Abentür Gasfläsche fülle 2.0

So, üsi fläsche isch zum 2te mal leer.. hie in Spanie isch ds ganze no chli komplizierter, da z uffülle vrbote isch. Lut Campingaz (hersteller) söt meh aber in ganz Europa d Fläsche chönne ustusche. Ar Reception hei si nüt wöue wüsse, aber mi söll im carrefour luege. Guet mit em Velo dert härä (Mama allei, da ihres Velo eh blabii het {wortkreation makajo}) nei di hei kes.. auso doch scho aber nur online🤣 auso eh schluch kouft fürs Velo u wieder zrug. Papa flickt ds Velo während Mama u Makajo im Pool abkühle. (Danke Nachbar fürs Werkzüg!) Nach dr Siesta uf di 5i, nomal zum Carrefour, vo dert ah 3-4 verschiedene Tankstelle u nach 4km ufener Autostrass Velo fahre de imne Eisenwaren-Gschäft ändlech fündig worde.. komplett K.O. heimer üs es Glace gönnt u si nomal ih Pool. (Irgendwenn schaffis meh Fotos vom schwümmende Makajo ds mache, versproche)Read more