Réinitialiser la recherche
HawaiiWestCoastCostaRica
  • Manuela Michel
  • Manuela Michel

HawaiiWestCoastCostaRica

Une aventure de 74 jours par Manuela En savoir plus
S’abonnerAperçuAperçuCalendrierCalendrierPhotosPhotosPartagerPartagerListe de choses à faire
Les plus récents en premier
  • Manuela MichelHawaiiWestCoastCostaRicaVoyageur
    2Flädermüüs am schlafeDs Zwöifinger-Fuultier und...1Ds Drüfinger-Fuultier

    Mangrove Tour

    30 septembre 2023, Costa Rica ⋅ 🌧 29 °C

    Hüt am Morge si mir als ersts ids Meer gumpet. Uf üsem Spaziergang dür d Lädeli hei mir feini Empanadas gfunde. Nähr hei mir üs ufe Wäg gmacht Richtig Quepos. Statt i touristisch Park Manuel Antonio si mir ufne Bootstour dür d Mangrove (Danke für d Beratig Sibä😉). Mir hei gstuunet, was dr Fahrer vom Boot i däm Gstrüpp alles het gseh. Nähr hets ds Quepos no es feins Znacht gä.

    Fun Fact vor Manu: mit üs isch no e Familie ufem Boot gsi, wo ds L.A. läbt. Im Restaurant, wo dr eint Sohn ds Santa Monica füehrt, hani vor es paar Wuche Znacht gässe...    En savoir plus

    Voir la traduction
  • Manuela MichelHawaiiWestCoastCostaRicaVoyageur

    On the road

    1 octobre 2023, Costa Rica ⋅ 🌧 30 °C

    Auf nach Monteverde!
    Planet hei mir e Zwüschestopp bim Playa Blanca, wo me schiins guet chönn schnorchle u Fischi luege. Playa Blanca gits natürlech mehreri. Eine vo dene hei mir scho gfunde, ersch no es beliebts Sunntigsziel vo vielne Locals, aber schnorchle isch gwüss nüt gsi i dem trüebe und grüslig Badwannewasser-warme Bitz Meer.
    Verfahre hei mer üs nume einisch u de Schlaglöcher si mer o mehrheitlech usgwiche.
    Am Abe hei mir ir superhübsche Lodge welle Pasta choche. D Sosse wär guet cho, abr da d Nüdeli mitsamt ca. tuusigmillione Chrabbelviecher ir Pfanne si glandet und üs das de doch grad e chli z fest het gruuset, hei mer när glich öpis bstellt.    En savoir plus

    Voir la traduction
  • Manuela MichelHawaiiWestCoastCostaRicaVoyageur

    In the Jungle

    2 octobre 2023, Costa Rica ⋅ ☁️ 22 °C

    No vorem erste Kafi bzw. Fruchtsaft si mir a de Seili ghanget und düre Rägewald düset.
    Chli später si mer über d Hängebrügge spaziert u hei d Rueh und s viele Grüen gnosse.
    Uf dr letschte Wanderig isch de ds Dschungelgfüehl uf de verzworglete u matschige Wägli no grösser worde. Mir hei zwar flissig Usschou ghalte nach Fuultier, Tuusigfüessler und dr Samantha (Tarantula), abr gseh hei mer nume e Horde Dschungelhüehner.En savoir plus

    Voir la traduction
  • Manuela MichelHawaiiWestCoastCostaRicaVoyageur
    Da hani no chli güebt.
    Mine rütschige Schueh hani so halbwägs vertrout...40m si rächt höch.3

    On the road II

    4 octobre 2023, Costa Rica ⋅ 🌧 28 °C

    About yesterday...
    Mauli: Bim Morgesport-Canyoning hani mi meh oder weniger elegant dür Wasserfäll abseilet. Pflotschnass bini gsi u di müede Ärmli hani geng no.
    Dr Abespaziergang het i strömendem Räge düre stockfiischter Urwald gfüehrt. Gseh hei mer Glasfröschli, Vipere, Insekte, Tucane und sogar e Honey bear!
    Manu: Pause! I ha mis Buech fertig gläse u öppis Znacht kochet. So schnäll isch dä Tag zämegfasst😉.

    D Fahrt uf la Fortuna isch abentürlech gsi. Ufem erste Teil het me mängisch meh Löcher als Strass gfunde. Wo du d Strass wieder guet isch gsi, hets drfür gredi abe gschiffet. Aber ds letscht hei mir drfür e wolke- u näbellose Vulkan Arenal vor üs gha. Dr Nami hei mir im Thermalbad gnosse.    En savoir plus

    Voir la traduction
  • Manuela MichelHawaiiWestCoastCostaRicaVoyageur
    Zmorge für alli
    Ds Seili als Absturzsicherig isch öppe uf Brusthöchi gsi - es isch besser we me dert nid umgheit..2

    In the Jungle II

    5 octobre 2023, Costa Rica ⋅ ☁️ 28 °C

    Wandere fägt! Über Stock und Stei si mir am Fuess vom Vulkan umekrakslet, zumne Lavafeld mit toller Ussicht (und emne nachem tropisch-schweisstribende Ufstieg üsserst wohltuende Lüftli). Bim Abstieg isch dr Wäg chli under de Wurzle verschwunde odr o mal drunder wäggrütscht...

    Nachemne churze Abstächer mit feinem Zmittag im Dörfli si mir mitem Armando ga Fuultier sueche. Är het se gfunde u gfötelet (das nume zum Teil😉) u mir hei gstuunet. D Tour macht är usserhalb vo de Fuultier-Parks wos da het. Am Abe het är üs im stockfiistere Gstrüpp im Garte vor Unterkunft no d Fröschli zeigt und di grossi Spinnele für d Manu hinder sire Hand versteckt...    En savoir plus

    Voir la traduction
  • Manuela MichelHawaiiWestCoastCostaRicaVoyageur
    D Chleider vom Rafting hei no nid möge tröchne 😉
    1

    Tortuguero

    8 octobre 2023, Costa Rica ⋅ ⛅ 31 °C

    Gester het sech üses Wöschmobil nume öpe drü mal verfahre.
    Für d Flussfahrt zum Tortuguero Nationalpark hei mer es Böötli voller Schwizer verwütscht.
    Will mir das Paradies hie voll wei uschoste, si mir scho am 6i am Morge e Kayaktour ga mache. Während drü Stund si mir immer wieder is Gjätt ine paddlet u hei versuecht, üs a de Äst und Spinnhuppele verbi z manövriere.
    Jetz si mer fuul u bereite üs mental ufe Muskelkater i de Arme vor.
    Später geits no ufne Nachttour zum Schildchröttli luege - da dörfe mir aber nid fötele.    En savoir plus

    Voir la traduction
  • Manuela MichelHawaiiWestCoastCostaRicaVoyageur
    1Unbedingt mit Ton luege😉

    Vom Paradies ids Paradies

    10 octobre 2023, Costa Rica ⋅ ☁️ 29 °C

    D Nachttour im Tortuguero het sech mega glohnt. Mir hei zwöi Meeresschildchröte dörfe beobachte, wie sie Eier abgleit u später mit Sand zuedeckt hei. We me ir Schussbahn isch gsi, het me am Schluss sälber überall Sand gha😉.
    Gester si mir nachere länge Boots- und Outofahrt, tatsächlech ohni üs z verfahre, z Cahuita acho. Mir gloube, es git kes anders Wort als Paradies für dä Ort. Teile düe mir üs dä mit viel Tierli. We me weiss wie gross d Brüllaffe si, stuunet me doch ab dr Lutsterchi...🤣
    Bim Zmorge hüt si mir gfragt worde, ob mir no d Fröschli wölle cho luege.
    Später si mir zersch da dür z Dörfli u nähr no uf Puerto Viejo. Ds Meer isch herrlech u extrem ruhig, was sehr ussergwöhnlech sig.    En savoir plus

    Voir la traduction
  • Manuela MichelHawaiiWestCoastCostaRicaVoyageur
    1

    Cahuita Nationalpark

    11 octobre 2023, Costa Rica ⋅ ☀️ 30 °C

    Hie muess me d Kamera würklech scho zum Zmorge mitnäh. Hüt isch nämlech es Fuultier mit sim Bebe im Garte umeklätteret.
    Uf dr Schnorcheltour hei mir under anderem e Stachelroche, Chugelfisch, Qualle, Baracudas u ganz viel Discofischli gseh und üs näbebi no e chline Sunnebrand gholt.
    Wo mir später z Fuess no chli düre Park si, hets nume so gwimmlet wo Waschbäre und Äffli. Krokodil und Schlange hei mir leider/zum Glück keni gfunde.    En savoir plus

    Voir la traduction
  • Manuela MichelHawaiiWestCoastCostaRicaVoyageur

    Hasta luego👋

    13 octobre 2023, Costa Rica ⋅ ☁️ 27 °C

    Gester hei mir d Utchi u d Brigitte i ihrem Dschungelparadies zrugg gla u si via Limón uf Alajuela gfahre. Übernachtet hei mir dert, wo mir üsi Reis hei gstartet.
    Hüt am Morge hei üs 6 Manne üse tröi Begleiter useputzt, dass är nume so glänzt het. Itz heissts warte ufe Flug...

    Pura Vida Costa Rica - es isch super gsi🥰    En savoir plus

    Voir la traduction
    Fin du voyage
    14 octobre 2023