Suche zurücksetzen
Australien / Neuseeland
  • Barbara Michel
  • Ernst Michel
  • Barbara Michel
  • Ernst Michel

Australien / Neuseeland

Ein 113-Tage Abenteuer von Barbara & Ernst Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
ÜbersichtKalenderFotos
  • Australien / Neuseeland
    1

    Keith

    8. Dezember 2025 in Australien ⋅ 🌬 28 °C

    Mir si knapp 240 Kilometer ids Landesinnere gfahre. Hie si mer uf em ne wunderschöne Platz mit vielne Böim und em ne gwaltige Vogelkonzärt. Grad näbedra hets es Gheg mit Wallabies. D Wiehnachtsdekoration im Dörfli isch sehr schö vor allem bi 30 Grad🤣. U ds Badzimmer isch dr absolut Hit.Weiterlesen

  • Australien / Neuseeland
    3

    Grampian Nationalpark

    8. Dezember 2025 in Australien ⋅ ☀️ 25 °C

    Witer ids Landesinnere. Da mir rächt früe uf em Platz si acho hei mer no Zit gha i Park ds fahre u dert zu 2 Sehenswürdigkeite z loufe. D Balconies hei früecher de Aborigines Schutz bote. Jetz cha me nümm überall häre wüll ä Waldbrand grossi Schäde het agrichtet. Dr Mackenzie Wasserfäll isch dr höchscht. Mir si 265 Stägetritte stei abegloffe für ne ganz gseh. Nach em Znacht hei mer diräkt hinderem Campinvplatz no Kängurus gseh grase.Weiterlesen

  • Australien / Neuseeland
    1Glungni Vögel
    D Änte bade im Pool

    Känguruhs

    10. Dezember 2025 in Australien ⋅ ☁️ 17 °C

    Hüt isch bedeckt gsi u het paar Tröpfli grägnet. Mir si ids Dorf spaziert u hei dert ä hufe Känguruhs gseh. Ou näbem Campingplatz si si gsi. Bim Kafi hei mer is amüsiert über d Papageie. Die si ganz schön fräch.
    Dr Nami hei mer brucht zum Campingplätz bueche u de isch no dr Chüelschrank usgstige. S het du nume Teigware gäh🫣.
    Derfür isch ds Känguruh wieder näb üsem Camper gsi und mir hri gseh wie si über ds Hegli chöme.    Weiterlesen

  • Australien / Neuseeland

    Wanderig zum Pinnacle

    11. Dezember 2025 in Australien ⋅ ⛅ 19 °C

    Nach ere chalte Nacht ischs hüt schön Wätter gsi. Mir hei üs uf ä Wäg gmacht zum Pinnacle. 500 Höhemeter und öppe 15 Kilometer. Äs isch mängi Steistufe ufegange. D Felse si sehr speziell u d Ussicht sehr schön. Äs het sehr viel Grille gha i de Böim. Die hei ä Soukrach gmacht. Da üse Chüelschrank usgstige isch hei mer du halt müesse ga Znacht ässe am ne wunderschöne Plätzli. U fein ischs ou gsi.
    Nähr si mer no ga Känguruhs luege. Öppe 40 Sück si uf dere Wise gsi. Mir hei no 3 Schwizer troffe.    Weiterlesen

  • Australien / Neuseeland

    Port Campbell

    12. Dezember 2025 in Australien ⋅ ⛅ 20 °C

    Mir si wieder am Meer. Uf em Wäg hei mer scho äs bitzli vor great Ocean Roud gseh. Nach emne feine Apero mit Blick uf ds Wasser und em Znacht si mir no uf e Stäg wos hufe Fischer het gha. Känguruhs hei mer hie keni gseh derfür ä Hufe HäsliWeiterlesen

  • Australien / Neuseeland
    222

    Ds Houptziel vo Australie

    13.–26. Dez. 2025 in Australien ⋅ ⛅ 19 °C

    Uf dä Momänt hei mir üs scho lang gfröit. Dr Küschteabschnitt Great Ocean Road. Mir si viel Kilometer ds Fuess unterwägs gsi und heis richtig chönne gniesse. Ds Wätter het ou mitgmacht😎

  • Australien / Neuseeland
    1

    Windig

    14. Dezember 2025 in Australien ⋅ 🌬 13 °C

    Hüt ischs eher ä gruslige Tag gsi. S het mega chuttet und ab und zue chli grägnet. D Temperatur eher chüel. Mir si trotzdäm uf die anderi Site vo Port Campbell zur Londen Bridge und em Grotto. Sisch idrücklech gsi wi sech ds Meer im Verglich zu geschter veränderet het.Weiterlesen

  • Australien / Neuseeland
    Port Campbell

    Schlächtwätterprogramm

    15. Dezember 2025 in Australien ⋅ ☁️ 15 °C

    Bir hütige Wätterprognose isch dusche und wäsche agseit gsi. Am Nami hets de plötzlich ufta u mir hei Sunne u blaue Himmel gha. Mir hei dr Cliffwalk gmacht wo grad bi üsem Campingplatz startet. Über d Brügg u fasch 200 Stägetritte ischs ufegange. D Ussicht isch sehr schön gsi. Jetz ischs wieder bedeckt und chutet.Weiterlesen

  • Australien / Neuseeland

    Apollo Bay

    16. Dezember 2025 in Australien ⋅ ☁️ 12 °C

    Hüt si mer am südlichschte Punkt vo Victoria gsi. Bim Lüchtturm vom Cape Otway. Mir hei bim zrüggfahre no ne Walk im Rägewald gmacht. S het riese Böim gha. Churz vor Apollo Bay hei mer uf dr Stass äs Koala Bärli gseh. Wo ni bi zrügg gsi ischs grad verschwunde. Gli druf ischs dr Boum uf cho und het mit agluegt. Sooo schön.
    Zum Znacht hets Känguruhfillet gäh. Und für Aschi zum Dessert Afogata. (Kaffee, Vanillglace und Baileys)    Weiterlesen

  • Australien / Neuseeland
    Alt und Neu

    Melbourne

    17. Dezember 2025 in Australien ⋅ ☀️ 29 °C

    Mir si hüt früeh los. Am Mittag si mer ds Melbourne bi Apollo gsi. Nach drei Stund warte hei mer müesse Camper tusche wüll si ke Ersatzchüelschrank hei gha.. Usrume, irume u nähr no fasch ä Stund zum Campingplatz fahre.
    Nach ere Dusche u chli Pouse si mer mit Uber id Stadt und mit dr Manuela fein italiänisch ga Znacht ässe.    Weiterlesen

  • Australien / Neuseeland

    Stadt-Tag

    18. Dezember 2025 in Australien ⋅ ☀️ 35 °C

    Mir si am Morge id Stadt. Hüt wirds 37 Grad. Zersch si mer zum Märit und hei öppis Zmorge gässe. Dr Märit isch riesig. Si hei wunderschöni Frücht u schöns Gmües gha. Am Nami hei mer ä Flussfahrt uf em Yarra River gmacht. Nähr si mer zum Eureka Turm, 297,3 Meter höch. Dr Lift geit 88 Stockwärk ufe irä mega Gschwindigkeit. Dobe cha me d Ussicht runfum gniesse. Nach em Znacht hei mer d Belüchtig vo dere Stadt bestuunt. Merry christmas😆Weiterlesen

  • Australien / Neuseeland
    22

    Venus Bay

    19. Dezember 2025 in Australien ⋅ ☁️ 30 °C

    Mir si witergfahre Richtig Sydney. Zersch dür ganz Melbourne ca 60 Kilometer. Nächär het d Strass uf 2 Spure gwächslet. Landschaftlich ischs gsi wi im Ämmital. Grüen, hügelig und ds hunderte vo Chüe.
    Gäge Abe hei mer no ä Spaziergang zum Strand Nr.1 gmacht (äs git 3). Zum Znacht hei mer äs sehr feins Schwinsfilet gha.    Weiterlesen

  • Australien / Neuseeland

    Philip Island

    20. Dezember 2025 in Australien ⋅ ☁️ 16 °C

    Mir hei hüt ä Tagesusflug gmacht uf d Insle wo mit ere Brügg mit em Feschtland verbunde isch. Bekannt isch vor allem d Pinguinparade. Di chlinschti Pinguinart (30cm). Si chöme am Abe nach dr Jagd us em Meer und gö o ihri Näschter. Mir hei zwöi Jungi gseh. D Parade hei mer müesse la si. Im Dunkle ä Schtund fahre wär ds riskant. Mir si no ds Koala Conservation Reserve ga luege. D Koalas si dert frei i de Böim. Di hei Plattforme gmacht wo me se cha beobachte. Äs het o viel Papageie u Kängurus si ou umegumpet.Weiterlesen

  • Australien / Neuseeland

    Eagle Point

    21. Dezember 2025 in Australien ⋅ 🌧 19 °C

    Scho am Morge ischs bedeckt gsi u het de uf dr Fahrt afa rägne. Wo mer si acho hetts scho gli gschüttet wi us Chüble. Mir si dankbar für nes trochnigs Outo und ä funktionierendi Heizig.
    Jetz gseh mer blaui Löcher u d Sunne blinzlet düre.Weiterlesen

  • Australien / Neuseeland
    2

    Raymond Island

    22. Dezember 2025 in Australien ⋅ 🌬 14 °C

    Hüt schint wieder d Sunne. Mir si uf Paynsville gfahre. Vo dert geit ä Fähre uf ds Inseli. Si brucht 2 Minute u isch für d Fuessgänger gratis. Uf em Inseli läbe viel Koalas. Mir hei nis viel Zyt gno für se ds sueche und ds beobachte. Hüt hei mer ds erscht Mal Jungi gseh. Zrügg uf em Camping si mer no ads Wasser. Dert hets mega viel Qualle gha. Dr Fischer het gseit die chönn me id Hand näh da passieri nüt. Nei danke!Weiterlesen

  • Australien / Neuseeland

    Eden

    23. Dezember 2025 in Australien ⋅ 🌬 21 °C

    Mir si wieder äs Stück nächer a Sydney. Dr Campingplatz isch nume 150 Meter vom Meer furt.
    Dr Nullica River fliesst da ids Meer.

  • Australien / Neuseeland

    Eden Tag 2

    24. Dezember 2025 in Australien ⋅ ☀️ 19 °C

    Mir hei bi schönschtem Wätter dusse chöne Zmörgele. Nähr si mer ids Stedtli gfahre. Im Visitor Center si mer über di verschidene Stränd informiert worde. Nach emne Kafi und de wunderbare Wiehnachtsdekoratione hei mer ä wunderschöni Bucht gfunde und ds Meer und Sunne gnosse. Jetz ischs bedeckt und chuttet.Weiterlesen

  • Australien / Neuseeland
    2

    Batemans Bay

    25. Dezember 2025 in Australien ⋅ 🌬 21 °C

    D Fahrt hüt isch dür halb gebirgigs bewaldets Gebiet gange. Uf und Ab. Mir hei viel Chüe und Schaf gseh. Wo mer ad küste cho si hei mer dr Touristdrive gmacht und si zum Bar Beach cho. Ussert Salzwasser hets nüt gä aber wunderschön. Leider hets wieder kuttet. Uf dr andere Site hei mer no Seelöie gseh und ghört. Jetz hei mer äs feins Znacht gha mit emne guete Glas Rotwi.Weiterlesen

  • Australien / Neuseeland

    Ruhetag

    26. Dezember 2025 in Australien ⋅ ⛅ 15 °C

    Mir hei d Stränd ir Umgäbig agluegt und hei de eine gfunde mit weni Wind und hei dert guet chönne bade. Am Abe si mer sehr fein ga Znacht ässe. Föteli gits hüt nid.

  • Australien / Neuseeland
    Hüt si si grad nid so spektakulär

    Mittagong

    27. Dezember 2025 in Australien ⋅ ☀️ 16 °C

    Zersch hei mer ä Abstächer gmacht zum Mollymook Beach. Ä mega schöne Strand. D Wälle si de aber eifach ds gross gsi für üs.
    Witer isch über Ulladulla ids Landesinnere gange. Uf dr Gägesite hets Stou gha wi am Gotthard. D Fahrt isch rächt abetürlich gsi, steil ufe und abe mit vielen Kurve und U-Turns. Mir si no ga d Fitzroy Falls luege bevor mer de zu üsem Campingplatz si. Mittagong ligt uf 635 Meter i de Southerns Highlands. Temperature si dämentsprächend.Weiterlesen

  • Australien / Neuseeland

    Boxvale Track

    28. Dezember 2025 in Australien ⋅ ⛅ 19 °C

    Mir hei ä Bushwalk gmacht. Nach 4ähalb Kilometer si mer zum Nattai George Lookout cho. Vo dert het me bis id Blue Mountains gseh. Dr Trail isch früecher ä historischi Isebahnstrecki gsi. Sogar mit Tunnel. Dä isch 94 Meter läng. Äs het erstunlich viel Blüemli gha am Wägrand. Jetz hei mer no gwäsche. Morn geits uf Sydney. Dert gä mer dr Camper ab.Weiterlesen

  • Australien / Neuseeland

    1. Etappe abgeschlossen

    29. Dezember 2025 in Australien ⋅ ☀️ 24 °C

    Nach ere sehr chalte Nacht (5Grad) hei mer pünktlich dr Platz verlah und si Richtig Sydney gfahre. Bim erschte Raschtplatz hei mer packt und dr Camper id Ornig bracht. D Fahrt uf Sydney isch kes Problem gsi.( Bi däm Chauffeur🥰). Mir hei dr Camper abgäh und si mit Uber zu üser Unterkunft gfahre. I ha di heissi Dusche ungloublich gnosse. Nach emne feine Znacht chöi mer jetz chli abefahre und all die Idrück chli probiere ds verarbeite.Weiterlesen

  • Australien / Neuseeland
    11

    Sydney 30. DEZEMBER

    30. Dezember 2025 in Australien ⋅ ⛅ 23 °C

    Mir si mit em Bus id Stadt gfahre. Am Circular Quai si mer mit dr Fähre uf Cookatoo Island gfahre. Ä Hotspot fürs Silveschter. D Lüt si mit Wägeli cho und hei äs Plätzli gha fürs Zält ufzstelle. Alls isch genau abgmässe gsi. Zrügg ir Stadt si mer zum Operehus. Scho hüt hets ungloublich viel Lüt. Im ne italiänische Restaurant hei mer de sehr fein Znacht gässe und si mit em Bus zrügg zur Unterkunft.Weiterlesen

  • Australien / Neuseeland
    1Happy New Year

    Silvester in Sydney

    31. Dezember 2025 in Australien ⋅ ☁️ 20 °C

    Am Morge si mer mit Uber zur Unterkunft gfahre. Mir hei nis mit dr Manuela im ne Kafi troffe. Am Namittag hei mer nüt gmacht. Mir hei im Rooftop reserviert fürs Znacht. Zersch hets chli gharzet. Wo mer du hei gseit das mer Tickets hei für ä Blues Point hei mer ds Ässe übercho und sisch mega fein gsi. Mir si de rächtzitig bir Ticketkontrolle gsi und hei am nüni ds Chinderfürwärk gseh. Nächär hei mer müesse warte bis am zwölfi. Äs het sech glohnt.
    Mir wünsche allne äs guets Nöis!    Weiterlesen

  • Australien / Neuseeland

    Neujahr

    1. Januar in Australien ⋅ ⛅ 19 °C

    Mir si ersch am Nami los Richtig Stadt. Ds erschte Mal ds Fuess über d Harbour Bridge. Äs het o hüt no viel Lüt gha. Mir hei de glich no ä Platz imne Restaurant gfunde und öppis feins Znacht übercho. Äs isch eifach ä schöni Stadt.Weiterlesen

  • 2026© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum