Aramayı sıfırla
HawaiiWestCoastCostaRica
  • Manuela Michel
  • Manuela Michel

HawaiiWestCoastCostaRica

Manuela tarafından 74 günlük bir macera Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
En yenisi başta
  • Manuela MichelHawaiiWestCoastCostaRicaGezgin
    2Flädermüüs am schlafeDs Zwöifinger-Fuultier und...1Ds Drüfinger-Fuultier

    Mangrove Tour

    30 Eylül 2023, Kosta Rika ⋅ 🌧 29 °C

    Hüt am Morge si mir als ersts ids Meer gumpet. Uf üsem Spaziergang dür d Lädeli hei mir feini Empanadas gfunde. Nähr hei mir üs ufe Wäg gmacht Richtig Quepos. Statt i touristisch Park Manuel Antonio si mir ufne Bootstour dür d Mangrove (Danke für d Beratig Sibä😉). Mir hei gstuunet, was dr Fahrer vom Boot i däm Gstrüpp alles het gseh. Nähr hets ds Quepos no es feins Znacht gä.

    Fun Fact vor Manu: mit üs isch no e Familie ufem Boot gsi, wo ds L.A. läbt. Im Restaurant, wo dr eint Sohn ds Santa Monica füehrt, hani vor es paar Wuche Znacht gässe...    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin

    On the road

    1 Ekim 2023, Kosta Rika ⋅ 🌧 30 °C

    Auf nach Monteverde!
    Planet hei mir e Zwüschestopp bim Playa Blanca, wo me schiins guet chönn schnorchle u Fischi luege. Playa Blanca gits natürlech mehreri. Eine vo dene hei mir scho gfunde, ersch no es beliebts Sunntigsziel vo vielne Locals, aber schnorchle isch gwüss nüt gsi i dem trüebe und grüslig Badwannewasser-warme Bitz Meer.
    Verfahre hei mer üs nume einisch u de Schlaglöcher si mer o mehrheitlech usgwiche.
    Am Abe hei mir ir superhübsche Lodge welle Pasta choche. D Sosse wär guet cho, abr da d Nüdeli mitsamt ca. tuusigmillione Chrabbelviecher ir Pfanne si glandet und üs das de doch grad e chli z fest het gruuset, hei mer när glich öpis bstellt.    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin

    In the Jungle

    2 Ekim 2023, Kosta Rika ⋅ ☁️ 22 °C

    No vorem erste Kafi bzw. Fruchtsaft si mir a de Seili ghanget und düre Rägewald düset.
    Chli später si mer über d Hängebrügge spaziert u hei d Rueh und s viele Grüen gnosse.
    Uf dr letschte Wanderig isch de ds Dschungelgfüehl uf de verzworglete u matschige Wägli no grösser worde. Mir hei zwar flissig Usschou ghalte nach Fuultier, Tuusigfüessler und dr Samantha (Tarantula), abr gseh hei mer nume e Horde Dschungelhüehner.Okumaya devam et

    Çeviriyi gör
  • Manuela MichelHawaiiWestCoastCostaRicaGezgin
    Da hani no chli güebt.
    Mine rütschige Schueh hani so halbwägs vertrout...40m si rächt höch.3

    On the road II

    4 Ekim 2023, Kosta Rika ⋅ 🌧 28 °C

    About yesterday...
    Mauli: Bim Morgesport-Canyoning hani mi meh oder weniger elegant dür Wasserfäll abseilet. Pflotschnass bini gsi u di müede Ärmli hani geng no.
    Dr Abespaziergang het i strömendem Räge düre stockfiischter Urwald gfüehrt. Gseh hei mer Glasfröschli, Vipere, Insekte, Tucane und sogar e Honey bear!
    Manu: Pause! I ha mis Buech fertig gläse u öppis Znacht kochet. So schnäll isch dä Tag zämegfasst😉.

    D Fahrt uf la Fortuna isch abentürlech gsi. Ufem erste Teil het me mängisch meh Löcher als Strass gfunde. Wo du d Strass wieder guet isch gsi, hets drfür gredi abe gschiffet. Aber ds letscht hei mir drfür e wolke- u näbellose Vulkan Arenal vor üs gha. Dr Nami hei mir im Thermalbad gnosse.    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin
    Zmorge für alli
    Ds Seili als Absturzsicherig isch öppe uf Brusthöchi gsi - es isch besser we me dert nid umgheit..2

    In the Jungle II

    5 Ekim 2023, Kosta Rika ⋅ ☁️ 28 °C

    Wandere fägt! Über Stock und Stei si mir am Fuess vom Vulkan umekrakslet, zumne Lavafeld mit toller Ussicht (und emne nachem tropisch-schweisstribende Ufstieg üsserst wohltuende Lüftli). Bim Abstieg isch dr Wäg chli under de Wurzle verschwunde odr o mal drunder wäggrütscht...

    Nachemne churze Abstächer mit feinem Zmittag im Dörfli si mir mitem Armando ga Fuultier sueche. Är het se gfunde u gfötelet (das nume zum Teil😉) u mir hei gstuunet. D Tour macht är usserhalb vo de Fuultier-Parks wos da het. Am Abe het är üs im stockfiistere Gstrüpp im Garte vor Unterkunft no d Fröschli zeigt und di grossi Spinnele für d Manu hinder sire Hand versteckt...    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin
    D Chleider vom Rafting hei no nid möge tröchne 😉
    1

    Tortuguero

    8 Ekim 2023, Kosta Rika ⋅ ⛅ 31 °C

    Gester het sech üses Wöschmobil nume öpe drü mal verfahre.
    Für d Flussfahrt zum Tortuguero Nationalpark hei mer es Böötli voller Schwizer verwütscht.
    Will mir das Paradies hie voll wei uschoste, si mir scho am 6i am Morge e Kayaktour ga mache. Während drü Stund si mir immer wieder is Gjätt ine paddlet u hei versuecht, üs a de Äst und Spinnhuppele verbi z manövriere.
    Jetz si mer fuul u bereite üs mental ufe Muskelkater i de Arme vor.
    Später geits no ufne Nachttour zum Schildchröttli luege - da dörfe mir aber nid fötele.    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin
    1Unbedingt mit Ton luege😉

    Vom Paradies ids Paradies

    10 Ekim 2023, Kosta Rika ⋅ ☁️ 29 °C

    D Nachttour im Tortuguero het sech mega glohnt. Mir hei zwöi Meeresschildchröte dörfe beobachte, wie sie Eier abgleit u später mit Sand zuedeckt hei. We me ir Schussbahn isch gsi, het me am Schluss sälber überall Sand gha😉.
    Gester si mir nachere länge Boots- und Outofahrt, tatsächlech ohni üs z verfahre, z Cahuita acho. Mir gloube, es git kes anders Wort als Paradies für dä Ort. Teile düe mir üs dä mit viel Tierli. We me weiss wie gross d Brüllaffe si, stuunet me doch ab dr Lutsterchi...🤣
    Bim Zmorge hüt si mir gfragt worde, ob mir no d Fröschli wölle cho luege.
    Später si mir zersch da dür z Dörfli u nähr no uf Puerto Viejo. Ds Meer isch herrlech u extrem ruhig, was sehr ussergwöhnlech sig.    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin
    1

    Cahuita Nationalpark

    11 Ekim 2023, Kosta Rika ⋅ ☀️ 30 °C

    Hie muess me d Kamera würklech scho zum Zmorge mitnäh. Hüt isch nämlech es Fuultier mit sim Bebe im Garte umeklätteret.
    Uf dr Schnorcheltour hei mir under anderem e Stachelroche, Chugelfisch, Qualle, Baracudas u ganz viel Discofischli gseh und üs näbebi no e chline Sunnebrand gholt.
    Wo mir später z Fuess no chli düre Park si, hets nume so gwimmlet wo Waschbäre und Äffli. Krokodil und Schlange hei mir leider/zum Glück keni gfunde.    Okumaya devam et

    Çeviriyi gör
  • Manuela MichelHawaiiWestCoastCostaRicaGezgin

    Hasta luego👋

    13 Ekim 2023, Kosta Rika ⋅ ☁️ 27 °C

    Gester hei mir d Utchi u d Brigitte i ihrem Dschungelparadies zrugg gla u si via Limón uf Alajuela gfahre. Übernachtet hei mir dert, wo mir üsi Reis hei gstartet.
    Hüt am Morge hei üs 6 Manne üse tröi Begleiter useputzt, dass är nume so glänzt het. Itz heissts warte ufe Flug...

    Pura Vida Costa Rica - es isch super gsi🥰    Okumaya devam et

    Çeviriyi gör
    Gezinin sonu
    14 Ekim 2023
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga