.

Mahalo Hawaii, es het gfägt🙂.En savoir plus
Voir la traduction
8 j’aime
HawaiiWestCoastCostaRica Voyageur
Columbia River Gorge
24 août 2023, États Unis ⋅ ☀️ 26 °C
Gester ir Nacht bini ds Portland acho. D Janet, wo näbe mir isch ghocket im Flüger, het mr äxtra ihres Nummero gä falls öppis wär🙂. I hoffe aber sehr dassis nume bruche zum Föteli schicke.
Hüt bini mit Uber und Bus zu de Multnomah Falls gfahre u dert ga wandere. Zum zrügg hani dr Bus verpasst - das passiert, wenn me nid weiss wo warte😉. Zum Glück hani d Ebooks ufem Handy...En savoir plus
Voir la traduction
VoyageurPass guet uf di uf
25/08/2023RépondreTraduire
VoyageurDas machi😘
25/08/2023RépondreTraduire
13 j’aime
HawaiiWestCoastCostaRica Voyageur
2 1 1
Oregon's beautiful Coast
25 août 2023, États Unis ⋅ ⛅ 15 °C
Hüt hani e gfüehrti Tour ad Küste vo Oregon gmacht. Für die Ussichte het sechs mega glohnt. D Lüt si mega nätt gsi u mir hei viel glachet. Meh Infos hets bi de Bilder🙂.
Vor Stadt Portland hani süsch nid viel gseh. Aber das wo me het ghört het, sech bim Dürefahre schnäll zeigt: uf de Brügge steit eis Zält am andere a. Es git o hie sehr viel Obdachlosi, was o für die Iiheimische schwierig isch.

Morn isch wieder e Reisetag...En savoir plus
Voir la traduction
Voyageur Richtig mystisch
26/08/2023RépondreTraduire
Voyageur Spart aber definitiv den Abwasch🤣
26/08/2023RépondreTraduire
Voyageur Das sieht schon echt sehr abgefahren aus 😍 Soooooo schöööööön
26/08/2023RépondreTraduire
VoyageurJa isch würklech cool gsi no mitem näbel🙂
26/08/2023RépondreTraduire
10 j’aime
HawaiiWestCoastCostaRica Voyageur
2
Rogue River
27 août 2023, États Unis ⋅ ☀️ 33 °C
Zu gester: D Reis uf Medford isch für mi bis itze di grössti Überwindig gsi. I ha e Greyhound-Bus buechet u nähr hei mir viel gseit, i müess de guet ufpasse. Ds het mit dr Zyt es unguets Gfüehl usglöst. Und ja, es het komischi Gstalte gha und irgendwo are Haltstell, wo süsch nüt ussert e Tankstell isch, het mi no eini aquatscht, sie bruch äs Billet. Es isch alles guet gange, aber i bi sehr erliechteret gsi, woni bi acho.

Hüt hani e Rafting-Tour buechet gha. Am Abholort isch nume e andere Abieter uftoucht wo mir het gholfe. Mir hei nähr bi mim Abieter aglütte u sie hei gseit sie heige mi ufe Morge gschobe...leider hani ke Nachricht übercho.
Drum gits o keni spektakuläre Fotos🤣...
Lut Uberfahrer würdi me hie z Medford mega wyt gseh u d Landschaft wär sehr schön. Leider isch alles "vernäblet" dür die viele Waldbränd z Kanada u da ar Westküste.En savoir plus
Voir la traduction
Gseht fasch us wie ufe harder! Wünsche ä schönä tag! [Priska]
28/08/2023RépondreTraduire
VoyageurU nei, das da hie wär dir gloub lieber😉 isch nume grad gange
28/08/2023RépondreTraduire
4 j’aime
HawaiiWestCoastCostaRica Voyageur
The power of nature II
28 août 2023, États Unis ⋅ ☀️ 32 °C
Ds Elemänt Füür verfolgt mi o da wieder. Ds Medford hets scho gester so viel Rouch gha, dass me d Landschaft nümme het gseh. Das isch über Nacht nid besser worde u d Luftqualität isch so schlächt, dass me nid use sött. I ha drum länger im Zimmer dörfe blibe u bi nähr am 4i ufe bus richtig Klamath Falls. Ir Hoffnig, dert am Rouch z entflieh...En savoir plus
Voir la traduction
2 j’aime
HawaiiWestCoastCostaRica Voyageur
1 1
Crater Lake Nationalpark
29 août 2023, États Unis ⋅ ☀️ 14 °C
Gester bini miteme unguete Gfüehl ga schlafe, i bi nämlech vor allem wäge däm Nationalpark da unterwägs. Bim Zmorge hei scho die erste gseit, sie heige gester gar nüt gseh.
Aber... das mal isch ds Glück uf mire Site gsi. Scho bim Ufefahre hets immer meh ufghellt und mir hei ä Prachtstag im Park chönne verbringe. D Jeri isch ä super Tourguide gsi, dr ander Teilnähmer eher e spezielle Vogel. Mir Froue si gloub gägesitig froh gsi, dass die anderi da isch😉.
I ha dä Tag, die chüeli früschi Luft u natürlech die ungloublechi Ussicht mega gnosse🥰.En savoir plus
Voir la traduction
Voyageur Einfach nur wow....
30/08/2023RépondreTraduire
Voyageur So süss....
01/09/2023RépondreTraduire
12 j’aime
HawaiiWestCoastCostaRica Voyageur
Moore Park
30 août 2023, États Unis ⋅ ☀️ 24 °C
Hüt bini im Moore Park gsi u ha dert es paar Wanderwäge uskundschaftet. Nähr bini am Fluss entlang richtig Innestadt gloffe. O da si mir wieder chum Lüt begägnet.
Am Abe hani mi nähr no chli usgrueht. I ha nämlech spontan mini Plän gänderet bzw. um ei Tag gschobe...😉En savoir plus
Voir la traduction
6 j’aime
HawaiiWestCoastCostaRica Voyageur
San Francisco ❤️
31 août 2023, États Unis ⋅ ⛅ 17 °C
Gester am Abe bini ufe Nachtzug u nach San Francisco greist. Es het komischi Gstalte gha u die Frou näb mir het mr verzellt wie sie ihre ds Chind hei wäggno u sie id Droge abgrütscht isch...
Es isch aber alles tiptop gange u i ha im Hostel scho am Vormittag chönne iichecke. Nähr hani mi ufe Wäg gmacht, die Stadt wo scho so lang uf mire Bucket List isch, ds erkunde. Zersch bini ufem Coit Tower no ane Frou häregloffe, wo vor luuter Asträngig e Kreisloufzämebruch het gha. Wo mir sie du heil die 234 Stägetritte wieder abebegleitet hei gha, bini no wyter i Richtig Fisherman's Wharf. I ha mi hie vor erste Minute a viel wohler gfüehlt als ide lääre Strasse vorhär.En savoir plus
Voir la traduction
10 j’aime
HawaiiWestCoastCostaRica Voyageur
Alcatraz, Muir Woods und Sausalito
1 septembre 2023, États Unis ⋅ ⛅ 16 °C
Hüt si mir wieder dr ganz Tag unterwägs gsi. I ha gester im Hostel d Cecilia vo Italie lehre kenne u mir hei dä Usflug hüt zäme gmacht.
Ds Gfängnis uf dr Insle Alcatraz isch mega iidrücklech gsi. Am Nami si mir z erste Mal über d Golden Gate Bridge gfahre u nähr ids Naturschutzgebiet Muir Woods. Ds letzt simer no uf Sausalito. Hüt isch dr ganz Tag näblig u bedeckt gsi. Aber bim zruggfahre uf SanFran heimer doch no chli Wätterglück gha🥰.En savoir plus
Voir la traduction
9 j’aime
HawaiiWestCoastCostaRica Voyageur
3 1
Whale watching
2 septembre 2023, États Unis ⋅ ⛅ 19 °C
Die Tour hüt hani scho lang zum Vorus buechet. Es isch viel schöners Wätter gsi als gester. Dr Wal hei mir öppe nach 7 Minute gfunde, das sig neue Rekord. Meistens het är üs aber nume si Rügge zeigt.
Süsch hani hüt ke Programm u erhole mi vo de letzte Täg.En savoir plus
Voir la traduction
Voyageur da würdi o strahle 💖
03/09/2023RépondreTraduire
Voyageur Das Foto het d Yen us Malaysia gmacht
03/09/2023RépondreTraduire
Voyageur D Ferie dü dir guet....
03/09/2023Répondre
Voyageur🙂
04/09/2023Répondre
13 j’aime

En charger plus