Reinicializar a pesquisa
Vancouver nach San Francisco
  • Andreas Siegrist
  • Andreas Siegrist

Vancouver nach San Francisco

Roadtripp von Vancouver via Vancouver Island nach Seattle. Von dirt an durch die US Bundesstaaten Washington, über Oregon nach Kalifornien. Leia mais
SeguirResumoResumoCalendárioCalendárioFotosFotosCompartilharCompartilharLista de metas
ResumoCalendárioFotos
  • Inicio da viagem
    26 de julho de 2024
  • Andreas SiegristVancouver nach San FranciscoViajante
    11

    Hotel und erste Obe

    26 de julho de 2024, Canadá ⋅ ☀️ 19 °C

    Mer hännd e super Mazda öbercho - Bifahrersetz chasch ned ufemache ond Navi hei mer es TomTom von 2000 becho🫣
    Nachär semer es Hotel ond de no es Stadt. Esch es cools Fläir - so chli New York aber dütlech ruhiger. Mer he de no öppis g’ässe ond am 11 semmer müed es Bett.Leia mais

    Ver tradução
  • Andreas SiegristVancouver nach San FranciscoViajante
    111

    Vancouver bis zor Fähre

    27 de julho de 2024, Canadá ⋅ ☁️ 23 °C

    Nachemene lange Tag hei mer relativ guet gschlofe. Am Morge semer gmüetlechv es Coras Diner guet angelsächsisch go ässe🥞🥓🍳
    Nächer semer zrog es Hotel, hei ustscheggt und send en Rechtig Fähre ⛴️ ufbroche.
    Unterwägs semmer öber d‘Lions Brige 🌉 gfahre ond se no chli enes Outlett em Reservat vo de Suquamisch - em lokale First Nation Stamm - go shoppe, näbe Old Navi semer ou em Tesla Lade gsi.
    Nächer semmer no am Hang vom Cypress Mounten, vis a vis vo Vancouvergsi, wo me e mega Panorama-Sicht ofd Stadt ond e Hafe het - leider esch sehr donstig gsi.
    Aschliessend semmer ed HorshoeBay game, wod Fähre ableit. Zerscht semmer no em Dorf e chli go luege, ond send de weder zrogg go astoh. Döt warte mer jetz bis es losgoht ond lise chli Ferie-Musig😀    Leia mais

    Ver tradução
  • Andreas SiegristVancouver nach San FranciscoViajante
    11

    Nach Victoria

    27 de julho de 2024, Canadá ⋅ ⛅ 15 °C

    D’Fahrt met der Fähre esch mega gsi, me hei Vancouver ond e paar Chrüzfahrtsschiff e der Bay beobachtet. Leider hämer bem inefahre no Lämpe gha, eusi Reservierig het of ene falsche Name glutet - „Dominique“ - aber mer send de doch no ofs Scheff cho!
    Nächär semmer no 100km dorch Vancouver Island drived🚗 - es her vel Wald 🌲🌲🌲
    Victoria het sech eus be schönschtem Oberot zeigt 🌇 - mer send de ou müed g’si ond hei eifach es Zemmer wele ond bo öppid go ässe. 🍔
    Leider esch euses Zemme storniert worde🤮 - e gueti Stond ond zuesätzlechi 1‘800 Kanadischi Doller spöter esch das ou greglet gsi 😓 - aber statt eim Zemmer hei mer e Mega Suite becho met zwöi Zemmer ond Dorchgang!
    De semer no rasch go ässe, hei no s’Regierigsgebäude ond euses Hotelond gfötelet ond de semmer gli go pfuuse😴    Leia mais

    Ver tradução
  • Andreas SiegristVancouver nach San FranciscoViajante

    Whalewatching

    28–31 de jul. 2024, Coastal Waters Of Southeast Alaska And British Columbia ⋅ ☁️ 13 °C

    Nachenere erholsame Nacht e der Luxus-Suite hämer eus am Morge be schönem Wätter, aber nor 13Grad ond Wend zom Whalewatching🐳 ufgmach. Onderwägs hämer bem Starbucks no Kafi, Heissi Schoggi ond Gepfeli zom Zmorge gha🥐☕️
    Mer se met ca. 30 Lüt ofs Boot 🛥️ ond händ nach 30 Minute fahrt e Schuel vo föif Orcas dörfe beobachte - d’Karin het es sensationell Foto vomene Sprong gmacht - mega!
    Spöter se mer ofs Oberdeck gange, wos 10 wendigi Setz met mega ussecht het.
    Be der Seehond Ensle semer ou no verbi cho ond händ erfahre, das jede Orca pro Tag ei Robbe🦭 brucht.
    Als nöchsts hämmer no dörfe Buckekwahle gseh - das send Einzelgänger aber mer he is Glöck gha, dass grad e Groppe vo drü döt gschomme se. Eri Flosse bem Tauche esch grandios!
    Nächer es zrogg e Hafe gange on mer göi öppis go ässe ond de is Hotell go Wellnesse😀    Leia mais

    Ver tradução
  • Andreas SiegristVancouver nach San FranciscoViajante
    1

    Gemütlich

    28 de julho de 2024, Canadá ⋅ ☁️ 19 °C

    Geschtet semer nachem Wal luege go fish n’ chips ässe ond nächer es Hotel go chille. Einigi se e Pool 🏊 ond es Fitness 💪 .
    Karin ond e send de spöter gos Auto 🚗 abgä be ALAMO am Floghafe Victoria - guet 30km wäg vo Victoria. Zrog semmer met emene sehr nätte Uber Fahrer met Tesla Model 3. Er het verzellt das es sit em März chum grägnet het. Ou das es zytewis bes 7 Chrüzfahrtscheff en Victoria
    Zobe semmer fein go ässe ond de zrog es Zemmer.
    Höt am semmer gmüetlich go äsee em Coras Diner ond de checke mer am 12 us, d‘Fähre nach Seatle got am haubi sächsi.    Leia mais

    Ver tradução
  • Andreas SiegristVancouver nach San FranciscoViajante

    Fähre nach Seattle

    29 de julho de 2024, Estados Unidos ⋅ 🌧 14 °C

    Nachem uschecke semmer no chli go flaniere, hei der orächtig Garte vom Hotel no agluegt ond send de no chli go shoppe.
    Am vieri ome semmer no es Hotel, heis Gepäck gholt ond send zom Terminal gloffe. US Immigration 🇺🇸 hei ner eifach chöne amälde met Foto ond Fengerabdröck 🖐️ - gäng we gäng😀
    Denn hei mer eusi supper Setz e der zweute Reihe ofen oberdeck met mega Sicht chöne inäh. Dört e der Comfort Klass hets gratis z‘Drenke ond Snäcks gha🥐🥤😋!
    Es esch e sehr ruhigi Fahrt gsi obwohl die Fähre ⛴️ mega schnäll gfahre esch. D‘Ussecht esch teilwiis atemberaubend gsi, osse ofem Deck hets ders Toupet metgnoh ond 😵‍💫de Fjord esch emmer änger worde. Nach guet zweuehalb Stond esch de scho Seattle 🏙️ am Horizont ufdoucht ond emmer grösser worde. De Bleck vom Wasser esch wörklech idröcklech!
    Drufabe hei mer agleit ond müse warte, bes die Groppe met Gepäck 🧳 dra gsi esch. S’Ireise esch ächt easy gsi ond denn hei mer no es Taxi 🚕 es Hotel gnoh - zerscht seit er 10$ und womer acho se, woter 40$! Ha de 20$ zahlt - hätte gschiter Uber gnoh, de weisch was zahlsch ond öberchonsch - es het ou no zwöi frömdi Lüt e däm Taxi gha🤨
    S‘Hotel het de dasmol problemlos klapped ond mer se de chorzom es Bett go pfuuse - leider nöm so feudal we em Empress en Victoria 🥲    Leia mais

    Ver tradução
  • Andreas SiegristVancouver nach San FranciscoViajante
    2

    Seattle

    30 de julho de 2024, Estados Unidos ⋅ ☁️ 22 °C

    An morge semer e nes Diner e der Nöchi go super ässe😋
    Nächär e chli ad Promenade/Piers go pöschterle. Nachdäm mer nomol em Hotel gsi send hei mer eus zor SpaceNeedle ufgmacht. Mer hei derzue d‘Monorail 🚆 gno, wo wed Needle ou förd Wältusstellig 1962 🌎 bout worde esch.
    Zom Glöck hei mer ofe Turm ufe chöne, denn online hets scho lang emmer usverchouft azeigt 😄
    Metem Lift ond emene nätte „Liftboy“ semmer die 184mm Meter enere Minute ufegfahre ond hei e grandiose Bleck öberd Stadt 🏙️ ond de Hafe met allne Scheff 🚢 dörfe gniesse. Es het es Füürwehrscheff e all Rechtige Wasser gsprötzt😀
    Leider het we öberal e chli vell Chinesen gha, aber alles en allem eschs guet gange met de Lüt 🧑‍🤝‍🧑
    Nächär semmer zom aller erschte Starbucks ☕️ am Public Market gange. Leider hets vel Obdachlosi zwösche de Needle ond em Starbuks gha🤔
    Nach 30Minute astoh hämer de e da Starbucks ine chöne, hei öppis bstellt ond chli gföttelet.
    Nächer semmer dor de Markt glofe, wos vo Blueme öber Tee zo Fisch, Krabbe ond Austere alles gäh het. Aschliessend semmer nomal as Pier abe ond de zrogg rs Hotel. Jetz göi mer de no öppis go ässe 🥩    Leia mais

    Ver tradução
  • Andreas SiegristVancouver nach San FranciscoViajante

    Roadtrip nach Seaside

    31 de julho de 2024, Estados Unidos ⋅ 🌙 16 °C

    Höt hämmer am Morge packt, s’Zemmer abgä onds Gepäck iglageret. De hei mer no es Schoggi Gepfeli 🥐 gönnte ond send z‘fuess föif Blocks zor Autovermietig gloffe ond döt hets leider e mega Warteschlange gha😵‍💫
    Drüviertelstond spöter hei mer de e Jeep Cherockee Plug-in Hybrid dörfe e Empfang nä🔋😄. Bachdäm mers Gepäck en Hotel gholt hei hers no e ungeplante Zwöschehalt em „Lucky Dog“ - emene Schuelade (10 Minute i die falsch Rechtig 😆 ) gä. Es het aber nüt gha wo passt hätt 😆
    Nächär semmer rechtig Weste🧭 zom Highway 101 gfahte ond hei nachemene Ichouf emene Suppermarkt (10$ för 100g Himbeeri!) em nöchglägene Linkinpark picknickt 🧺 ond eus de weder ofe Wäg gmacht. Mer hei de weder mol e Fähre müsse näh ond be der Öberfahrt het sech de Mt. Rainier, de Huusbärg vo Seattle wunderbar zeigt 🗻
    Anschliessend semmer bes nach Aberdeen gfare, döt semmer de Spure von Curt Kobain gfolgt. Er esch dört ufgwachse ond es het e art Gedänkstette met Gittare 🎸- d‘Anwohner send ned amused öber die vele Turis wo uftauche🤔
    De eschs dor die usgedehnte Wälder vo Washingten witer gange bes nach Oregon. Döt hei mer e risigi Brogg öberquert ond de semmer der Küschte em schönschte Obeliecht bes nach Seaside gfolt.
    Mer se grad rechtig zom Sonneondergang cho - es mega Natur-Spektakel 🌅
    Aschliessend semmer no go äsee ond de es Hotel gange.    Leia mais

    Ver tradução
  • Andreas SiegristVancouver nach San FranciscoViajante
    1

    Vo SeaSide nach Facerock

    1 de agosto de 2024, Estados Unidos ⋅ 🌙 15 °C

    Höt esch vor allem Cannon Beach ond e langi Fahrt entlang der Küschte vo Oregon ond dor die riesige Wälder 🌳🌲 ofem Program gstande.
    Am Morge heimer wele e nes Diner go z‘Mörgele ond händ öberrascht feschtgstelle dass s‘Zmorge inbegreffe gsi esch - de hei mer rasch Eier, e paar Waffle, Müesli ond aFröcht gässe🧇😋🍎
    Aschliessend semmer nach Cannon Beach gfahre ond dä Felse vorem Strand esch werklech extrem beidrockend!🪨
    De Nici het leider nor Tornschue devorne gha ond esch barfues a 🏝️ Er het de es paar vergässeni FlipFlops gfonde , was super gsi esch, wel de Sand sehr heis gsi esch - er het aber erscht spöter gnerkt, dass es zwe onderschedlechi Schue send😂
    Mer se de witter die malerischi Köschte entlang nach Süde gfahre ond händ all paar (Kilo)Meter - zom leidwäse vo eusne Jungs - aghalte, d‘Ussecht gnosse sowie gföttelet. Am Nomitag hei mer en Neskowin z’Vieri und Kafi gno ond se de witer. Gäge Obe esch es de zunähmend näbliger worde ond het e mega Stemmig gä. E Lüchttorm womer hei wele go aluege het me vor lutter Näbu nömme gse. Deför heimer e Cybertruck chöne bestune😆
    Es esch donkler ond donkler worde ond es het sech hezoge. Öppe e Stond vorem Ziel hei mer Honger becho ond send enere Chlistadt ene Pizza Lade - mer se aber nach einere Minute weder use ond defo gfahre ond das ned nor, wel mer gse hei, wie de Choch öbers Ässe gniesst het 🤮 - es esch ächt onapetitlech gsi..
    E Stadt witer semer de es Wendys, enere Chetti wie McDonald’s 🍔 - dasch abgseh vo de iisige Temperature guet gsi.
    Nächer hei mer de Räscht no dorezoge bes zom Best Western en FaceRock und göi jetz müed es Bett 😴    Leia mais

    Ver tradução
  • Andreas SiegristVancouver nach San FranciscoViajante

    Vo FaceRock ed Redwoods

    2 de agosto de 2024, Estados Unidos ⋅ ☁️ 17 °C

    Höt semmer zytig uf ond hei de lang em BestWestern z‘Mörgelet🍞🧇🍳
    Leider het sech be mim Scone die vermeintlichi feini Vanille-Sosse bem erschte probiere as Pilz-Sosse 🍄 usegstellt🤢
    Nächer send Karin und e no a Strand abe. Es esch e mega schöni Stemmig gsi - e chli Ostsee Feeling🐚🌊
    Aschliessend semmer witer em „Senic Pacific Byway“ gfolgt 🚙- das esche meischt der Highway 101 ond folgt malerisch der West-Köschte 🦦
    Emene Städtli semmer no e ne Suppermarkt - mer hei slles gfonde - sogar Amifähnli. Leider esch bem Abfahre de Kofferrum Deckel ufgange ond mer hei e chli öppis verlore😆
    Chorz vor de Gränze zo Californie semmer no natürlichi Brogge go aluege - esch e mega cooly Location. S‘nöchschte Ziel of der Route send de d’RedWoods🌲    Leia mais

    Ver tradução
  • Andreas SiegristVancouver nach San FranciscoViajante

    Redwood und Eureka

    2 de agosto de 2024, Estados Unidos ⋅ ☁️ 20 °C

    Am Nomitag semmer de e Jedediha National Forest a Cedar Creek - das esch döt wo de StarWars Waldmond Endor dreit worde esch. Nacheme sehr stöubige Cheeswäg hei mer de de Ort em Wald erreicht. Döt hei mer de Grove Stove Trail🥾 gmachte ond händ die unglaubleche ond majestätische Bäum 🌲dörfe bestuhne - eine gewaltiger als der ander!!! Die Bäume sind bis zu 2500 Johr alt ond händ scho vel gseh! De Janis het of alli ufe müse ond s‘Farn esch teilwiis mannshoch gsi ond mege vel Klee 🍀 hets ou no gha. Me het sech rechig druf gwartet, dass en Ewock ome egge chont - aber leider ned😄
    Es hets ned nor vel Lüt sondern ou no Mogge gha - es händ ned alli öppis langärmligs agha ond es het e paar Stech gäh - zom glöck hämmer de Löter derbi gha🥴
    Nachem usgebige spaziergang ond einige coole Fotine semmer de witer Rechtig Eureka ufbroche - e wär natürlech görn länger blebe.
    De Highway 101 verlouft südwärts dord Redwoods ond werd Kilometer lang vo dene Riesebäum gsäumt - me chont sech ächt chli vor!🤔
    Mer se de e nöchscht Starbucks go Kafi hole ond Iistee före Jsnis - leider heter nächär al 10km müsse go brönzle😁
    Am Obe semmer de no en Eureka e nes sehr guets Restaurant gange, d‘Jungs hei je es 350g Steak 🥩 gno, d‘Karin Spaghetti und Meetballs ond e Linguini net Muscheln 🐚 - esch sehr fein gsi.
    De semmer es Holiday Express Inn go pfuuse.    Leia mais

    Ver tradução
  • Andreas SiegristVancouver nach San FranciscoViajante
    1

    Vo der Küschte nach Sacramento

    3 de agosto de 2024, Estados Unidos ⋅ ☀️ 36 °C

    Höt semmer vo Eureka öber d‘Küschtebärgchette es Ennere vo Kalifornie ond de südwärts nach Sacramento gfahre. 🚙 Das send guet 300km ond 1000 Höhemeter⛰️. Die Bärge send afänglech no mega waldig ond es het die grosse Redwoods🌲, spöter eschs wärme ond sehr vel trochner worde.
    Mer hei döt zytewiis chum e Mönscheseel gseh.
    Emene chline Örtli hei mer de es Lädeli gfonde ond chli öppis kouft - d‘Karin het ofs WC müse - nor so vel - si het nächär es „Blizdings“ verlangt😎
    Nöcher send ändlosi Högel ond Täler cho, bes mer ader Autobahn em Ennere aglangt send. Dere semmer de gfolgt, bes mer z‘Sacramento oder, wie mer glehrt hei, frühber ou „Neu Helvetien“ acho se.
    Nachem ichecke semer no nach „Old Town Sacramento“, döt gsets no us ve zu Gründersziit vom Sutter. Mer hei e Pizza gässe ond se nos Parlamänt go aluege.
    De semmer es Hotel zrogg es Chörbli.    Leia mais

    Ver tradução
  • Andreas SiegristVancouver nach San FranciscoViajante
    1
    1

    Yosemite

    4 de agosto de 2024, Estados Unidos ⋅ ☀️ 25 °C

    Nachenere sehr lute Nacht met extreme Auto Pooser wo bes am drü am Morge Autorönne met Motoreghüül ond luuti Musig vor eusem Hotel veranstaltet hei, semer em Hotel go zmörgele. Eus het sech ned erschlosse, werom mer be 4 Persone nor 2 Zmorge inklusive ghahei🤔
    Nächär hei mer eus ofe Wäg e Yosemite National Park gmacht. Mer se dor endlosi Mandel, Noss, Frocht ond Wii Plantage gefahre ond es esch drochner ond drochner worde, je nöcher mer de Sierra Nevada cho send. Mer hei ou velerorts Füür Spuure gsehe.
    Nach guete 2 Stond hämmer eus em Park gnöcheret ond gläse, dass me zwösche 5 am Morge ond 4 am Nomi e Reservation brucht zom inecho. Entweder per Internet oder e Hotel Reservation Am Igang hei mer de leider usegfonde, dass euses Hotel ned em Park esch ond mer dorom ned ie hei chöne😩😭😤
    Mer hei de e andre Wäg müse näh, rengs ome Park zom andere Igang wo euses Hotel esch. Das send nomol 2 Stond sehr korfigi ond zom teil gförlechi Strosse gsi. Mer se de am vieri e Paark gfahre ond hends Yosemite Vally chöne gniesse. Bem Wasserfall seme ufegloffe ond hei e chli em Floss choslet. Der El Capitan ond Halfdome send sehr idröckkech gsi.
    E Bsuech em Suvenier-Shop het natürlech ou no klappet. Nächär semer zrogg zom Hotel ond de Nici „Adlerauge👀“ het no s‘Highlight vom Tag entdeckt - e Bär 🐻 - das mol e läbige!
    Nächer hei mer nos Hotel Zemmer bezoge ond send go ässe. D‘Jungs send de no e Pool go bade ond jetz got ou dä Tag z’änd.    Leia mais

    Ver tradução
  • Andreas SiegristVancouver nach San FranciscoViajante
    1
    1111

    Yosemite nach San Franzisco

    5 de agosto de 2024, Estados Unidos ⋅ ⛅ 22 °C

    Höt hämmers gmüetlech gno ond se de am Vormettag vo der Yosemite View Lodge losgfahre Rechtig San Francisco. Mer hei aber no es Silicon Valley nach Cupertino zom Apple Hauptsetz wele. Go tanke hei mer ou no müse, das esch em Nici si Job gsi⛽️
    Dlandschaft het sech ofem Wäg vo Bärgig rasch zo Steppe metnüt as Högel met dörem Gras veränderet. Mer hei e der Nöchi vom San Louis Reservoir - emene grosse Stausee - Rouch 💨 am Horizont gseh ond e paar Kilometer witer hets am Board näbe de Gägefahrahn liechtetloh Brönnt - es het äuä grad agfange ond e Minute spöter esch eus de ou scho d’Füürwehr 🚒 entgähe cho. Es esch ou öberal Wildfire Warnstufe „Extrem“ usgruefe🔥 gsi!
    Chli spöter semmer ofne Raschtplatz ond de Janis esch no ene Isebahnwage vonere chenderisebahn ine - er het grad no chöne stoh😆
    Nächär het sech d‘Landschaft weder gänderet - es het usgseh we z‘Afrika ond im Flachland send de weder die ändlose Plantagen cho.🍊🍅🌽
    Onderwägs hei mer spontan no entschede, das mer no e Abstächer nach Santa Cruz 🏄 e der Monterey Bay mache. Das ei Stond Fahrzyt me gsi of total föif Stond.
    En Santa Cruz send d‘Karin ond eg schos vierte mol gsi und d‘Karin het emmer wele e Original Shirt oder Jäggli vo Santa Cruz ha. Mer hei de no öppis gässe - es Bier a der Promi Abzocke choschtet 15$🤬 - ond se no chli go flaniere.
    De eschs witer es Silicon Valley nach Cupertino zo Apple 🍏gange. Mer hei das kreisronde Gebäude welle aluege ond se de no es Visitor Center. D‘Jungs hei T-Shirt kouft, vos nor döt get.
    Snöchste Ziel esch San Francisco gsi - euses letschte Ziel😢
    Mer hei eus vo Süde gnöcheret ond send de nach Oste a der Bay entlang ed Stadt 🏙️ gfahre - d‘Skyline esch mega schön em Näbel/Sonne Gmesch.
    Eus se grad die vele sälbstfahrende Auto 🚙 vo Waymo ufgfalle wo öberal e der Stadt omefahre.
    Mer hei de s‘Hotel guet gfonde ond se usgstege - esch mega chalt gsi - em Yosemite hets 38 gha, en SF no 15, met Wend gfühlt no 12Grad🥶
    Nachdäm mer 60$ Parking för ei Nacht zahlt hei simmer no ofs Pier39 öppis go ässe ond de ab es Bett - mer se alli müed gsi.

    Update: Am Pier heimer no e Bröiler em gäle Azog gseh, dä het äuä welle go tauche😆    Leia mais

    Ver tradução
  • Andreas SiegristVancouver nach San FranciscoViajante
    11

    San Francisco

    6 de agosto de 2024, Estados Unidos ⋅ ☀️ 21 °C

    Am letzte Tag met Outo 🚙 heimer zersch z’Morge gno em Hotel - es het aber e mega Schlange gha 😩, aber es esch de doch nor ca. 10 Minute gange🥞🧇🍳🥓🥣
    S‘Outo hei mer de us der extrem nedrige Parkgarage (1.80m) usemanövriert ond se de quer dord Stadt, via Lombard Street - der einzige gschlänglete Stross - zo de „Painted Laidies“ gfahre, dene vele gliche Hüsli us „Full House“. 🏘️
    Witer eschs zonere Ichoufs-Stross am Usläufer vom „Golden Gate Park“🏞️
    Es het e Schue Lade 👟 gha, wo de Janis ine het wele ond de Nici het em Secondhand Lade no Jagge gfonde.
    De esch öber die einmaligi Golden Gate Bridge 🌉 gange - emmer weder es grandioses Erläbnis ond em Sommer hets es Näbelmeer wo we ne Floss ed Bay inezieht ond sech döt unflöst. Of der Nord-Site semer de ofe Ussechts Ponkt ufe wome d‘Pylone vo der Brogg gseht usem Näbel rage ond je nach Secht on no meh.
    Anschliessend esch es nach Sausalito gange e chli go flaniere, e Wiehnachtslade ond go e Glace ässe - 33$ för vier😱! Damet mer no meh gsänd send mer de witter om die ganzi Bay ome gfahre, öber die gigantischi Bay Bridge weder zrogg ed Stadt. Döt hei mer es letschts mol tanked ond händ de de Jeep 4xe abgäh🥲
    Zrog em Hotel 🏨 hei mer eus e halb Stond usgrueht ond hei de am sächsi no wele go Cablecar fahre, aber ei eifachi Fahrt hät eus 32$ kchoschtet🤑
    Me se de as Pier abe e Automate Halle wos alles alti und uralti Automate ond Videospiel het ond händ döt e Stond verbrocht. Nächer se mer nod Seeleue am Pier 39 of erne Pontons go aluege wo grad es Scheff cho esch ond wäg der Wälle send fascht alli Seleue es Meer ine gheit😄
    Of die Achti hei mer em BubaGump reserviert gha ond hei döt fein gässe ond e schöni Obestemmig dörfe erläbe. De Chälner esch sehr nät gsi, er esch us Montenegro ond het chli Dütsch chöne.
    Ofem Heiwäg semer no chorz e Souvenir Lade ond de es Zemmer.    Leia mais

    Ver tradução
  • Andreas SiegristVancouver nach San FranciscoViajante

    Letzter Tag

    7 de agosto de 2024, Estados Unidos ⋅ ⛅ 13 °C

    Höt semmer öppis spöter ufgstande ond send gmüetlech go z‘Mörgele🥞
    De hei mer es Billet glöst ond se met der Bahn ed Statt gfahre ond de metem Cablecar bes China Town 🇨🇳
    Döt semmer chli go flaniere ond de witter nach Downtown ond ed SF Center Shopping Mal - leider send die halbe Läde gschlosse - äuä sit Corona🫤
    Nochär hei mer e chorze Abstächer zom Salesforce Tower ond em Park döt gmacht. Dä esch meter Gondola erreichbar, es Seilbähnli 🚡 wo zom Park of 20 Meter Höchi ufe fahrt.
    Es esch de weder mol Zyt för Ässe gsi, me se de zom Shake Shak go Börger 🍔 ässe.
    Nächär semer no en „ROSS“ e Lade so we der Ottos aber no chli schlemmer🤗 Döt hei mer no gönschtigi Schue kouft ond send de rechtig Markthalle zrogg. D‘Jungs hei es Hotel wele ond se metem historische Tram 🚈 zrogg. Mer hei no öpis wele go drenke, aber nächär esch es plötzlich chalt ond wendig worde ond mer se ebefalls es Zemmer. Döt hei mer Forest Gump em TV 📺 gluegt ond hei no de Flog icheckt.
    Mer se de nomol use es Hard Rock Café go ässe. De Nici ond e händ Fachitas gno ond die send ofemene Dampfende Täller cho - es het alles ignäblet😶‍🌫️. Dasch euses letsche Obeässe gsi 😥
    Mer hei no e SF Pullover före Nici gholt ond se de nächär es Zemmer. Döt hei mer no packt damit mer möglichst parat send förd Heireis.    Leia mais

    Ver tradução
  • Andreas SiegristVancouver nach San FranciscoViajante

    Rückreis

    8 de agosto de 2024, Estados Unidos ⋅ ☀️ 17 °C

    Höt hei mer s’letscht mol American Breakfast gha - ha de AmiKafi ächt gärn öbercho🤭Wells e lange Tag werd, hei mer alli guet gässe. Anschliessend esch no fertig packe ond s‘Zemmer abgäh agseit gsi.
    Mer hei de e Uber bstellt ond es esch e nätti Dame vomene Vorort vo San Francisco met erem Tesla cho ond hed eus es letschts mol dord Stadt chauffiert ond as internationale Terminal vom Floghafe brocht.
    Döt acho heimers Gepäck ufgäh ond se dord Security Kontrolle👮
    Leider hets am Gate nöm vel schlaus gha - de esch halt warte agseit gsi.
    Bording esch rasch gange ond de Start problemlos✈️
    De Folg esch aber rächt holprig gsi, emmer weder Tourbulänze ond a Schlof esch fasch ned z‘Dänke gsi. Einersits hets nach vier Stond nomol z‘Ässe gäh was d‘Jungs gweckt het obwohl „Nicht wecken „ aktiviert gsi esch ond nächär hei die hender eus ufdräit - e närfigi, luti ond respäcktlosi Familie wo bem Nachtflog als einzigi em Flüger ✈️ Liecht 💡 gha hei, debi lut gjassed ond d‘Charte ofe Tesch ghoue hei, dass die ganz vorderi Reihe (eusi) kläpperet het😭😱🤬
    Mer se de doch no acho ond warte jetz ofs Gepäck 🧳    Leia mais

    Ver tradução
  • Andreas SiegristVancouver nach San FranciscoViajante

    Wieder Deheim

    9 de agosto de 2024, Suíça ⋅ ⛅ 26 °C

    Am Floghafe hei mer no e Kafi gno, bes der direkt Zog of Olte cho esch🚇 Mer hei im IC e chli trouble gha, wells chum Platz het för grossi Köfer ond nach 24h Reisezyt semmer ou langsam dore gsi😴
    Z‘Olte hei eus den liebenswerter wiis d‘Lisebeth ond der Guido abgholt und bes dehei vord Huusdöre chauffiert - merci vöu mol🙏
    Ond met däm got d’Reis ond ou mini Brechterstattig z‘änd. 😊    Leia mais

    Ver tradução
    Final da viagem
    9 de agosto de 2024